Korintoƒuɔ 2 12:2 - Katɔti Ɔku Kedee

² Ngyi ɔƒɔtaadine ɔni na Blɔti útiku úsienku katɔ katɔ ƒui akwa leevu-ene ani návi kemmo. Nsu lɛɛɛgyi si ɔlɔna kemmo na útiku-nwu iye kɔyu kemmo lɛti kani na útiku-nwu. Katɔti lɛti pɛ ngyi.

Korintoƒuɔ 2 12:2 ပူးပေါင်းရင်းမြစ်များ

Baga 1 18:12

Nsu lɛɛɛgyi kesii kani na Unwoti Kɔyu kɔdubuti-ɔ kusienku si lɛ́tɔlɔ-ɔ kudɔ mɛni. Na si lísie ńtásu Ahab na úbo na útanu-ɔ ni, ɔdubo-mi bɔdu. Nsu ami ƒula kabla ɔblane líse kalɔ mɔɔkpá Unwoti mina lɛkloƒu uwi.

Baga 1 8:27

“Nsu ni, bulie na Katɔti ɔdubulie kayawi kamɛni kemmo geen geen? Ɔ́si katɔ útédu katɔ kakaaka ƒui muedi kalakana-a bɔda. Amu bátaka kakpakɔ kani na lɛ́tu líte-ɔ na kétedu lɛla lɛdi mɛni kemmo?

Baga 2 2:16

Mmɔ na básu-nwu banini, “Nu! Bubo nkyuli liti nkya mɛni na bubo ɔlɔkplu. Anwuɔsu ya na buteesie na butáwia Elia. Ngyi ka Unwoti kɔyu kúti-nwu kɔ́tɔlɔku na kútáda-nwu kɔ́kya kɔbi kɔdi lili iye kɔwɛ kɔdi kemmo.” Amu na Elisa údie kenye ɔnini, “Oowo! Ukyuli biala utesie!”

Kɔgya 148:4

Amii kayaa ala ku ntu bɔni nƒa katɔ kakaaka ƒui, bimwi Unwoti Katɔti.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Esekiel 11:24

Na mina kɔyu kemmo ala bɔnu uwi ɔmmɔ kemmo ni, Katɔti Kɔyu kútiku-mi na kɔ́sɔku-mi kúboku Babilon na mina bakpana bakladi bani na abu ku-ma na béƒie mmɔ kudɔ. Na ɔmmɔ kama ni, ala bɔnu bɔmmɔ bɔ́yii bɔ́kya.

Esekiel 43:5

Katɔti Kɔyu kɔ́ya na lɛ́ta línye mina lɛgba lɛlɔ na kútiku-mi kúsienku kakpakɔ kaduli geen kani nkya kemmo ƒui na mmɔ, na lɛ́nu ka Unwoti bukeye bɔ́ƒɔ kakpakɔ kemmo mmɔ ƒui.

Luka 24:51

Na uwi ɔni kani na uute-ma kusɛ kusɛ mɛni ni, ɔ́tɔlɔ-ma kudɔ na Katɔti úti-nwu úsienku katɔ.

Yohane 6:56

Ukyuli ɔni mɔɔdi mina ɔlɔna na ɔɔní mina ubugya ni, ɔɔblaku-mi unwi, na ami lɛnɔ mɔɔblaku-nwu unwi.

Batalane Kabla 22:17

“Ɔmɛni kama ni, línwini lísie Yerusalem. Na ka nkya kakpakɔ mɔɔkpali katɔ ni, ɔ́bla-mi aani si bɔlɛɛ na nda, na lɛ́nu budie taatina bɔdi.

Romaƒuɔ 16:10

Bigyele Apele ɔni na bɔ́kɔku-nwu bɔ́nu na bɔ́nu ka ɔdia na Kristo kemmo mmɔ. Na bigyele Aristobulo kaduli bekyuli ƒui.

Romaƒuɔ 16:3

Bigyele Priska ku Akwila bani ndi mina kabla bablane bakpana na Kristo Yesu kemmo.

Romaƒuɔ 16:7

Bigyele Androniko ku Yunia bani ndi mina kadi bekyuli bani na ami ku-ma na bákya aban ɔtɔ mmɔ. Bekyuli bagyi-ma geen na batalane bammɔ akɔ. Na ama báka-mi Kristo ɔmmɔ bɔƒɔ.

Romaƒuɔ 16:9

Na bigyele Urbana ɔni ndi bula kabla ɔblane ɔkpana na Kristo kemmo. Na bigyele mina ɔkpana ɔyɔne Staki.

Romaƒuɔ 8:1

Ɔmɛni ɔsu ni, kɔtɔ bɔdu bɔdi buuubo buuute bani nábla unwi ku Kristo Yesu na bana ngba bulie kemmo.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Korintoƒuɔ 2 11:11

Na bi ɔsu na nnii naaaƒɔ lɛla lɛdi na bina kudɔ? Ɔɔɔdi ɔni na naaayɔ-mii ɔsu. Katɔti ɔlati ɔgyi ka mɔɔyɔ́-mii.

Korintoƒuɔ 2 13:5

Amii alati biduo bina lɛlɔ kemmo na bɛkɔku lɛlɔ bɛnu. Na bɛti si bɛkya bɔƒɔtaadi bɔmmɔ kemmo. Bɛɛɛgyi ka Yesu Kristo ɔkya-mii lɛlɔ kemmo? Bɛgyi nii! Ntu bɔnu na bɛ́nu bɛ́ti ka bina lɛlɔ bɔkɔku bútedu.

Korintoƒuɔ 2 5:17

Anwuɔsu si ukyuli ɔdi ku Kristo bábla unwi ni, ɔgyi ɔnii únwini ukyuli ɔwɔdi. Na nwuna ukyuli udu ɔkukudi ɔmmɔ ɔ́vi. Na ɔwɔdi ɔ́ƒɔ ɔmmɔ kenye.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Galatiƒuɔ 1:22

Uwi ɔmmɔ kemmo ni, baƒɔtaadine akpa ani nkya Yudea kalɔ lɛlɔ na Kristo kemmo bátanu-mi anumi kudii tɔ.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Eƒesoƒuɔ 4:10

Na anwu ɔni náyu úbo kalɔ ni, anwu kani násɔ ɔ́kɔ úsie katɔ mmɔ ƒui kalɛ na ɔƒɔ lɛla biala kemmo ƒui na katɔ ku kalɔ.

Lɛkpa Ulu 10:14

Bɛti nwaa ka ala ani ƒui nkya kayawi kemmo ni, adi bina Unwoti Katɔti adi. Na kayaa ku ala ani ƒui nkya-ka kemmo lɛnɔ adi nwuna adi.

Tesalonikaƒuɔ 1 4:17

Ɔmɛni kama ni, Katɔti ɔdubutiku abu bani nébu buli ngba na uti-bu utásalaku bekyuli bani náta na butásiaku Blɔti na kayaa. Na bɔdubulieku Blɔti uwi ƒui.

Hebriƒuɔ 4:14

Anwuɔsu ka bubo ɔkpane unengudi ɔbuni ƒui ɔni ndi Katɔti Ubidi Yesu ɔni nkya-nwu kudɔ na katɔ mmɔ ɔsu ni, bɛya na buƒie bɔƒɔtaadi bɔni kenye na buudie mɛni bɔda kpakplaa.

Hebriƒuɔ 9:24

Ɔsika ɔɔɔdi kakpakɔ kani na bekyuli bayawine béti enu bábla básiaku katɔ ɔdi kenye kemmo na Kristo úduo. Mmomu Katɔ Ɔga Ɔma geen kadi kemmo na úduo ɔkya ɔƒɛni na Katɔti anumi na bula lili.

Budie Taatina 1:10

Na limeyi lɛni lɛlɔ na baƒɔtaadine baasa teemwi Blɔti ni, Katɔti Kɔyu kɔ́ƒɔ-mi lɛlɔ kemmo ƒui na línu ka lɛdi lɛdi lɛ́ku momoomo aani kakpɛɛ na lɛɛtɛmi na mina kama.

Budie Taatina 12:5

Na uleku ɔmmɔ ɔ́wɔ ɔnanabi ɔni madi kayawi ƒui lɛlɔ ku ɔyikun kpakplaa. Nsu Katɔti Kɔyu kúkpeli ubi ɔmmɔ kɔ́ƒɔ na kúti-nwu kúsienku Katɔti na nwuna lɛgaboku anumi.

Budie Taatina 4:2

Kɔnakunwi ni, Kɔyu kɔmmɔ kúti-mi kɔ́kɔliku katɔ. Ka mɔɔnu ni, lɛgaboku lɛdi lise na Katɔti ulie liboku lɛmmɔ lɛlɔ.