Korintoƒuɔ 2 11:10 - Katɔti Ɔku Kedee

¹⁰ Nnye Kristo litemi geen lɛmmɔ lɛlɔ mɔɔsu nwaa ka naaayila kuƒi kɔni ɔsu na mɔɔkun lɛmɛnɛ na Akaia kalɛkɛ lɛlɔ kudii!

Korintoƒuɔ 2 11:10 ပူးပေါင်းရင်းမြစ်များ

Batalane Kabla 18:12

Nsu uwi ɔni na bése Galio Roma aban lɛga na Akaia kalɔ lɛlɔ ni, Yudaƒuɔ badi bábla lɛkpa lɛdi na bánwi litemi bámana Paulo lɛlɔ na béƒie-nwu bésienku litemi katɛkɔ.

Batalane Kabla 18:27

Amu na ka Apolo ɔ́bla kasusu ka usie Akaia ni, Eƒesoƒuɔ baƒɔtaadine bébebunku-nwu na bénweni ɔku béte baƒɔtaadine bani nkya Akaia mmɔ banii si úbeduo mmɔ ni, na baƒɔ-nwu kaduɛ. Na uwi ɔni na útéduo mmɔ ni, úbunku bekyuli pii bani nébenwini kayi na Blɔti kɔnyana bɔnu ɔsu.

Romaƒuɔ 1:9

Katɔti ɔni kabla na mɔɔbla ku mina kayi ƒui na litemi buni lɛni lɛsa mɔɔkɔ́ ɔkɛnku ubidi lɛlɔ ni, ani ndubudie-mi kenye ɔ́si kalɛ na naaayiƒala-mii uwi biala kemmo si mɔɔkpali katɔ.

Romaƒuɔ 16:5

Na bigyele baƒɔtaadine bani mɔɔsa na bana kaduli mmɔ lɛnɔ. Bigyele mina ɔkpana Epaineto ɔni náka kayi bunwini ɔ́ƒɔ Kristo na Asia kalɛkɛ lɛlɔ mmɔ.

Romaƒuɔ 9:1

Lɛla lɛni na ndubo-mii bɔsu mɛni ni, ɔɔɔdi ɔkɔ na mɔɔnyi, ɔsika ndi Kristo ɔdi. Mina kayi kani lɛlɔ na Katɔti Kɔyu kɔɔdi mɔɔtina-mi geen ka naaanyi ɔkɔ.

Korintoƒuɔ 1 16:15

Bɛgyi Steƒana ku nwuna kaduli bekyuli. Ama ndi bekyuli bedeedi bani nénwini kayi na Akaia kalɛkɛ lɛlɔ mmɔ. Na béti lɛlɔ béte ka beteebunku Katɔti bekyuli. Banwa, muuvele-mii nnii,

Korintoƒuɔ 2 1:1

Ami Paulo ɔni nkɛnku Katɔti lɛƒɔyɔ lɛlɔ na ndi Blɔti Yesu Kristo ɔtalane ni, ami ku Ɔnwa Timoteo muunweni ɔku ɔmɛni bute amii Korintoƒuɔ bani néti lɛlɔ bíte Katɔti ku bekyuli bani ƒui mɔɔbla Katɔti kabla na Akaia kalɛkɛ lɛlɔ mmɔ.

Korintoƒuɔ 2 1:23

Katɔti ɔlati ɔgyi ka naaayɔ ka libo mbani-mii kɔtu. Na ɔmɛni ɔdubɔya na lɛla lɛdi lɛsɔ lilékpoku-mii ka ɔɔɔdi ɔmɛni ɔsu na lɛ́bla kasusu nnii neeebo Korinto tɔ.

Korintoƒuɔ 2 10:15

Anwuɔsu bulákun lɛmɛnɛ na ukyuli bamba kabla lɛlɔ ɔni na ɔɔɔdi bula ekpo ani na Katɔti úte-bu. Mmomu bula anu asia ka bina bɔƒɔtaadi bɔkɔ katɔ bubu kalɛ na bɔkana na bɔbla ala enengudi na bina akɔ na kesii kani na Katɔti úte-bu kabla.

Korintoƒuɔ 2 11:12

Ndubusie anumi na naaaƒɔ bina kebunku. Ɔmɛni ɔdubɔya na bani mɔɔlɔ lɛlɔ banii batalane ni, balákɛ kuƒi na bakun lɛmɛnɛ na basu banii ama lɛnɔ baabla kabla aani bula kalɛ.

Korintoƒuɔ 2 11:31

Katɔti ɔni ndi Blɔti Yesu Kristo Ɔti, na anwu na buumwi uwi ƒui ni, anwu ngyi geen ka ala ani mɔɔsu mɛni ni, sɔsɔ na adi.

Korintoƒuɔ 2 12:19

Bɛɛbu uwi ɔmɛni ƒui bɛnii lɛlɔ kenye na buudie na bina anumi? Oowo! Katɔti ɔ́bla-bu unwi ku Kristo na bɔɔsu lɛla biala na nwuna anumi. Banwa, na lɛla biala na bɔɔsu-mii ni, kalɛ kani na bina bɔƒɔtaadi bɔkɔ katɔ bubu ɔsu.

Korintoƒuɔ 2 9:2

Ngyi ka bɛɛyɔ́ geen ka bite bekyuli bamɛni kebunku. Na mɔɔkun lɛmɛnɛ na ɔmɛni lɛlɔ uwi biala taatina baƒɔtaadine bani nkya Makedonia. Lɛ́su nnii banwa bani nkya Akaia kalɔ lɛlɔ ni, báklibi lɛlɔ bése ɔ́si lɛkwɛni ka bete kebunku kamɛni. Na bina kebunku ogya bɔkya nágyila bana akɔ pii.

Galatiƒuɔ 1:20

Na sɔsɔ ni, litemi geen na muunweni-mii mɛni, na Katɔti ɔlati ɔgyi ka naaanyi ɔkɔ.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Tesalonikaƒuɔ 1 2:10

Amii alati ku Katɔti ndubunye-bu litemi lɛmɛni kama ka bɔ́da bula lɛlɔ kedee na bina akɔ. Bɔ́bla ala abuni. Na ukyuli ɔdi útanu bɔƒiɔ bɔdi na bula lɛlɔ.

Tesalonikaƒuɔ 1 2:5

Bɛgyi kaduɛ ka ɔɔɔdi kenyemini etemila na búti búboku-mii. Na bútasu-mii litemi buni lɛmɛni kalɛ na bɔkɛ kɔsia kɔdi bɔsiku-mii kudɔ. Na Katɔti ɔlati ndubunye-bu litemi lɛmɛni kama.

Timoteo 1 2:7

Na ɔmɛni ɔsu na Katɔti ɔ́bla-mi lɛsa ɔkɔne ku ɔtalane. Na ɔɔɔdi ɔkɔ na mɔɔnyi. Mɔɔsu-mii geen nnii údie-mi aani ala ɔtinane ɔnii mbedie bɔƒɔtaadi kenye ntina bekyuli bani naaadi Yudaƒuɔ.