Korintoƒuɔ 2 1:19 - Katɔti Ɔku Kedee

¹⁹ Katɔti Ubidi Yesu Kristo ɔni lɛlɔ litemi lɛsa na ami ku Silivano ku Timoteo bɔɔkɔ́ teete-mii ni, ɔɔɔdi ɛɛn ku oowo ukyuli. Mmomu ɔdi ukyuli ɔni litemi ndi ɛɛn uwi biala.

Korintoƒuɔ 2 1:19 ပူးပေါင်းရင်းမြစ်များ

Kɔgya 2:7

Ɔmmɔ kama ni, Ɔga Ɔƒunadi ɔmɛni ɔ́su ɔnini, “Ndubɔkɔ lɛsa na Unwoti lɛla lɛni na úse kenye úte-mi lɛlɔ ɔnini, ‘Awɔ ndi mina ubi. Na ɔmwi ni, línwini-ɔ ɔti.

Israelƒuɔ Bɔlɛ 3:14

Amu na Katɔti ɔ́su-nwu ɔnini, “Si béye-ɔ mina lɛnyi ni, na asu-ma anii, ‘Ami baalɔ Ami Ndi Ami.’ Na asu-ma ka ‘Ami Ndi Ami nátala-mi ɔ́kya-mii.’ ”

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Mateo 24:35

Katɔ ku kalɔ kadubɔvi, nsu mina etemila anya aaadubo bɔvi kudii.

Mateo 27:40

Básu banii, “Awɔ násu ka adubɔƒɛ Katɔti kakpakɔ na asɔku-ka atu emeyi atɛ kama! Si adi Katɔti Ubidi ni, yu na aƒɔ lɛlɔ asiku kukpi enu kemmo.”

Mateo 27:54

Na uwi ɔni na bekpone unengu ku bekpone bani nnye mɔɔgyumana Yesu bánu kalɛ na kalɔ kákunku ku ala ani nálɛ ƒui na mmɔ ni, ɔtɔtɔ ɔ́gyu-ma na liƒu lɛ́da-ma geen! Na básu banii, “Sɔsɔ na ukyuli ɔmɛni ɔdi Katɔti Ubidi.”

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Mateo 4:3

Amu na ukisine ɔmmɔ úbo-nwu kudɔ na ɔ́su-nwu ɔnini, “Si Katɔti ubidi na adi ni, su atabi amɛni na enwini adila.”

Marko 1:1

Ɔmɛni ndi litemi buni lɛni nkɛnku Yesu Kristo lɛlɔ ɔni ndi Katɔti ɔlati ubidi.

Luka 1:35

Mmɔ na ɔtu ɔmmɔ údie kenye ɔnini, “Ɔyikune Ƒui ɔmmɔ Kɔyu kɔdubo-ɔ lɛlɔ na nwuna ɔyikun ɔƒɔ-ɔ lɛlɔ kemmo. Anwuɔsu ubi kedee ɔni na adubo bɔwɔ ni, badubɔlɔ-nwu banii Katɔti Ubidi.

Yohane 1:34

Na lɛ́nu ka ɔ́lɛ lɛni na ukyuli ɔmɛni lɛlɔ. Na mɔɔsu-mii geen ka anwu ndi Katɔti Ubidi ɔmmɔ.”

Yohane 1:49

Natanael ɔ́su-nwu ɔnini, “Rabi, awɔ ndi Katɔti Ubidi. Awɔ ndi Israelƒuɔ Ɔga.”

Yohane 19:7

Amu na bekyuli lisu lɛmmɔ básu banini, “Bubo ɔda bubo bɔni mɔɔtina ka ɔlɛka ukpi. Ɔsika ɔ́su ɔnii ɔdi Katɔti Ubidi.”

Yohane 20:28

Ka Yesu ɔ́su-nwu lɛni ni, Toma údie kenye ɔnini, “Mina Ati ku Katɔti!”

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Yohane 6:69

Na abu bɔ́ɔƒɔ bɔdi na bɔ́ɔnu bɔ́ti ka awɔ ndi Katɔti Ubidi Kedee ɔmmɔ.”

Yohane 8:58

Amu na Yesu ɔ́su-ma ɔnini, “Mɔɔsu-mii geen nnii asa badubɔwɔ Abraham ni, Ami nli.”

Batalane Kabla 15:22

Amu na batalane ku benengu bani nábasa mmɔ ƒui bátuna, na bédie bekyuli badi banii basiaku Paulo ku Barnaba na besie Antiokia. Nkyuli inyɔ bani na bédie mmɔ badi baƒɔtaadine bammɔ benengu inyɔ. Ama ndi Yuda ɔni na basɔ baalɔ Barsaba ku Silas.

Batalane Kabla 16:1

Amu na Paulo ku Silas bátɔlɔ bésie ɔma ɔni baalɔ Derbe, na bákɛ mmɔ bávi bésie Listra. Na mmɔ na bésie bátánu ɔƒɔtaadine ɔni baalɔ Timoteo. Na uni ɔdi Yudani, na anwu lɛnɔ ɔ́ƒɔ Kristo ɔ́di. Nsu ɔti ɔdi Grikini.

Batalane Kabla 18:5

Amu na uwi ɔni na Silas ku Timoteo bási Makedonia bébo ni, Paulo ɔ́kɛ uwi kaduɛ úti úte litemi buni bɔsu ku kalɔ budie taatina Yudaƒuɔ ka ni, Yesu ndi Ukyuli Ɔƒunadi ɔmmɔ geen.

Batalane Kabla 8:36

Amu na uwi ɔni na bakɛ bésela ni, bátánu ntu bɔdi ka bunye likpo lɛdi na ulu kudɔ mmɔ. Na unengu ɔmmɔ ɔ́su Ƒilipo ɔnini, “Aanu ntu bɔdi. Bi ɔsu na naaakana Katɔti ntu bɔkpila ɔdi ɔmmɔ bɔƒɔ?” Amu na Ƒilipo ɔ́su-nwu ɔnini, “Si áƒɔ ádi ku ƒula kayi ƒui ni, adubɔkana.”

Batalane Kabla 9:20

Na uwi ɔmmɔ kani na úsie Yudaƒuɔ kɔsakɔ útásu Yesu lɛlɔ litemi ka Katɔti Ubidi na ɔdi.

Korintoƒuɔ 2 1:1

Ami Paulo ɔni nkɛnku Katɔti lɛƒɔyɔ lɛlɔ na ndi Blɔti Yesu Kristo ɔtalane ni, ami ku Ɔnwa Timoteo muunweni ɔku ɔmɛni bute amii Korintoƒuɔ bani néti lɛlɔ bíte Katɔti ku bekyuli bani ƒui mɔɔbla Katɔti kabla na Akaia kalɛkɛ lɛlɔ mmɔ.

Tesalonikaƒuɔ 1 1:1

Ami Paulo ku Silivano ku Timoteo búnweni ɔku ɔmɛni buute amii bani ndi Katɔti ku Blɔti Yesu Kristo badi na Tesalonika. Na bɔɔkpali katɔ bɔnii Blɔti lɛƒɔndia ku keyi buɛɛ kasiaku-mii.

Tesalonikaƒuɔ 2 1:1

Ami Paulo ku Silivano ku Timoteo búnweni ɔku ɔmɛni buute amii bani ndi bula Unwoti Katɔti ku Blɔti Yesu Kristo badi na Tesalonika.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Hebriƒuɔ 1:11

Ala amɛni ƒui adubɔyii udu. Nsu awɔ ni, adubulie uwi ƒui. Ala ammɔ ƒui adubɔtɔ aani adala kuuku kalɛ.

Hebriƒuɔ 13:8

Yesu Kristo ulávumana. Kalɛ kani na úse uwi ɔni návi kemmo ni, lɛni kani na use ɔƒɛni ku uwi ɔni mebo ƒui lɛnɔ kemmo.

Petro 1 5:12

Silivano ɔni na mɔɔbu aani ɔƒɔtaadine ɔnwa ɔni mɔɔdi bɔƒɔtaadi bammɔ lɛlɔ geen ni, anwu nébunku-mi na búnweni ɔku klukui ɔmɛni buute-mii. Na mɔɔwia ka lɛkya-mii ogya na lidie kenye lɛsu-mii ka ni, ala ani lɛlɔ na línweni ɔku ɔmɛni lɛ́siku ni, adi kalɛ na Katɔti kaƒɔ kadia kete-bu. Anwuɔsu binye kpakplaa.

Petro 2 1:17

Na bunye mmɔ uwi ɔni na Katɔti úti ɔbu úte-nwu na ɔ́ya na uukeye ku uwi ɔni na Katɔti ɔmmɔ lɛdi lɛ́si katɔ na nwuna lɛgadi bukeye kemmo lɛnini, “Ɔmɛni ndi mina Ubi ɔni mɔɔƒɔ́-mi anu.”

Yohane 1 1:3

Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Yohane 2 1:9

Ukyuli ɔni náda ɔ́via Kristo ala bɔtina na ulásia-nya kama ni, uuubo kɔna ku Katɔti. Nsu ukyuli ɔni nsiaku Kristo ala bɔtina bɔmmɔ kama ni, uliku Katɔti ku Ubidi lɛnɔ.

Budie Taatina 1:11

Lɛdi lɛmmɔ lɛ́su lɛnini, “Nweni lɛla lɛni na ánu se na eti-ni esienku baƒɔtaadine akpa maatɛ na lɛma linengudi lɛdi kemmo. Ani ndi Eƒeso ku Smirna ku Pergamo ku Tiatira ku Sardi ku Ƒiladelƒia ku Laodikea.”

Budie Taatina 1:17

Ka lɛ́nu-nwu ni, líbuli ńtáyu kalɔ aani ukpine na nwuna anumi. Nsu ukyuli ɔmɛni úti nwuna kɔdianu ɔ́sia-mi lɛlɔ na ɔ́su-mi ɔnini, “Sɔ tayia! Ami ndi Udeedi ku Ukplodi.

Budie Taatina 1:8

Blɔti ɔni mbo ɔyikun ƒui mɔɔsu ɔnini, “Ami ndi kalɔ kesekɔ ku kawɔlɔkɔ. Ami nli, na lílie, na ndubo bulie uwi ɔni ndubo ƒui.”

Budie Taatina 2:18

“Nweni ɔku te Tiatira baƒɔtaadine lɛkpa ɔtu anii, “Ami Yesu ndi Katɔti Ubidi. Na mina anumi aada aani ogya na mina lɛgba liikeye aani lɛbuala lɛni bákya ogya na lígyie. Ami mɔɔsu kenye kamɛni.