Korintoƒuɔ 2 10:7 - Katɔti Ɔku Kedee

⁷ Ɔlɔna lɛlɔ kasusu kani na biiti. Si ukyuli ɔdi ɔ́ƒɔ lɛlɔ ɔ́di ka ɔdi Kristo ɔdi ni, ɔlɛka ɔnu-bu ɔti aani nwuna lɛlɔ kalɛ ka abu lɛnɔ bɔdi Katɔti ɔdi.

Korintoƒuɔ 2 10:7 ပူးပေါင်းရင်းမြစ်များ

Mateo 23:5

“Baabla lɛla biala kalɛ na bekyuli banu-ma aani Katɔti kabla bablane geen. Bɛnu ala ani na bébo báda bana atɛntɛ ku enubɔ na Bunweni Kedee etemila asia-nya lɛlɔ, ku kalɛ na bákya-nya na ébomo. Na bɛnu kakpakɔ ala ani na báta bámana ala abuni lidu lɛni bákya mmɔ lɛlɔ.

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Yohane 7:24

Bitatɛ litemi anumi lɛlɔ! Mmomu bɛtɛ litemi na ulu geen lɛlɔ.”

Korintoƒuɔ 1 1:12

Lɛla lɛni mɔɔtina ndi ka bina akɔ ɔdi biala ku lɛla lɛni na ɔɔsu. Ɔdi ɔnii, “Ami Paulo kama na nsia.” Na ɔbambadi ɔnii, “Ami Apolo kama na nsia.” Na ɔbambadi lɛnɔ ɔnii, “Ami Petro kama na nsia.” Na ɔbambadi lɛnɔ ɔnii, “Ami Kristo kama na nsia.”

Korintoƒuɔ 1 14:37

Si bina akɔ ɔdi ɔɔkali ɔnii Katɔti kenye udiene na ɔdi iye ubo Kɔyu kemmo litela lɛdi ni, ɔdi ka ɔnu ɔti ka lɛla lɛni na muunweni-mii lɛdi ɔda ɔni na Katɔti úbo.

Korintoƒuɔ 1 15:23

Nsu Katɔti ɔdubɔgyila ɔdi biala na ulu ɔni na Katɔti ɔlati úse úse lɛlɔ. Na Kristo ndi udeedi. Na uwi ɔni lɛlɔ na wasɔ webo ni, bani na béti lɛlɔ béte Kristo ɔmmɔ na ɔdubɔsɔ ɔgyila.

Korintoƒuɔ 1 3:23

Na Kristo ɔdi na bɛdi. Na Kristo lɛnɔ ɔdi Katɔti ɔdi.

Korintoƒuɔ 1 9:1

Bɛɛbu bɛnii liiibo kuƒi na lɛbla lɛla lɛni mɔɔyɔ́? Munuu lɛɛɛdi ɔtalane na ńtanu Blɔti Yesu? Na ɔɔɔdi amii ndi mina ebi ani na lɛ́nwu na mina kabla kani na lɛ́bla líte Blɔti kemmo?

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Korintoƒuɔ 2 11:18

Nsu ka bekyuli pii baakun lɛmɛnɛ na kayawi ala lɛlɔ ɔsu ni, bɛya na ami lɛnɔ lɛkun lɛmɛnɛ lɛdi blii.

Korintoƒuɔ 2 11:23

Kristo kabla bablane na badi? Ndi Kristo kabla ɔblane ntulo-ma. Báya na mɔɔtɛmi aani ukyuli ɔni muukpi libuo, nsu ɔdi litemi geen ka lɛ́bla Kristo kabla lítulo-ma. Bekyuli bani muukisi Kristo ni, bákya-mi aban ɔtɔ kɔlɛ kɔlɛ. Na bébo-mi lɛnɔ kɔlɛ kɔlɛ. Na líduo kukpi ku ngba ntɛ uwi pii.

Korintoƒuɔ 2 11:4

Lɛni na bɛɛbabla teegyingya enu taaƒɔ ukyuli biala ɔni muubo taabasu-mii litemi lɛbambadi lɛni mɔɔvumana Yesu ɔni lɛlɔ lɛsa na bɔ́kɔ búte-mii udu. Na bɛɛƒɔ́ kɔyu ku litemi lɛni naaadi Katɔti Kɔyu ku bula litemi buni lɛmmɔ taadi.

Korintoƒuɔ 2 12:11

Mɔɔsu ala aani ɔdɔlɔdi kalɛ, nsu amii náya na úbo úte lɛni. Ɔsika amii na ɔlɛka nka bimwi-mi. Ina lɛɛɛdi lɛla lɛdi muedi ni, ńtasɔ na ulu biala lɛlɔ ku bekyuli bani mɔɔnu lɛlɔ aani batalane babuni.

Korintoƒuɔ 2 13:3

Ka bɛɛwia bɛnu bɛti geen ka Kristo nkɛ-mi lɛlɔ ɔɔtɛmiku-mii ɔsu ni, bɛdubɔnu lɛla lɛni na bɛɛwia! Ulése buɛɛ ulete-mii si Katɔti ɔɔní-mii kɔtu. Na bɛdubɔti ka ubo ɔyikun na bina akɔ sɔsɔ.

Korintoƒuɔ 2 5:12

Ɔɔɔdi banii lɛlɔ na bɔ́sɔ buukú bɔtina-mii, mmomu bɔɔwia ka bɛkɛ kasusu kabuni na bula lɛlɔ. Mɔɔwia ka bɛkɛ kenyekɔ kabuni na abu ɔsu kalɛ na bidie kenye bɛtina bekyuli bani mɔɔkun lɛmɛnɛ na bekyuli lɛlɔ, na ɔɔɔdi ka bánu bana udu buni ɔdi báti ɔsu.

Galatiƒuɔ 3:29

Anwuɔsu si bɛdi Kristo ɔdi ni, na bɛdi Abraham kaba bebi, na bɛdi Katɔti linyese lɛmmɔ ala badine.

Yohane 1 4:6

Nsu abu ni, bɔdi Katɔti badi. Na ukyuli biala ɔni ngyi Katɔti ni, uunú-bu litemi. Na ukyuli biala ɔni nátasi Katɔti kudɔ ni, ulenu-bu litemi. Ɔmɛni buuti taanu taati Kɔyu kɔni mɔɔtina litemi geen lɛmmɔ ku kɔyu kɔni mɔɔtɔ́lɔ bekyuli.

Samuel 1 16:7

Nsu Unwoti ɔ́su Samuel ɔnini, “Tanu kalɛ na ɔ́kuku na ɔɔdia bɔnu kani, ɔsika ńtaƒuna-nwu. Na ɔɔɔdi ala ani na ukyuli ɔɔnu na ukyuli lɛlɔ na ami Unwoti mɔɔnu taaƒuna-nwu. Ɔlɔna ala kani na amii bɛɛnu. Nsu ami mɔɔnu nwuna kayi kemmo.”