Korintoƒuɔ 2 13:3 - Katɔti Ɔku Kedee

³ Ka bɛɛwia bɛnu bɛti geen ka Kristo nkɛ-mi lɛlɔ ɔɔtɛmiku-mii ɔsu ni, bɛdubɔnu lɛla lɛni na bɛɛwia! Ulése buɛɛ ulete-mii si Katɔti ɔɔní-mii kɔtu. Na bɛdubɔti ka ubo ɔyikun na bina akɔ sɔsɔ.

Korintoƒuɔ 2 13:3 ပူးပေါင်းရင်းမြစ်များ

Mateo 10:20

Ɔsika Katɔti ndubute-mii etemila ani na bɛdubɔsu. Katɔti Kɔyu kɔdubɔtɛmi kɔsiaku-mii lɛlɔ.

Luka 21:15

Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.

Korintoƒuɔ 1 7:40

Na si ɔ́kana na ɔ́sɔ útelie kɔgya ni, ɔdubɔkɛ ebiti utulo. Ɔmɛni na mina kasusu kaatina-mi, na lɛ́ƒɔ lɛ́di ka ɔdi Katɔti Kɔyu lɛƒɔyɔ lɛnɔ.

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Korintoƒuɔ 2 10:4

Ɔsika ekpola ani na bɔda buukpó ni, aaadi kayawi kamɛni ekpola. Mmomu Katɔti ɔyikun na ɔdi na buti bɔɔdi ukisine ɔmmɔ kama kekpokɔ lɛlɔ.

Korintoƒuɔ 2 12:12

Lɛ́bla ala pii ku kayi buɛɛ na bina akɔ ani mɔɔtina ka ndi ɔtalane geen. Katɔti ɔ́sia-mi lɛlɔ na ɔ́bla akɔla budie taatina lidu lidu ku ala ebendi bamba lɛnɔ.

Korintoƒuɔ 2 2:10

Si bíti ukyuli ɔmmɔ bɔƒiɔ bɛ́kyiɛ-nwu ni, ami lɛnɔ líti lɛ́kyiɛ-nwu. Na si bɔƒiɔ bɔdi bɔkya bɔni na ɔlɛka liti lɛkyiɛ-nwu ni, líti lɛ́kyiɛ-nwu na Kristo anumi kalɛ na bɛbla unwi.

Korintoƒuɔ 2 2:6

Ɔsika ukyuli ɔmmɔ ni, kɔtu kɔni na bina akɔ pii bɛ́ni-nwu mmɔ ni, ɔmmɔ kani ɔbɔ.

Korintoƒuɔ 2 9:8

Na Katɔti ɔkana na ute-ɔ lɛla biala kalɛ na akɛ ala ani ƒui na aawia uwi biala. Na akana ebunku na kabla kabuni biala kemmo kaduɛ.