Korintoƒuɔ 2 10:10 - Katɔti Ɔku Kedee

¹⁰ Bina akɔ ɔdi ɔdubɔsu ɔnii muunweni lɛku kpakplaa lɛni etemila mbo unu. Nsu si nkya-mii kudɔ ni, lɛ́ba na mina etemila eeyile atu.

Korintoƒuɔ 2 10:10 ပူးပေါင်းရင်းမြစ်များ

Israelƒuɔ Bɔlɛ 4:10

Amu na Mose ɔ́su Unwoti ɔnini, “O Unwoti, ɔ́si mina lɛnamu uwi úti úbedu ɔƒɛni ni, lɛɛɛgyi bɔtɛmi. Na úti úbedu uwi ɔni na aatɛmiku ami ƒula kabla ɔblane mɛni ni, mina bɔtɛmi bulábla nwaa. Na ndi ukyuli ɔni mɔɔwalɛ.”

Yeremia 1:6

Mmɔ na lídie kenye nnini, “Unwoti Ɔyikune Ƒui, lɛɛɛgyi bɔtɛmi na ńtabi lɛlɔ lɛnɔ.”

Korintoƒuɔ 1 1:17

Kristo útatala-mi ɔnii mbo mbataabla ntu bɔkpila ɔdi teete bekyuli. Mmomu ɔ́tala-mi ɔnii mbakɔ litemi buni lɛmmɔ lɛsa nte bekyuli. Na naaasu-ni na kayawi lɛnunda ulu ɔdi lɛlɔ. Ɔsika naaayɔ ka ɔyikun ɔni nkɛnku kalɛ na Yesu Kristo úkpi na ugyii lɛlɔ mmɔ ɔyii udu na ɔbla keeke.

Korintoƒuɔ 1 1:21

Katɔti ɔkɛnku nwuna lɛnunda lɛlɔ na ɔ́bla bekyuli lɛni kalɛ na balasia bana kayawi lɛnunda lɛlɔ na bati-nwu. Na nwuna litemi lɛni lɛsa na bɔɔkɔ́ mɛni lɛdi badi adɔlɔla. Nsu Katɔti ɔɔsia-ni lɛlɔ na ɔɔƒɔ́ bekyuli bani na báƒɔ bádi ngba.

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Korintoƒuɔ 2 10:11

Mɔɔyá na ukyuli ɔmmɔ ɔti ka ni, lɛla lɛni na bɔɔsu na lɛku kemmo uwi ɔni na buuubo-mii kudɔ ni, ani kani na bɔɔbla si bɔkya-mii kudɔ lɛnɔ.

Korintoƒuɔ 2 10:9

Naaawia ka bɛkali bɛnii liƒu na mɔɔkya-mii na mina lɛku lɛni na muunweni-mii kemmo.

Korintoƒuɔ 2 11:21

Nsu abu ni, bɔɔyia ka bɔbla ala ammɔ udu. Munuu bɛɛbu bɛnii kɔƒa muukpó-bu? Nsu si ɔdi ɔkana kayi buse na ɔkun lɛmɛnɛ ni, ami lɛnɔ mbo kuƒi kɔmmɔ udu. Ala amɛni ƒui ese aani kɔnamutɛ, nsu ɔlɛka lɛsu.

Korintoƒuɔ 2 11:6

Ina kenye kátada-mi muedi ni, ɔɔɔdi Katɔti litemi na lɛɛɛgyi. Bɔ́ya na ɔmɛni ɔ́bla-mii nwaa na ulu biala lɛlɔ.

Korintoƒuɔ 2 13:3

Ka bɛɛwia bɛnu bɛti geen ka Kristo nkɛ-mi lɛlɔ ɔɔtɛmiku-mii ɔsu ni, bɛdubɔnu lɛla lɛni na bɛɛwia! Ulése buɛɛ ulete-mii si Katɔti ɔɔní-mii kɔtu. Na bɛdubɔti ka ubo ɔyikun na bina akɔ sɔsɔ.