Korintoƒuɔ 2 12:15 - Katɔti Ɔku Kedee

¹⁵ Ɔmɛni ɔsu ndububile mina ala ani nse-mi na liti mina lɛlɔ muedi lite ku ebiti na bina lili. Anwuɔsu ka mɔɔyɔ́-mii pii lɛni ni, bi ɔsu na ɔlɛka bina bɔyɔ bɔƒana na mina lɛlɔ?

Korintoƒuɔ 2 12:15 ပူးပေါင်းရင်းမြစ်များ

Samuel 2 13:39

Ɔƒɛni ka Amnon kukpi kɔmmɔ kayi kábla Dawid buɛɛ kama ƒui ni, nwuna kayi kásɔ kénwini kásia Absalom lɛlɔ ɔni na ɔɔwia geen ka ɔnu-nwu.

Samuel 2 18:33

Lɛla lɛmmɔ líkpoku Ɔga Dawid na lɛlɔ lɛ́tɔ-nwu. Na ɔ́tɔlɔ úsie ɔtɔ ɔni nkya ɔma ɔban kayakun kudɔ mmɔ kemmo na úwulo geen. Uwi ɔni na ɔ́gyu úsela mmɔ ni, ɔ́su ɔnini, “O mina ubi ɔnanabi Absalom! Mina ubi, mina ubi ɔnanabi Absalom! Bi ɔsu na ɔɔɔdi ami nékpi na ƒula kenye. O Absalom, mina ubi o-o! Mina ubi!”

Romaƒuɔ 9:3

Ɔsika mɔɔyɔ́ ka libunku mina kadi bekyuli. Si banii nka Katɔti ɔtuna na ɔmami-mi Kristo lɛlɔ na ɔvumana mina bɔƒɔ ute mina kadi bekyuli ni, nka ndubunu kalɔ na ɔyila-mi udu.

Korintoƒuɔ 2 1:14

aani kalɛ na bínu ekpo adi kalɔ. Na bɛdubunu kalɔ ka bɛkana bɛkun lɛmɛnɛ na bula lɛlɔ, na abu lɛnɔ bɔkun lɛmɛnɛ na bina lɛlɔ na limeyi lɛni na Blɔti Yesu Kristo wasɔ webo lɛlɔ.

Korintoƒuɔ 2 1:6

Uwi biala si ami ku mina banwani buubó abi ni, bɔɔkana na bɔkya-mii ogya na bɛkɛ bɔƒɔ lɛnɔ. Katɔti ɔɔsia-bu kɔnu uwi ɔni na buubó abi biala. Lɛni kani na ɔdubɔsia amii lɛnɔ kɔnu uwi biala kemmo na biisé kayi teebo abi.

Korintoƒuɔ 2 11:11

Na bi ɔsu na nnii naaaƒɔ lɛla lɛdi na bina kudɔ? Ɔɔɔdi ɔni na naaayɔ-mii ɔsu. Katɔti ɔlati ɔgyi ka mɔɔyɔ́-mii.

Korintoƒuɔ 2 12:14

Kɔtɛdi mɛni ka lɛ́klibi lɛlɔ na ndubo-mii kudɔ, nsu naaawia kebunku kadi. Amii alati na mɔɔwia, na ɔɔɔdi bina egulabi. Ɔsika ɔɔɔdi bebi mɔɔklibi ala teese ka banu bawɔne lɛlɔ. Mmomu bawɔne mɔɔklibi ala teese na banu bebi lɛlɔ.

Korintoƒuɔ 2 12:9

Mmomu ɔ́su-mi ɔnini, “Mina lɛƒɔndia lɛdubɔda-a, ɔsika mina ɔyikun ɔɔbla ala ebendi na bekyuli bani násɔ lɛlɔ teetulo.” Ɔmɛni ɔsu lɛlɔ lɛdubɔyɔ-mi litulo si mɔɔkun lɛmɛnɛ na mina bɔsɔ lɛlɔ kalɛ na Kristo ɔyikun ɔƒɔ-mi lɛlɔ kemmo ƒui.

Korintoƒuɔ 2 2:3

Na línweni ɔku kpakplaa ɔmmɔ límene-mii ɔsika si bubo na líbo-mii kudɔ uwi ɔmmɔ kemmo ni, nka bɛdubɔya na enu aƒɛ-mi. Nsu amii ndi bekyuli bani nálɛka bɛya na lɛlɔ lɛyɔ-mi. Na lɛ́ƒɔ lɛ́di ka si lɛlɔ lɛɛyɔ́-mi ni, amii lɛnɔ lɛlɔ lɛdubɔyɔ-mii.

Korintoƒuɔ 2 4:12

Ɔmɛni ɔsu bɔkya ɔgbankpi lɛbibo kemmo uwi biala, na amii bɛɛkɛ́ kɔyu kemmo ngba.

Korintoƒuɔ 2 7:2

Bigyingya bina enu bite-bu. Bútaƒiɔ bina akɔ ɔdi, na bútakpanku ɔdi lɛnɔ bútavinku ulu ukpidi ɔdi lɛlɔ iye bɔnya ɔdi bɔkya.

Korintoƒuɔ 2 7:3

Naaasu ɔmɛni líti lɛkya-mii kɔƒa. Ɔsika lɛ́su ḿbavi nnii bɛ́ƒɔ-bu kuye ɔni na kukpi kemmo o-o, ngba kemmo o-o ni, lɛla bamba lɛdi muedi lilakana-bu ntɛ bule.

Galatiƒuɔ 4:10

Na bɛ́sɔ bínwini kama bísie bɛɛdi emeyi ku abuli ku uwi ku akwa adi udu lɛlɔ.

Ƒilipiƒuɔ 2:17

Nsu si ina mina ubugya na bada beewi kalɔ aani kalɛ baabla akpala na bina lili kalɛ na bina bɔƒɔtaadi busie anumi ni, lɛlɔ lɛdubɔyɔ-mi na kubiti kɔda-mi na bina ƒui ɔsu.

Koloseƒuɔ 1:24

Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Tesalonikaƒuɔ 1 2:8

Ka bɔɔyɔ́-mii ku kaƒɔ nwaa ɔsu ni, bɔɔwia ka amii lɛnɔ binu litemi buni lɛmɛni. Na ɔɔɔdi Katɔti litemi buni lɛmmɔ lɛti. Mmomu búti bula ngba lɛnɔ bɔ́kpa na bina lili, ɔsika bɛ́ƒɔ-bu kuye geen.

Timoteo 2 2:10

Ɔmɛni ɔsu na mɔɔƒɔ́ lɛla biala teebweli na Katɔti bekyuli baƒunadi ɔsu, kalɛ na ama lɛnɔ bakɛ bɔƒɔ bɔni na Yesu Kristo lɛlɔ kani na bɔɔsia na buuti ngba ƒui lɛlɔ bɔyɔ teete-bu.

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.