Korintoƒuɔ 2 1:23 - Katɔti Ɔku Kedee

²³ Katɔti ɔlati ɔgyi ka naaayɔ ka libo mbani-mii kɔtu. Na ɔmɛni ɔdubɔya na lɛla lɛdi lɛsɔ lilékpoku-mii ka ɔɔɔdi ɔmɛni ɔsu na lɛ́bla kasusu nnii neeebo Korinto tɔ.

Korintoƒuɔ 2 1:23 ပူးပေါင်းရင်းမြစ်များ

Batalane Kabla 18:1

Amu na ɔmmɔ kama ni, Paulo ɔ́tɔlɔ Atene úsie Korinto.

Batalane Kabla 18:8

Amu na kasalakɔ kammɔ unengu ɔni baalɔ Krispo ku nwuna kaduli bekyuli ƒui báƒɔ Blɔti bádi, na bákpila-ma ntu. Lɛni kani na bákpila babambadi bani náƒɔ bádi lɛnɔ ntu na Korinto mmɔ.

Romaƒuɔ 1:9

Katɔti ɔni kabla na mɔɔbla ku mina kayi ƒui na litemi buni lɛni lɛsa mɔɔkɔ́ ɔkɛnku ubidi lɛlɔ ni, ani ndubudie-mi kenye ɔ́si kalɛ na naaayiƒala-mii uwi biala kemmo si mɔɔkpali katɔ.

Romaƒuɔ 9:1

Lɛla lɛni na ndubo-mii bɔsu mɛni ni, ɔɔɔdi ɔkɔ na mɔɔnyi, ɔsika ndi Kristo ɔdi. Mina kayi kani lɛlɔ na Katɔti Kɔyu kɔɔdi mɔɔtina-mi geen ka naaanyi ɔkɔ.

Korintoƒuɔ 1 4:21

Bɛɛyɔ́ ka libo-mii kudɔ na mbani-mii kɔtu, munuu mbo-mii kudɔ ku anumi buɛɛ na bɔyɔ kemmo?

Korintoƒuɔ 1 5:5

Ɔdi ka bɛnyonu ukyuli ɔmmɔ bite Satan na nwuna ɔyikun ususu-nwu ɔlɔna. Na ina úkpi muedi ni, ukyuli ɔmmɔ kɔyu kɔkɛ bɔƒɔ na limeyi lɛni lɛlɔ na Yesu watɛku kayawi bekyuli ƒui litemi.

Korintoƒuɔ 2 1:1

Ami Paulo ɔni nkɛnku Katɔti lɛƒɔyɔ lɛlɔ na ndi Blɔti Yesu Kristo ɔtalane ni, ami ku Ɔnwa Timoteo muunweni ɔku ɔmɛni bute amii Korintoƒuɔ bani néti lɛlɔ bíte Katɔti ku bekyuli bani ƒui mɔɔbla Katɔti kabla na Akaia kalɛkɛ lɛlɔ mmɔ.

Korintoƒuɔ 2 1:18

Mmomu kalɛ na Katɔti ɔɔdi nwuna etemila lɛlɔ geen ni, lɛni kani na lɛla biala na búnweni búmene-mii lise. Na lɛɛɛdi kalɛ na ukyuli ɔɔbabla taasu ɔnii ɛɛn ku oowo na ɔdi.

Korintoƒuɔ 2 10:2

Muuvele-mii nnii bitaya na libo-mii kudɔ mbatɛmiku-mii ku ogya. Ɔsika nsia ulu ndubo ku ogya mbadɔnku bina akɔ badi bani mɔɔnu-bu anumi banii kayawi kamɛni kasusu na bɔda bɔɔbla ala.

Korintoƒuɔ 2 11:10

Nnye Kristo litemi geen lɛmmɔ lɛlɔ mɔɔsu nwaa ka naaayila kuƒi kɔni ɔsu na mɔɔkun lɛmɛnɛ na Akaia kalɛkɛ lɛlɔ kudii!

Korintoƒuɔ 2 11:11

Na bi ɔsu na nnii naaaƒɔ lɛla lɛdi na bina kudɔ? Ɔɔɔdi ɔni na naaayɔ-mii ɔsu. Katɔti ɔlati ɔgyi ka mɔɔyɔ́-mii.

Korintoƒuɔ 2 11:31

Katɔti ɔni ndi Blɔti Yesu Kristo Ɔti, na anwu na buumwi uwi ƒui ni, anwu ngyi geen ka ala ani mɔɔsu mɛni ni, sɔsɔ na adi.

Korintoƒuɔ 2 12:20

Mɔɔyia ka si líbo mmɔ ni, ndububo mbanu ka bɛ́vumana kalɛ na mɔɔwia-mii lɛnu. Na lɛni kani na amii lɛnɔ bɛdubɔnu ka lɛ́vumana kalɛ na amii lɛnɔ bɛɛwia ka bɛnu. Mɔɔyia ka ndububo mbanu ka bɛɛdɔ, na bɛɛbla lɛnungyie likpidi, na biiti kɔnyi taakya lɛlɔ, na bɛɛwia kalɛ na ɔdia ute amii lɛti pɛ, na biidumi lɛlɔ, na bɛɛlɔ lɛlɔ anyikpi, na bɛɛtalaku lɛlɔ katɔ, na biiƒú na lɛla biala kemmo.

Korintoƒuɔ 2 13:10

Muunweni-mii ɔku ɔmɛni uwi ɔni na liiibo-mii kudɔ mɛni, kalɛ na si líbo ḿbeduo-mii kudɔ ni, na naaani-mii kɔtu kpakplaa na kenyekɔ kani na Blɔti úte-mi kenye. Úte-mi kenyekɔ kamɛni kalɛ na bina bɔƒɔtaadi bɔkɔ katɔ bubu, na ɔɔɔdi kani maya na bɔyu kalɔ.

Korintoƒuɔ 2 13:2

Muubó bekyuli bani nábla ekpidi bábavi ɔda ku babambadi ƒui lɛnɔ uwi ɔni na lɛɛɛkya-mii kudɔ mɛni. Lɛ́ɛsu-mii ɔmɛni ḿbavi na kunyɔdi kɔni na líbo-mii kudɔ. Na nsɔ mɔɔsu-mii ɔni na liiibo-mii kudɔ mɛni nnii si lɛ́sɔ líbo-mii kudɔ ni, ndubɔni bani ƒui mɔɔbla ekpidi kɔtu.

Korintoƒuɔ 2 6:6

Búdie lɛlɔ bɔ́tina ka bɔdi kabla bablane babuni na kalɛ na bɔda lɛlɔ sɛɛn ku kalɛ na bɔgyi Katɔti litemi buni lɛmmɔ. Buuwi lɛlɔ buɛɛ ku bula ablala na bekyuli akɔ, na bɔɔbla lɛƒɔndia. Katɔti Kɔyu kɔɔkya-bu lɛlɔ kemmo, na bɔɔyɔ́ bekyuli ku kaƒɔ nwaa.

Galatiƒuɔ 1:20

Na sɔsɔ ni, litemi geen na muunweni-mii mɛni, na Katɔti ɔlati ɔgyi ka naaanyi ɔkɔ.

Ƒilipiƒuɔ 1:8

Na Katɔti ɔlati nnye-mi kama ka litemi geen na mɔɔsu nnii bina ala akya-mi kayi kemmo geen aani kalɛ kani na Yesu Kristo ɔɔyɔ́-mii kalɛ.

Tesalonikaƒuɔ 1 2:5

Bɛgyi kaduɛ ka ɔɔɔdi kenyemini etemila na búti búboku-mii. Na bútasu-mii litemi buni lɛmɛni kalɛ na bɔkɛ kɔsia kɔdi bɔsiku-mii kudɔ. Na Katɔti ɔlati ndubunye-bu litemi lɛmɛni kama.

Timoteo 1 1:20

Na bana akɔ badi ndi Himeneo ku Aleksandro. Lɛ́ni-ma kɔtu na líti-ma líte ukisine ɔmmɔ kalɛ na bebo abi na nwuna enu kemmo. Ɔmɛni ndubɔya na batɛya lɛla na bada enyekpi bɔtɛmi taasiku Katɔti lɛlɔ baya.