Korintoƒuɔ 2 11:13 - Katɔti Ɔku Kedee

¹³ Bekyuli bammɔ baaadi batalane geen. Ɔkɔ batalane na badi, na baanyi ɔkɔ na bana kabla kemmo. Bávumana bana lɛlɔ kalɛ na bekyuli banu-ma aani si Kristo batalane na badi sɔsɔ.

Korintoƒuɔ 2 11:13 ပူးပေါင်းရင်းမြစ်များ

Yeremia 23:16

Unwoti ɔ́su bekyuli bammɔ ɔnini, “Amii Yudaƒuɔ! Bitenu ɔkɔ kenye bediene bamɛni ɔkɔ etemila ani na baasu. Ɔsika ama alati bana kasusu kani na belie beeti etemila na adi na ɔɔɔdi ami Unwoti Ɔyikune Ƒui kudɔ na ási.

Yeremia 27:14

Bina kenye bediene básu-mii banii utalɛka binu Nebukadnesar litemi, nsu bitenu bana ɔkɔ ala kenye budie bɔmmɔ.

Mateo 25:24

“Amu na kabla ɔblane ɔni náƒɔ egulabi koƒo kunwi úbo na ɔ́su ɔnini, ‘Ati, ngyi ka adi ukyuli ɔni na ƒula litemi libo ɔkplu na eedé edula na kesii kani na átava adi. Na aaƒɛ edula kesii kani na átagya adi.

Batalane Kabla 15:1

Uwi ɔni na Paulo ku Barnaba bakya Antiokia ni, bekyuli badi bási Yudea bébo na bátina baƒɔtaadine bani nkya mmɔ ala básu banini, “Amu ntu ukyuli biala ɔ́ƒɔ lego bukulo ɔdi ɔmmɔ aani kalɛ na Mose ɔda bubo bɔɔtina asa na wakɛ bɔƒɔ.”

Batalane Kabla 15:24

Búnu ka baƒɔtaadine badi bási bula akɔ mɛni, na bébo mmɔ bábakyaku-mii unyeƒi na bula Yudaƒuɔ ɔlɔna bukulo ɔdi lɛlɔ. Nsu ni, bútatala-ma bɔnii babasu-mii ala amɛni udu.

Batalane Kabla 20:30

Na bina akɔ muedi ni, badi badubo litemi geen lɛmmɔ bɔda bɔnyonu na bakpanku bekyuli pii basiaku bana ɔkɔ ala bɔtina kama.

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Korintoƒuɔ 2 11:15

Anwuɔsu ɔmɛni ɔɔɔdi lɛla lɛwɔdi uuute nwuna kama basiakune ka bavumana lɛlɔ babla aani Katɔti kabla bablane bani nse siin. Nsu kawɔlɔkɔ ni, Katɔti ɔdubo-ma kɔtu bɔni kalɛ na ɔ́manku.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.

Galatiƒuɔ 1:7

Sɔsɔ na ɔdi ka litemi buni bamba lɛdi liiibo. Nsu mɔɔsu ɔmɛni ɔsika bekyuli badi bakya beeƒú-mii kasusu, na baayɔ́ ka bavumana Kristo litemi buni lɛmmɔ.

Galatiƒuɔ 2:4

Nsu ɔkɔ banyine bani néti lɛlɔ bénwini banwa badi béyu béduo-bu akɔ, na bábɛ baatú-bu kalɛ na bati bɔnwuna bɔni na bubo na Kristo Yesu kemmo na baya na bɔsɔ bunwini kabla bablane bute Yudaƒuɔ ɔdi ala bɔbla.

Galatiƒuɔ 4:17

Anumi eegyie bekyuli bani muubo-mii kudɔ ka benwini-mii kasusu basia bana lɛlɔ. Nsu ɔɔɔdi kasusu kabuni na bada. Mmomu kalɛ na bamami-mii bula lɛlɔ na baya bina anumi eteegyie bana lɛlɔ ɔsu kani.

Galatiƒuɔ 6:12

Bani nnye-mii lɛlɔ na baayɔ́ ka bikulo ago mmɔ ni, ama ndi bekyuli bani mɔɔkun lɛmɛnɛ na ɔlɔna lɛlɔ. Baabla ɔmɛni kalɛ na bekyuli belékpoku-ma na Kristo kukpi na ugyii lɛlɔ litemi ɔsu.

Eƒesoƒuɔ 4:14

Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Ƒilipiƒuɔ 3:18

Lɛ́ɛsu-mii kɔlɛ kɔlɛ ḿbavi, na ɔƒɛni nsɔ mɔɔsu-mii ku keku buwulo ka bekyuli pii bakya-mii akɔ ɔni na bana ngba bulie bɔ́ya na bénwini bekisine béte Kristo kukpi kɔni na úkpi na ugyii lɛlɔ.

Ƒilipiƒuɔ 3:2

Bɛnu ala ekpidi bablane bani mɔɔbla ala aani bakpɛwe bebuo bekpine mmɔ bɛti. Badi bekyuli bani nnye-mii lɛlɔ ka ɔlɛka bikulo bina ago.

Koloseƒuɔ 2:4

Mɔɔsu-mii ɔmɛni kalɛ na ukyuli biala uleti kenyemini etemila adi ulakyaku-mii unyeƒi na ɔtɔlɔ-mii.

Koloseƒuɔ 2:8

Bɛnu kaduɛ kalɛ na ukyuli ɔdi uleti nwuna kayawi lɛnunda lɛni neeebo kɔsia kɔdi ulátɔlɔ-mii. Ɔsika lɛnunda lɛmmɔ ni, lɛsiaku bati kuuku ɔdi bɔbla ku kayawi kamɛni ala bɔtina kama na ɔɔɔdi Kristo kudɔ na ɔ́si.

Yohane 1 2:18

Mina bebi bayɔne, mɔɔsu-mii nnii kayawi kadaku kawɔlɔkɔ budu. Na aani kalɛ na bínu ka Kristo ukisine ɔmmɔ ɔdububo ni, ɔƒɛni muedi Kristo bekisine pii béebo bakya. Na ɔmmɔ ndi kalɛ na búti bɔ́ti ka kayawi kawɔlɔkɔ kammɔ kéede.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Yuda 1:4

Bekyuli bekpidi bani naaayia Katɔti bábɛ béduo-mii akɔ. Na Katɔti ɔ́lɛ ugyii úse ɔ́si kukuuku ƒui ka ɔdubɔdu-ma kɔtɔ na ɔyila-ma udu. Badi bekyuli bekpidi bani nákɛ kasiakɔ na bánu kalɛ na Katɔti ubo lɛƒɔndia úte-bu, na bátu ala bénwini kalɛ na bakɛ kuƒi bataabla bana lɛyalɛ ku likyulikpi ala na béni bula ɔga unengudi ƒui ɔni kani ndi Blɔti Yesu Kristo.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.

Budie Taatina 2:2

“Ngyi lɛla lɛni na bɛɛbla. Na ngyi kalɛ na binye kabla kammɔ lɛlɔ kpakplaa ku kalɛ na bɛ́kya ɔkplu. Ngyi ka biléte bekyuli bekpidi kuƒi ku kalɛ na bɛ́kɔku-ma bɛ́nu. Ama ndi bani mɔɔtɔ́lɔ bekyuli banii badi batalane, nsu baaadi batalane. Na bɛ́nu-ma bɛ́ti ka badi ɔkɔ banyine.

Budie Taatina 2:20

“Nsu bɔƒiɔ bɔni muudie-mii ndi ka biite uleku Isebel ɔni mɔɔlɔ lɛlɔ ɔnii Katɔti kenye udiene kuƒi. Nsu uleku ɔmmɔ ala ani na ɔɔtina aayá na mina kabla bablane bayii ulu na baabla lɛyalɛ ala, na baadi adila ani na béti bákpa béte baƒiɔ.

Budie Taatina 2:9

“Ngyi ka biibó abi na bɛɛyaki ala. Nsu geen ni, bibo ala ƒui. Ngyi enyekpi ani na bekyuli bani mɔɔlɔ lɛlɔ banii Yudaƒuɔ básu básiku-mii lɛlɔ. Nsu ni, baaasiaku Katɔti. Mmomu badi kasala kani ndi Satan badi.