Korintoƒuɔ 2 12:21 - Katɔti Ɔku Kedee

²¹ Mɔɔyia ka uwi ɔni na nsɔ mebo mmɔ ni, mina Katɔti ɔdubɔya na enu aƒɛ-mi na bina anumi. Na ndubuwulo na bekyuli pii lili, ɔsika bétenwini kayi na bana alaekpidi ani na bábla bábavi ɔsu. Báabla ala ani muusé lɛlɔ, na bádi kɔsɔnɔ, na baaadaku-ni na ulu biala lɛlɔ.

Korintoƒuɔ 2 12:21 ပူးပေါင်းရင်းမြစ်များ

Esra 10:1

Uwi ɔni Esra ɔkya uubó lɛlɔ taava kalɔ na uuwulo taakpali Katɔti na uudie bana alaekpidi kalɔ teevele buti taakyiɛ na Katɔti kaduli ni, bekyuli lisu pii bábaka bámana-nwu na badi beleku ku banana ku banamu na ama lɛnɔ bakya beewulo momoomo.

Esra 9:3

Amu ka línu ɔmɛni ni, lɛ́ni mina awu lɛ́bwɛ na lɛ́gyɔ mina lili linwini ku ukwi! Na lɛ́yu lílie kalɔ ku bɔyia geen ku kɔnyana.

Kɔgya 119:136

Naaada buwulo taaya uwi ɔdi na ɔni na bekyuli baládi ƒula ɔda bubo lɛlɔ ɔsu.

Israelƒuɔ Bɔlɛ 32:31

Amu na Mose ɔ́sɔ únwini úsie-nwu kudɔ na ɔ́su-nwu ɔnini, “Bekyuli bamɛni bábla likpidi bonwu, ɔsika béti sika ugyiedi bávɔ ɔti bamba ɔdi béte lɛlɔ na bákpa-nwu.

Yeremia 13:17

Na si bɛ́talaku lɛlɔ katɔ na bítenu-nwu litemi ni, ami lɛti ndubo buwulo uwi ɔni na badubuti Katɔti bekyuli batɔlɔku aani bekyuli batɔntɛne.

Yeremia 9:1

Si bunwini na mina anumi enwini imii ku libiɔ na nteewulo usien ku ɔƒɛ na mina bekyuli bani na bádu ɔsu nka ɔdia-mi.

Romaƒuɔ 13:13

Bɛya na bɔda bula lɛlɔ kaduɛ aani bekyuli bani nkɛ mɔɔví bukeye kemmo. Na ɔɔɔdi adikpi emeyi bɔdi ku ntɛ bukpi ku lɛyalɛ ala ku likyulikpi ala ku lɛlɔ ntɛ bule ku lɛnungyie.

Romaƒuɔ 9:2

Mɔɔyá na bɛti ka kayi kaakpulu-mi na muunú ɔlɛ geen na mina lɛlɔ kemmo.

Korintoƒuɔ 1 5:1

Na ɔƒɛni ni, bekyuli baasu nwaa ka ni, bina akɔ badi baadi kɔsɔnɔ kɔni ntulo bɔsu. Na bekyuli bani naaadi baƒɔtaadine muedi balakana ɔmmɔ udu bɔbla. Básu-mi banii ɔnana ɔdi ku ɔti ulekudi baatɛ!

Korintoƒuɔ 2 10:6

Na si uwi ɔni na bídie bɛ́tina ka bɛdi Kristo etemila lɛlɔ ƒui ni, ɔmmɔ kama ukyuli biala ɔni mata menye litemi lɛmɛni lɛlɔ ni, bɔdubɔni-nwu kɔtu.

Korintoƒuɔ 2 12:7

Nsu kalɛ na ulabla aani lɛlɔ na mɔɔtalaku katɔ na ala ebendi ani na lɛ́nu lɛlɔ ɔsu ni, Katɔti úte kuƒi na ɔ́ya na ɔlɛ ɔdi úbo-mi lɛlɔ. Satan ɔ́tala nwuna ɔtu ɔdi na ɔ́bla ɔmɛni ɔni na ɔɔyá na muunú ɔlɔna ɔlɛ ɔdi kalɛ na naaatalaku lɛlɔ katɔ.

Korintoƒuɔ 2 13:2

Muubó bekyuli bani nábla ekpidi bábavi ɔda ku babambadi ƒui lɛnɔ uwi ɔni na lɛɛɛkya-mii kudɔ mɛni. Lɛ́ɛsu-mii ɔmɛni ḿbavi na kunyɔdi kɔni na líbo-mii kudɔ. Na nsɔ mɔɔsu-mii ɔni na liiibo-mii kudɔ mɛni nnii si lɛ́sɔ líbo-mii kudɔ ni, ndubɔni bani ƒui mɔɔbla ekpidi kɔtu.

Korintoƒuɔ 2 8:24

Bɛyɔ-ma kalɛ na baƒɔtaadine bakladi ƒui banu bati ka sɔsɔ ni, ɔdi ulu lɛlɔ ka bɔɔkun lɛmɛnɛ na amii ɔsu.

Galatiƒuɔ 5:19

Na ala ani na ɔlɔna ɔɔbla ni, aalɛ́ keyi nwaa na anya ndi lɛyalɛ ku kɔbɔ ala bɔbla ku adɔlɔla bɔbla

Lɛkpa Ulu 9:15

Anwuɔsu líti atabi anyɔ bɛbɛ ani na Katɔti únweni kenye kani na únyimiku-mii ɔ́sia mmɔ na lɛ́yu kɔbi kɔni mɔɔda ku ogya bonwu mmɔ líbo.

Lɛkpa Ulu 9:25

Anwuɔsu lɛ́yu lɛ́tɛ kalɔ na línwini anumi libi kalɔ na Unwoti anumi emeyi aavlene ammɔ kemmo usien ku ɔƒɛ. Ɔsika línu ka Unwoti ɔ́su ka ɔdubɔyila-mii udu.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Hebriƒuɔ 13:4

Ɔgya ku ule ngba bulie ni, ɔdi ka bite-mu ɔbu geen. Na ɔdi utalɛ ɔkpanadi kama. Ɔsika Katɔti ɔdubɔtɛku ukyuli ɔni mɔɔdi kɔsɔnɔ litemi ku bani na lɛyalɛ ala áƒɔ-ma lɛlɔ kemmo.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Yuda 1:23

Na bidie babambadi lɛnɔ ɔkplu kemmo na beleduo lɛgyavonku lɛmmɔ kemmo. Na bakladi ni, bitaanu-ma kɔnyana. Nsu bɛgyumana bina lɛlɔ kalɛ na bana lɛyalɛ udunkpi ɔni náƒɔ-ma lɛlɔ aani adala kalɛ alávi-mii.

Yuda 1:7

Na Sodom ku Gomora ku lɛma lɛni náka lɛ́mana-ma lɛnɔ ni, bátakana lɛlɔ bɔda na bábla lɛyalɛ ku ala ekpidi bamba. Katɔti úti ogya ɔ́kyula-ma kalɛ na abu bɔnu bɔtɛya.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.

Budie Taatina 22:20

Yesu ɔni muudie ala amɛni kenye ni, ɔ́su ɔnini, “Ɛɛn, ndubo na uwi klukui kemmo!” Amu na ami lɛnɔ lɛ́tuna nnii, “Ɔsia lɛni. O Blɔti Yesu, bo!”

Samuel 1 15:35

Na ɔ́si ɔmmɔ lɛlɔ útédu limeyi lɛni na Samuel úkpi ni, ɔ́sɔ útésie útatánu Saul kudii, ina ka Saul lɛlɔ litemi líkpoku-nwu na úwulo-nwu kɔnyana. Na úduo Katɔti lɛnɔ ka úse Saul lɛga úte Israelƒuɔ.