Korintoƒuɔ 2 13:11 - Katɔti Ɔku Kedee

¹¹ Banwa, na kawɔlɔkɔ mɛni ni, binye momoomo na bɛlɛ lili bɛwɔlɔ. Na binu ala ani ƒui na lívele-mii na ɔku ɔmɛni kemmo. Bɛbla unwi na bilieku lɛlɔ ku keyi buɛɛ, na Katɔti ɔni mɔɔyɔ́ bekyuli na ɔɔyá na keyi kaayɔ́ku-ma ni, ɔdubɔsiaku-mii.

Korintoƒuɔ 2 13:11 ပူးပေါင်းရင်းမြစ်များ

Ala Kalɔ Buse 37:4

Ka nwuna banwani bánu báti ka bana ɔti ɔɔyɔ́ Yoseƒ teetulo-ma ɔsu ni, balátɛmiku-nwu ku lɛdi buɛɛ munu munu. Na beekisi-nwu.

Ala Kalɔ Buse 45:24

Ɔmmɔ kama údie nwuna banwani bammɔ ulu na úbo-ma ɔda ɔnini, “Bitatádɔ na ulu lɛlɔ si bísela.”

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Mateo 5:48

Bɛbla sɛɛn aani kalɛ na bina Ɔti ɔni nkya katɔ use sɛɛn.

Marko 10:49

Amu ka Yesu únu-nwu butemi ni, údi únye na ɔ́su ɔnini, “Bɛlɔ-nwu bite-mi.” Anwuɔsu bálɔ ɔnumbwɛne ɔmɛni banini, “Kɛ kubiti! Ta pla, ɔsika ɔɔlɔ-ɔ.”

Marko 9:50

“Mma bɔdia. Nsu si buuubo emini ni, alakana-mu emini bɔsɔ bɔkya lɛnɔ. Anwuɔsu ni, binye lɛbibo biala kenye kpakplaa. Na bilieku lɛlɔ na bɔyɔ kemmo.”

Luka 9:61

Ukyuli bamba lɛnɔ ɔnii, “Blɔti, masiaku-ɔ. Nsu ya-mi lɛka mina lɛlɔ bekyuli busie butákada asa.”

Yohane 17:23

Ami nliku-ma, na awɔ eliku-mi. Ya na babla unwi bawɔlɔ kalɛ na kayawi bekyuli banu bati ka awɔ nátala-mi, na aayɔ́-ma kalɛ kani na aayɔ́-mi.

Batalane Kabla 15:29

Bini ala ani na béti bákpa béte baƒiɔ ku ubugya bɔni ku bebuo bani na bélii-ma amɔ bádu bɔkun ku kɔsɔnɔ bɔdi. Si bɛda lɛlɔ lɛni ni, keyi kadubɔyɔku-mii. Bɛkya kpoo.

Batalane Kabla 18:21

Ɔmɛni ɔsu ka ɔɔtɔlɔ ni, ɔ́su-ma ɔnini, “Si Blɔti ɔ́tuna ni, ndubɔsɔ linwini libo-mii kudɔ.” Na ɔ́sɔ útéduo ɔkɔlɔ kemmo na ɔ́tɔlɔ Eƒeso.

Batalane Kabla 23:30

Na uwi ɔni na básu-mi ka baabla-nwu lɛlɔ kasusu ka badubo-nwu bɔdu ni, lɛ́bu lili kemmo nnii muuti-nwu liboku-ɔ na lɛsu ama bani na anwu ku-ma bákɛ litemi ka beti nwuna bɔƒiɔ beboku-ɔ anumi.

Romaƒuɔ 12:16

Bɛbla unwi ku bina bakpana na bina ngba bulie kemmo. Bitatalaku lɛlɔ katɔ, mmomu bɛtuna na bɛsala ku bani neeebo kenyekɔ kadi na bekyuli anumi. Na bitanu lɛlɔ bitetulo bakladi.

Romaƒuɔ 12:18

Bɛsia ulu biala lɛlɔ na bɛya na keyi buɛɛ kakya amii ku bekyuli ƒui ntɛ.

Romaƒuɔ 14:19

Anwuɔsu bɛya na bɔkya ɔkplu biala na bɔbla lɛla lɛni muuboku bekyuli keyi buɛɛ na lɛɛyá na bekyuli baalɛ́ lili na kɔyu kemmo.

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Romaƒuɔ 15:33

Katɔti ɔni muute keyi buɛɛ ɔsiaku bina ƒui. Ɔsia lɛni.

Romaƒuɔ 16:20

Katɔti ɔni muute keyi buɛɛ ɔdubususu ukisine ɔmmɔ kpɛtɛ kpɛtɛ na ɔya na bɛdi-nwu lɛlɔ na uwi klukui kemmo. Blɔti Yesu Kristo lɛƒɔndia lɛsiaku-mii.

Korintoƒuɔ 1 1:10

Na kenyekɔ kani na Blɔti Yesu Kristo úte-mi kenye ni, mɔɔsu-mii kpakplaa aani mina banwa baƒɔtaadine kalɛ nnii bina ƒui binu lɛlɔ kalɔ kalɛ na lɛlɔ bule bɔdi bulakya-mii akɔ. Na bɛbla unwi na ala ani na bɛɛkali ku ala ani na bɛwia lɛlɔ.

Korintoƒuɔ 2 1:4

Anwu mɔɔsia-bu kɔnu na bula lɛbibo biala kemmo, kalɛ na abu lɛnɔ bɔkana na bubunku bula bekyulikpana na bana lɛbibo biala kemmo. Na kalɛ na Katɔti uubunku-bu ni, lɛni na abu lɛnɔ buubunku bekyuli.

Korintoƒuɔ 2 13:14

Blɔti Yesu Kristo lɛƒɔndia ku Katɔti bɔyɔ ku Katɔti Kɔyu unwi bɔbla ɔsiaku bina ƒui.

Korintoƒuɔ 2 13:9

Lɛlɔ lɛɛyɔ́-bu si bina bɔƒɔtaadi bɔɔyu ɔkplu, na use aani si bula ɔyikun ɔɔƒana na bina lɛlɔ. Na lɛla lɛni na buuvele ndi ka bɛlɛ lili bɛwɔlɔ.

Eƒesoƒuɔ 4:12

Ɔ́bla ɔmɛni úti ɔ́klibi Katɔti bekyuli úse kalɛ na beti bebunku baƒɔtaadine na banyuɛ-ma aani Kristo ɔlɔna unwi pɛ ɔmmɔ na ɔlɛ lili.

Eƒesoƒuɔ 4:3

Bɛbla lɛla biala kalɛ na bɛkana na bilie na unwi bɔbla kemmo aani kalɛ na Katɔti Kɔyu kɔ́da-mii kɔ́sala na kúte-mii keyi buɛɛ.

Eƒesoƒuɔ 6:23

Banwa, Unwoti Katɔti ku Blɔti Yesu Kristo ute-mii keyi buɛɛ ku bɔyɔ ku bɔƒɔtaadi.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Ƒilipiƒuɔ 3:16

Na lɛla lɛni námanku ndi ka bɛya na bula ngba bulie bɔ́manku kesii kani na búusie anumi búbedu.

Ƒilipiƒuɔ 4:2

Muuvele Euodia ku Sinteke lɛnɔ ka benu lɛlɔ kalɔ na basɔ belie aani banwa belekubi na Blɔti kemmo.

Ƒilipiƒuɔ 4:4

Na mɔɔsu-mii nnii bɛya na lɛlɔ litaayɔ-mii na Blɔti kemmo. Na nsɔ mɔɔsia kama nnii bɛya na lɛlɔ litaayɔ-mii.

Ƒilipiƒuɔ 4:9

Biti mina ɔbladu ku mina etemila ani ƒui na bínu na bɛ́tɛya bɛsiku-mi kudɔ bɛkya kabla bɔbla kemmo. Na Katɔti ɔni muute keyi buɛɛ ni, ɔdubulieku-mii.

Tesalonikaƒuɔ 1 3:10

Buuvele Blɔti kpakplaa usien ku ɔƒɛ bɔnii ɔya na bɔsɔ bɔsa na bɔkya-mii bɔƒɔtaadi unu.

Tesalonikaƒuɔ 1 4:1

Banwa, mina lɛla likplodi lɛni muuvele-mii ndi ka ni, bilie ngba bɔni mɔɔyɔ́ Katɔti kaƒɔ aani kalɛ na bɔ́tina-mii. Bɛdaku ɔkplu bɔkya bɔdi, nsu bɔɔkya-mii ogya na Blɔti Yesu lɛnyi kemmo bɔnii bɛbla bitulo lɛni.

Tesalonikaƒuɔ 1 4:18

Anwuɔsu biti etemila amɛni bitaasia lɛlɔ kɔnu.

Tesalonikaƒuɔ 1 5:13

Bɛyɔ-ma na bɛbu-ma kaduɛ na bana ulu ɔbuni ɔni na béti-mii baasiaku ɔsu. Na bilieku lɛlɔ ku keyi buɛɛ.

Tesalonikaƒuɔ 1 5:16

Bɛya na lɛlɔ litaayɔ-mii uwi biala.

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Tesalonikaƒuɔ 2 2:16

Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.

Tesalonikaƒuɔ 2 3:1

Asa na mawɔlɔ ni, banwa, binyimo na bitaakpali katɔ na bula lili kalɛ na Blɔti litemi lɛmɛni liteegyingya teesie kesi kesii ku ɔbu aani kalɛ na amii lɛnɔ bɛ́ƒɔ-ni.

Tesalonikaƒuɔ 2 3:16

Buuvele Blɔti ɔlatidi ɔni muute keyi buɛɛ bɔnii ute-mii keyi buɛɛ na bina ngba bulie ƒui kemmo. Blɔti ɔda bina ƒui na ulu biala lɛlɔ.

Timoteo 2 2:22

Da atu die lɛkloƒu bɔdi ala keeke kama bɔsiaku kemmo. Na abla lɛla biala ulu lɛlɔ, na elie ɔƒɔtaadine ngba buni, na ataayɔ bekyuli, na elieku-ma ku keyi buɛɛ. Siaku ala amɛni ku bekyuli bani ƒui mɔɔkpali Blɔti ku kayi sɛɛn kama.

Hebriƒuɔ 12:14

Bɛsia ulu biala lɛlɔ na keyi buɛɛ kakya amii ku bekyuli ƒui ntɛ na bɛbla kedee. Ɔsika ɔdi biala ulakana na wanu Katɔti si uuuse kedee.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Yakobo 1:4

Bɛya na kalɛ na binye kpakplaa mɛni usie anumi ubu na ɔlɛ-mii kɔsia ɔwɔlɔ. Na bɛbla baƒɔtaadine babuni bani na lɛbuni bɔbla bɔ́ƒɔ-ma lɛlɔ kemmo ƒui.

Petro 1 3:11

Ɔlɛka ɔda likpidi bɔbla ɔya na utaabla lɛbuni, na ɔsia ulu biala lɛlɔ na nwuna kayi kabla ƒaa ku bekyuli ƒui.

Petro 1 3:8

Na ɔmɛni kawɔlɔkɔ ni, bina ƒui bɛkɛ kɔyu kemmo kasusu kenwi bɛyɔ lɛlɔ aani banwani kalɛ na bɛnu ɔdi biala kɔnyana, na biboku lɛlɔ kalɔ bite lɛlɔ.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Budie Taatina 22:21

Muuvele nnii lɛƒɔndia lɛni nási Blɔti Yesu kudɔ lɛsiaku Katɔti bekyuli. Ɔsia lɛni.