Korintoƒuɔ 2 10:1 - Katɔti Ɔku Kedee

¹ Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Korintoƒuɔ 2 10:1 ပူးပေါင်းရင်းမြစ်များ

Kɔgya 45:4

Tu akpagya na esie asɔ lɛlɔ ɔdine kalɛ. Gyumana litemi geen lɛmmɔ ku bekyuli bani muuboku lɛlɔ kalɔ. Na bekyuli bataabla ala ulu lɛlɔ. Ti ƒula kɔdianu na abla ala enengudi na bani lɛlɔ na ádi anumi.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Mateo 21:5

“Bɛsu Sion bekyuli bɛnii, ‘Bɛnu! Bina ɔga ɔdubo-mii kudɔ. Úboku lɛlɔ kalɔ na ulie ebuo ala utine ubi lɛlɔ ɔdubo.’ ”

Batalane Kabla 8:32

Na etemila ani na ɔkya ɔɔká na Bunweni Kedee Ɔku kemmo ndi ɔnii, “Báda-nwu béselaku aani koƒonu kɔni béti batádu. Na ɔkɛ aani koƒonu kɔni naaadaku-ni si beekúlo-ku linwini, na útebimi kenye lɛnɔ.

Romaƒuɔ 10:20

Na Yesaia úse kayi na ɔ́su-ma nwaa ka Katɔti ɔ́su ɔnini, “Bekyuli bani na nka baláwia-mi ni, ɔƒɛni bánu-mi. Na lídie lɛlɔ lɛ́tina bekyuli bani néteye-mi lɛlɔ.”

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Romaƒuɔ 15:15

Líse kayi geen na línweni ɔku na ala adi bene lɛlɔ aani si bunyimene na nsɔ nda-mii ala ammɔ ɔkɛnku lɛƒɔndia lɛni na Katɔti úte-mi kenye.

Korintoƒuɔ 1 2:3

Na ka líbo-mii kudɔ ni, lɛlɔ lɛ́bla-mi kpɛtɛ kpɛtɛ. Na liƒu lɛ́da-mi. Na lɛlɔ lɛnɔ lɛ́tɔ-mi.

Korintoƒuɔ 1 4:10

Bɔdi badɔlɔdi na Kristo ɔsu. Nsu amii bɛdi banundane ka bɛ́bla unwi ku Kristo ɔsu. Abu buse aani bekyuli bani na ekubi eeebo-ma lɛlɔ kemmo. Nsu amii ni, lɛlɔ lɛ́sa-mii. Bɔɔɔdi lɛla lɛdi na bekyuli anumi. Nsu amii ni, bibo ɔbu.

Korintoƒuɔ 1 4:21

Bɛɛyɔ́ ka libo-mii kudɔ na mbani-mii kɔtu, munuu mbo-mii kudɔ ku anumi buɛɛ na bɔyɔ kemmo?

Korintoƒuɔ 2 10:10

Bina akɔ ɔdi ɔdubɔsu ɔnii muunweni lɛku kpakplaa lɛni etemila mbo unu. Nsu si nkya-mii kudɔ ni, lɛ́ba na mina etemila eeyile atu.

Korintoƒuɔ 2 10:2

Muuvele-mii nnii bitaya na libo-mii kudɔ mbatɛmiku-mii ku ogya. Ɔsika nsia ulu ndubo ku ogya mbadɔnku bina akɔ badi bani mɔɔnu-bu anumi banii kayawi kamɛni kasusu na bɔda bɔɔbla ala.

Korintoƒuɔ 2 10:7

Ɔlɔna lɛlɔ kasusu kani na biiti. Si ukyuli ɔdi ɔ́ƒɔ lɛlɔ ɔ́di ka ɔdi Kristo ɔdi ni, ɔlɛka ɔnu-bu ɔti aani nwuna lɛlɔ kalɛ ka abu lɛnɔ bɔdi Katɔti ɔdi.

Korintoƒuɔ 2 11:21

Nsu abu ni, bɔɔyia ka bɔbla ala ammɔ udu. Munuu bɛɛbu bɛnii kɔƒa muukpó-bu? Nsu si ɔdi ɔkana kayi buse na ɔkun lɛmɛnɛ ni, ami lɛnɔ mbo kuƒi kɔmmɔ udu. Ala amɛni ƒui ese aani kɔnamutɛ, nsu ɔlɛka lɛsu.

Korintoƒuɔ 2 11:30

Si ɔdi ka lɛkun lɛmɛnɛ ni, nka ndubɔkun lɛmɛnɛ na ala ani muudie taatina kalɛ na lɛ́sɔ lɛlɔ.

Korintoƒuɔ 2 12:5

Mɔɔtɛmi aani si ukyuli bamba na nda. Na mɔɔkun lɛmɛnɛ na nwuna lɛlɔ, ɔsika naaakun lɛmɛnɛ na ami ɔlati lɛlɔ, amu ntu lɛla lɛni muudie mina bɔsɔ taatina-mi lɛlɔ lɛti pɛ.

Korintoƒuɔ 2 3:12

Na ka bubo lɛnunsia na lɛla lɛwɔdi lɛni neeebo kawɔkɔ lɛlɔ ɔsu ni, anwuɔsu na buusé kayi taasu lɛla biala nwaa.

Korintoƒuɔ 2 5:20

Na abu nnye Kristo kenye. Na Katɔti ɔlati nkɛ-bu lɛlɔ na ɔɔsu-mii lɛla lɛni geen na ɔɔwia taasiku-mii kudɔ. Ɔmɛni ɔsu bunye Kristo kenyekɔ buuvele-mii bɔnii bɛya na Katɔti ɔklibi amii ku-nwu ntɛ.

Korintoƒuɔ 2 6:1

Ka bunye bɔɔblaku Katɔti kabla ɔsu ni, buuvele-mii bɔnii bitebile Katɔti kɔnyana bɔnu.

Korintoƒuɔ 2 7:4

Mina anu asia-mii lɛlɔ geen! Na mɔɔtina lɛlɔ na amii ɔsu. Na kaƒɔ kaayɔ́-mi ɔsika ina ka buubó abi ni, ebiti áƒɔ-mi kayi kemmo ƒui na amii ɔsu.

Galatiƒuɔ 4:13

Binyimo kudeedi kɔni na lɛ́ka litemi buni lɛmmɔ lɛsa bɔ́kɔ bute-mii mmɔ, ɔsika na lɛlɔ kemmo kaaadia-mi.

Galatiƒuɔ 5:2

Bise ɔmɛni likpo! Ami Paulo mɔɔsu-mii ka si bíte kuƒi na békulo-mii ago ni, na Kristo ɔsɔ uuubo kɔsia kɔdi uuute-mii.

Eƒesoƒuɔ 3:1

Ɔmɛni ɔsu ni, ami Paulo ɔni ntɛ aban ɔtɔ ka mɔɔbla Kristo Yesu kabla na bina lili ɔsu ni,

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Ƒilipiƒuɔ 4:5

Bɛya na ukyuli biala ɔnu ɔti kalɛ na bɛda lɛlɔ buɛɛ. Ɔsika Blɔti bɔsɔ bubo bɔmmɔ búude.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Tesalonikaƒuɔ 2 3:17

Ami Paulo muunweni bɔkada bɔmɛni ku ami ɔlati mina kɔnu aani likpose lɛni mɔɔtina ka ami na ɔdi. Lɛni na muunweni na mina lɛku ƒui kemmo.

Ƒilemon 1:19

Ami Paulo ɔlati néti mina kɔnu línweni ɔmɛni. Na ndubɔƒɔ kayu biala nkya. Nsu ni, ɔɔɔdi bɔsu nda-a nnii awɔ ada-mi ƒula ngba kayu na Kristo kemmo.

Petro 1 2:11

Bayɔne, mɔɔlɛ-mii aani si baƒɔ ku belusiene na bɛdi na kayawi mɛni nnii bɛda lɛlɔ bidie ɔlɔna ɔkwɛ adala ani muukpóku-mii kudɔ.

Budie Taatina 1:9

Banwa, bɔdi bavinkpana ka buliku Yesu ɔsu. Na ami ku-mii ƒui bunye lɛbibo kenye kpakplaa na kayawi kamɛni kemmo, na bɔɔdi Katɔ Ɔga Ɔma ala. Ńtaakɔ Katɔti litemi buni lɛni nkɛnku Yesu Kristo lɛlɔ lɛsa na ulu lɛlɔ. Nsu ka bekyuli balayɔ lɛni ɔsu ni, béti-mi bétése ntuntɛ kalɔ kani baalɔ Patmo.