Korintoƒuɔ 2 10:3 - Katɔti Ɔku Kedee

³ Sɔsɔ na ɔdi ka kayawi kamɛni kemmo na bɔkya bɔdi, nsu ɔɔɔdi kayawi kamɛni lɛlɔ kekpo udu na buukpó.

Korintoƒuɔ 2 10:3 ပူးပေါင်းရင်းမြစ်များ

Romaƒuɔ 7:5

Uwi ɔni kemmo na ɔda bubo búdie bula ukyuli udu ɔkukudi kelie kani ndanku likpidi bɔbla bɔ́tina-bu ni, ablala ammɔ ákɔ katɔ ébu. Na ala ani na bɔ́lɛku keyi na kelie kammɔ kemmo adanku kukpi.

Romaƒuɔ 8:13

Si bɛsiaku likyulikpi udu ala bɔbla kama ni, bɛdubo bukpi. Nsu si bɛkɛnku Katɔti Kɔyu lɛlɔ na bɛ́du bina ɔlɔna udu ukpidi ɔmmɔ ni, bɛdubɔkɛ ngba.

Romaƒuɔ 8:4

Katɔti ɔ́bla ɔmɛni úte abu bani nli aani kalɛ na Katɔti Kɔyu kɔɔyɔ́, na ɔɔɔdi kalɛ na ɔlɔna udu ɔkukudi ɔɔyɔ́. Ɔ́bla ala amɛni ƒui na ulu siin lɛlɔ aani kalɛ na nwuna ɔda bubo bɔɔtina.

Korintoƒuɔ 2 1:17

Uwi ɔni na lɛ́bla mina kasusu ka lɛvumana bina kudɔ bubo ni, ɔmmɔ ulátina ɔnii mina ablala eeese siin. Na ɔɔɔdi kayawi kamɛni ala kakali kenye na líti mɔɔbla mina kasusu kammɔ aani ukyuli ɔni mɔɔbabla taasu ɔnii ɛɛn ku oowo.

Korintoƒuɔ 2 10:4

Ɔsika ekpola ani na bɔda buukpó ni, aaadi kayawi kamɛni ekpola. Mmomu Katɔti ɔyikun na ɔdi na buti bɔɔdi ukisine ɔmmɔ kama kekpokɔ lɛlɔ.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Timoteo 1 1:18

Mina ubi Timoteo, kabla ku ɔda bubo bɔni na líti muute-ɔ mɛni ni, kadanku ala ani na bula kenye bediene básu básiku-ɔ lɛlɔ. Ƒie etemila amɛni da na adubɔdi likpidi lɛlɔ na Blɔti kekpo kamɛni kemmo.

Timoteo 2 4:7

Líkpo kekpo kabuni na lɛ́wɔlɔ mina kabla aani usi ukeline buni kalɛ. Na lɛ́da mina bɔƒɔtaadi na Kristo kemmo útédu kawɔlɔkɔ.

Hebriƒuɔ 12:1

Anwuɔsu ka bubo bekyuli pii bamɛni udu bani muudie bɔƒɔtaadi bɔmɛni kenye ni, bɛya buti ala ani muutile-bu kuƒi mmɔ ku ekpidi ani mɔɔbala-bu uwi pii buvaakun. Na bukeli usi ɔni ntɛ-bu anumi ku lɛnungyie.