Korintoƒuɔ 2 11:29 - Katɔti Ɔku Kedee

²⁹ Si ɔdi ɔbla kpɛtɛ kpɛtɛ na kalɛ na ɔ́ƒɔ ɔ́di ɔsu ni, ɔɔyá na enu aaƒɛ-mi. Na si likpidi kemmo na ɔdi úduo ni, ɔɔyá na ɔƒɛ ɔɔdá-mi.

Korintoƒuɔ 2 11:29 ပူးပေါင်းရင်းမြစ်များ

Mateo 11:6

Lɛlɔ litaayɔ bekyuli bani na bana kasusu kalabla inyɔ inyɔ na mina ala ani mɔɔbla ɔsu.”

Yohane 2:17

Mmɔ ni, nwuna batɛyane bényimo lɛla lɛni nkya Bunweni Kedee Ɔku kemmo ka Ukyuli Ɔƒunadi ɔ́su Katɔti ɔnini, “Ƒula ɔtɔ lɛlɔ bɔnu anumi adubo-mi bugyie aani ogya ɔni mɔɔda na mina lɛlɔ kemmo.”

Romaƒuɔ 12:15

Bɛkɛ lɛlɔyɔ ku bani na lɛlɔ lɛɛyɔ́. Na biwuloku bani muuwulo.

Romaƒuɔ 15:1

Abu bani na bula bɔƒɔtaadi bɔ́ɔyu ɔkplu ni, ɔlɛka bɔkɛ kayi bute ala ani na bekyuli bani na bana bɔƒɔtaadi bútayu tɔ ɔkplu baabla na bubunku-ma. Na ɔɔɔdi ka bɔbla lɛla lɛni mayɔ-bu kaƒɔ lɛti.

Korintoƒuɔ 1 11:22

Bubo na biiibo kɔduli kɔni kemmo na bilie bɛdi na bɛni? Munuu bɔyɔ na bɛɛyɔ́ ka biwi lɛkpa lɛmmɔ anumi kalɔ na bɛkya baƒɔtaadine bani mɔɔyaki ala kɔƒa. Bi na ɔlɛka lɛsu-mii? Bumwi na ɔlɛka limwi-mii na ɔmɛni ɔsu? Oowo!

Korintoƒuɔ 1 12:26

Na si lɛlɔ kakɛ kadi kakya lɛbibo kemmo ni, ɔlɔna ugyii ɔmmɔ ƒui uunú ɔlɛ na lɛlɔ ekpo akladi lɛnɔ eebó abi. Na si beemwi kakɛ kadi ni, lɛlɔ ekpo ana ƒui aakɛ́ ebiti ammɔ.

Korintoƒuɔ 1 15:36

Bekyuli susuusu! Si bɛ́va edula kebi bɛ́kya kalɔ ni, lilakwɛ teenwini lɛla lɛni mbo ngba si útebu.

Korintoƒuɔ 1 8:13

Anwuɔsu si adila ani na mɔɔdi adubɔya na mina ɔnwani ɔbla likpidi ni, nsɔ lɛɛɛdubo adila ani na béti bákpa béte baƒiɔ bɔdi kudii kalɛ na mina ɔnwani weduo likpidi kemmo.

Korintoƒuɔ 1 8:9

Bɛnu kaduɛ na bina kuƒi kɔni na bibo lɛlɔ kalɛ na uleboku ukyuli ɔni na nwuna bɔƒɔtaadi buuubo ɔkplu kalɔ na wabla likpidi lɛdi.

Korintoƒuɔ 1 9:22

Si nkya bani na bana bɔƒɔtaadi buse kpɛtɛ kpɛtɛ akɔ ni, mɔɔbla lɛlɔ aani ama kani kalɛ na lɛkana lɛƒɔ-ma lite Blɔti. Ɔmɛni ɔsu lɛ́manku-ma na línwini bekyuli ƒui ɔkpana kalɛ na lɛsia ulu biala lɛlɔ na lɛƒɔ bekyuli badi lite Blɔti.

Korintoƒuɔ 2 13:9

Lɛlɔ lɛɛyɔ́-bu si bina bɔƒɔtaadi bɔɔyu ɔkplu, na use aani si bula ɔyikun ɔɔƒana na bina lɛlɔ. Na lɛla lɛni na buuvele ndi ka bɛlɛ lili bɛwɔlɔ.

Galatiƒuɔ 2:14

Amu ka lɛ́nu lɛ́ti ka baaakɛ litemi geen lɛmmɔ ulu lɛlɔ ɔsu ni, lɛ́su Petro na bekyuli bammɔ ƒui anumi nnii, “Yudani na adi, nsu eelie aani ukyuli ɔni naaadi Yudani, na ɔɔɔdi aani kalɛ na Yudaƒuɔ beelie kalɛ. Anwuɔsu dɛ na ɔbla asa na éti ƒula ɔbladu eenye bekyuli bani naaadi Yudaƒuɔ lɛlɔ ka basia Yudaƒuɔ ɔdi bɔbla kama?

Galatiƒuɔ 6:2

Bibunku lɛlɔ si ɔdi ɔkya lɛbibo lɛdi kemmo. Na si bɛɛbla ɔmɛni ni, na bɛɛdi Kristo ɔda bubo lɛlɔ.

Budie Taatina 2:2

“Ngyi lɛla lɛni na bɛɛbla. Na ngyi kalɛ na binye kabla kammɔ lɛlɔ kpakplaa ku kalɛ na bɛ́kya ɔkplu. Ngyi ka biléte bekyuli bekpidi kuƒi ku kalɛ na bɛ́kɔku-ma bɛ́nu. Ama ndi bani mɔɔtɔ́lɔ bekyuli banii badi batalane, nsu baaadi batalane. Na bɛ́nu-ma bɛ́ti ka badi ɔkɔ banyine.

Budie Taatina 2:20

“Nsu bɔƒiɔ bɔni muudie-mii ndi ka biite uleku Isebel ɔni mɔɔlɔ lɛlɔ ɔnii Katɔti kenye udiene kuƒi. Nsu uleku ɔmmɔ ala ani na ɔɔtina aayá na mina kabla bablane bayii ulu na baabla lɛyalɛ ala, na baadi adila ani na béti bákpa béte baƒiɔ.