Korintoƒuɔ 2 1:21 - Katɔti Ɔku Kedee

²¹ Katɔti ɔ́ya na abu ku-mii ƒui bɔ́bla unwi ku Kristo, na anwu ɔlati náƒuna-bu úse ka butaabla nwuna kabla.

Korintoƒuɔ 2 1:21 ပူးပေါင်းရင်းမြစ်များ

Kɔgya 45:7

Aayɔ́ lɛla lɛni nse siin, na eekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.

Kɔgya 87:5

Unwoti Ɔyikune Ƒui ɔdubɔkya ɔma ɔmmɔ bekyuli ɔyikun. Na ɔdi biala ɔdubɔsu ɔnii, “Mɛni na báwɔ abu lɛnɔ.”

Kɔgya 89:4

‘Ndubɔnu ka ƒula kaba kemmo ubi mɔɔdi lɛga uwi ndi uwi. Na lɛgadi lɛmmɔ lilása mmɔ kudii.’ ”

Yesaia 49:8

“Si mina uwi údu ka lɛƒɔ-mii ngba ni, ndubunu bina bɔkpali na libunku-mii. Na ndubɔgyumana-mii na lɛda-mii kɔkɔɔkɔ. Na ɔkɛnku amii ɔsu ni, ndubo bunyimiku kadi bekyuli ƒui bunyimi bɔdi. Na ndubɔya na bɛsɔ bilie kalɔ kpi na bina kalɔ kani nwi na lɛla biala líbie-ka kemmo ɔƒɛni mɛni kemmo.

Yesaia 59:21

“Líse-ma kenye ka ndubuti mina Kɔyu ku linyesia lite-ma. Na ɔmɛni ndi mina etela ani na ndubuti lite-ma ku bina kɔduli bekyuli úsela uwi ƒui.” Lɛni na Unwoti ɔ́su.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yesaia 62:7

ka lɛbla na Yerusalem ɔkɛ ɔlɔkplu na ɔƒɔ lɛnyi na kesi kesii.

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Lewiƒuɔ Ɔda Bubo 7:35

Ɔmɛni ndi lɛla lɛni na bálɛ ugyii bése sɛsɛɛ béte Aaron ku nwuna bebi ɔ́siku bɔkyula ƒui akpala ani na bábla béte-mi kemmo ɔ́si limeyi lɛni na lɛ́ƒuna-ma ka bataabla ɔkpane kabla teete-mi.

Habakuk 2:12

“Bɔbuɛ ute-mii! Ɔsika alaekpidi bonwu bɔbla ku lɛsɛ bɔkya ku bekyuli bɔdu lɛlɔ na bɛ́da bina ɔma unengudi bɛ́sia.

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Romaƒuɔ 8:9

Si Katɔti Kɔyu kɔ́ƒɔ-mii lɛlɔ kemmo ni, biiilie na bina ɔlɔna udu ɔkukudi bɔyɔ kenye, mmomu kalɛ na Katɔti Kɔyu kɔɔyɔ́. Na si Kristo Kɔyu kútaƒɔ ukyuli ɔdi lɛlɔ kemmo ni, ɔɔɔdi Kristo ɔdi.

Korintoƒuɔ 1 1:8

Na ɔdubɔgyumana-mii na bɛda bina bɔƒɔtaadi kaduɛ utédu kawɔlɔkɔ. Anwu ndubɔya na si Blɔti Yesu Kristo úbo ubatɛku bayawine litemi ni, kɔtɔ bɔdu bɔdi bulebo-mii lɛlɔ.

Korintoƒuɔ 2 5:5

Katɔti náklibi-bu úse úte ka bɔvumana lɛni. Na úti nwuna Kɔyu úte-bu aani lɛla lɛni na buti butaanu ulu bute ala ani ƒui na ɔ́klibi úse úte-bu.

Koloseƒuɔ 2:7

Binye kpakplaa na nwuna kemmo aani kalɛ na kugyii ugyiitu ɔɔnyí kalɔ kemmo. Na bina bɔƒɔtaadi buteesie anumi teebu aani kalɛ na bɔ́tina-mii mmɔ. Na bitaagya Katɔti enu uwi ndi uwi.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Tesalonikaƒuɔ 2 2:17

Buuvele-nwu bɔnii, ute-mii ɔyikun na ɔkya-mii kayi ogya kalɛ na bɛsu na bɛbla ala abuni ƒui lɛnɔ.

Tesalonikaƒuɔ 2 2:8

Na ɔmɛni kama ni, Katɔti ɔdubudie ukyuli ukpidi ɔmmɔ keyi ɔtina. Na si uwi ɔni na Blɔti Yesu Kristo úbo ni, ɔdubuti nwuna kenye ɔƒɛƒɛɛ ku bukeye ɔkyula-nwu na ɔyila-nwu udu ƒui.

Tesalonikaƒuɔ 2 3:3

Nsu Blɔti unye-mii kama, na ɔdubɔkya-mii ɔkplu na wanu-mii lɛlɔ kalɛ na ukisine ɔmmɔ uladi-mii lɛlɔ.

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Yohane 1 2:20

Nsu amii ni, Kristo ɔ́ya na nwuna Kɔyu kɔ́ƒɔ-mii lɛlɔ kemmo, na bina ƒui bɛgyi Katɔti litemi geen.

Yohane 1 2:27

Nsu amii ni, Kristo Kɔyu kɔ́ƒɔ-mii lɛlɔ kemmo, na Kɔyu kɔmɛni kɔmu kɔkya-mii lɛlɔ kemmo. Anwuɔsu ni, bɛsɔ biláwia ka ukyuli ɔdi ɔsɔ ɔtina-mii ala adi lɛnɔ. Ɔsika nwuna Kɔyu kɔɔtina-mii ala amɛni ƒui. Na ala ani na kɔɔtina adi litemi geen lɛmmɔ, na ɔɔɔdi ɔkɔ. Anwuɔsu biliku Kristo aani kalɛ na Kɔyu kɔmmɔ kɔ́tina-mii.

Budie Taatina 1:6

Na ɔ́bla-bu baga ku bakpane bani mɔɔkpanku bekyuli teeboku Ɔti ɔni ndi Katɔti. Uukeye, na ubo ɔyikun ɔ́si ɔƒɛni úsela ƒui! Ɔsia lɛni.

Budie Taatina 3:18

Anwuɔsu mɔɔlɛ-mii kpakplaa nnii bibo na bibeye sika ugyiedi ɔni bábla kede kede na ogya kemmo na mina kudɔ na binwini balakɛne. Na bibeye adiƒuala ani na binyimi na bekyuli basɔ balanu bina kasɔngya ku kɔƒa. Na biye kuvo bɛkya anumi na bitaanu kaduɛ.