Tesalonikaƒuɔ 1 5:3 - Katɔti Ɔku Kedee

³ Na uwi ɔni kemmo na bekyuli baasu banii lɛla biala lɛ́ɛtɛ ni, uwi ɔmmɔ geen na ɔgbankpi adubɔlɛku-ma ɔni na baaagyi beeese. Ɔdububo aani kalɛ na kawɔƒɔ kaadu ɔƒɔndane. Na kekelikɔ kadi keeebo.

Tesalonikaƒuɔ 1 5:3 ပူးပေါင်းရင်းမြစ်များ

Hiob 15:21

Badubo kɔku kɔni mɔɔda liƒu buteenu uwi ndi uwi na bataayia. Na uwi ɔni na baakali banii lɛla biala lise kaduɛ ni, uwi ɔmmɔ geen na beyune badubo bebéyu-ma batu.

Hiob 24:23

Katɔti ɔkana na unye ɔnu-ma, na ɔbla-ma aani lɛla biala lɛ́ɛtɛ lɛ́wɔlɔ, nsu ɔɔɔdi ɔni na basu banii ulánu-ma ɔsu.

Kɔgya 35:8

Ya na ɔgbankpi uyu-ma ɔtu ɔni na baaagyi beeese. Na aya na kɔkpagyuɛ kɔni na bákywɛ-mi kudie-ma. Na banu beduo libu lɛni na ama alati béku bése-mi kemmo na bayii udu na mmɔ.

Kɔgya 48:6

Na lɛlɔ lɛɛtɔ́-ma aani uleku ɔni ntɛ kɔwɔ.

Kɔgya 55:15

Unwoti, bekyuli bani ƒui na báta bénye-mi lɛlɔ ni, ya na kukpi kuyu-ma kɔtu na bayu kekpine ulu kɔnakunwi. Ɔsika kalala bɔbla bɔ́ƒɔ-ma kaduli ku bana kɔyi kemmo.

Kɔgya 69:22

Ya na bana limeyi kadikɔ kani báklibi bése kenwini kubu kubi-ma lɛlɔ na betulo na bebuli beduo ɔgbankpi kemmo.

Agba 29:1

Ukyuli ɔni mɔɔbla atuɔkplu na úni ɔnii ukyuli ɔdi utedie-nwu bɔƒiɔ ni, ɔdubo lɛlɔ udu bɔyila na ɔdi ɔsɔ ulakana-nwu bɔbwi.

Yesaia 20:6

Na uwi ɔmmɔ kemmo ni, kadi bani nli Ƒilistia ɛpu kɔtɔ badubɔsu banii, ‘Bɛnu lɛla lɛni nálɛku kadi bani bekyuli na bɔɔkali ka bukeli butátamiku na bebunku-bu na bɔlɛ Asiriaƒuɔ enu kemmo. Bi na badubo bɔbla ɔƒɛni? Na wɛ na bɔdubɔsɔ bukeli busie?’ ”

Yesaia 29:5

Nsu ɔƒɛƒɛɛ kpakplaa ɔdubo ƒula bekisine bubo bɔtɔlɔku kɔnakunwi aani ɔtumu ku aƒaƒaa.

Yesaia 30:13

likpidi lɛmɛni línwini aani kowodu kɔka kɔni muubimi wetédu ka kowodu kɔmmɔ kɔ́lɛ kúbayu kalɔ.

Yesaia 47:11

Nsu na bina tati tese kemmo ni, ɔgbankpi ɔdubo-mii bɔlɛku, na bina evo ammɔ ƒui aaadubo-mii bubunku munu munu.

Yesaia 47:9

Bina evo ku bɔkanti ƒui kenye kadubo bukulo na binwini bekpinele, na bina bebi lɛnɔ bekpi kɔnakunwi ɔni na kama bɔnu buuubo.

Yesaia 56:12

Na bɔsu kani na bɛɛsu lɛlɔ bɛnini, “Bɛya na bɔni-mu na bukpi-mu! Na kɔnaadi lɛnɔ ɔsia-nwu lɛlɔ lɛni kani, na bɔkya lɛlɔ ebiti.”

Yeremia 13:21

Ama bana lɛlɔ na éti anu ási dii ka badubo-ɔ bubunku. Nsu ɔƒaani ndubɔya na badi-ɔ lɛlɔ. Bi ndi-ɔ kasusu na ɔmmɔ lɛlɔ? Adubo lɛbibo kemmo bɔkya aani uleku ɔni ntɛ kɔwɔ na uunú ɔlɛ.

Yeremia 14:19

Unwoti, buni na éni Yuda? Na eekisi Yerusalem? Bi ɔsu na ébo Yuda áva kalɔ na áya na ɔ́ƒɔ ɔlɛ bonwu lɛni? Bula lɛnunsia ndi ka badubɔkɛ keyi buɛɛ na abwi-bu, nsu liƒu bonwu lɛmɛni na áya na líbo-bu lɛlɔ.

Yeremia 22:23

Amii bani nli baga kesii kani na béti Lebanon egyii kpakplaa bábla lɛtalagyii na béti ligyii lɛmmɔ bákya kayakun kɔlɛmikɔ kɔmmɔ ƒui akya ni, bɛdubo buteedumo na biteewulo kɔnyana aani uleku ɔni ntɛ kɔwɔ.

Yeremia 4:31

Muunú aani si ukyuli muudumo ku keku. Uleku ɔdi ntɛ kɔkwalawɔ? Oowo, Yerusalem na ɔdi mɔɔnwuna taanɔ na ɔtɛ uuvele ka banu-nwu kɔnyana na ɔɔsu ɔnini, “Bukpi na nda! Bádu-mi.”

Yeremia 6:14

Na kayi kekpludi kani na beesé mina bekyuli bani muunú ɔlɛ geen ka keyi kadubɔyɔku-ma.

Yeremia 6:24

Mmɔ na bekyuli bammɔ básu banini, “Ɔni na búnu-ma kɔku kani na bula lɛlɔ kemmo kése kalɔ kaatɔ́ ku liƒu na bunye buuliiku lɛlɔ aani uleku ɔni ntɛ kɔwɔ.”

Yeremia 8:11

Lɛla lɛni kani na baakana mina bekyuli bani na ala eekpóku bɔsu ndi ka bese-ma kayi kekpludi ka badubɔkɛ keyi buɛɛ.

Esekiel 13:10

“Kenye bediene bammɔ béni banii balasu litemi geen lɛdi. Na baasu mina bekyuli ka badubɔkɛ keyi buɛɛ ina ka balanu keyi lɛla lɛdi na bana akɔ. Bese aani kabla bablane bani mɔɔkali banii si béti kɔba bákwaa kowodu kɔni ndaku bɔƒɛ ni, na kɔwodu kɔmmɔ kɔdubo bunye kpakplaa.

Hosea 13:13

Adi ubi ɔdɔlɔdi ɔni néni ɔnii batawɔ-nwu uwi ɔni na nka údu bɔwɔ.

Nahum 1:10

Mmomu ala adubo-ma bunyimi aani kalɛ na liyu alakpi eedie bekyuli iye ntɛ bɔɔda-ma. Ogya ɔdubɔkyula-ma kede kede aani alakpi ani nákwii kalɛ.

Mateo 23:33

“Bekyuli bekpidi bɛdi! Bise aani balakpi ku bana bebi! Anwuɔsu ni, bɛɛɛdubo bɔkana na bikeli Katɔti kɔtu kɔni na ɔdubɔni-mii na lɛgyavonku kemmo!

Yohane 16:21

Si uleku ɔɔyɔ́ ɔwɔ ni, ubo kɔnyana, ɔsika uwi ɔni na uubo abi údu. Nsu si uwi ɔni na ɔ́wɔ ubi ɔmmɔ ɔ́wɔlɔ ni, ɔɔyiƒala abi ani na úbo. Ɔsika ɔɔkɛ́ ebiti ka ɔ́wɔ ubi ɔ́kya kayawi.

Batalane Kabla 13:41

Ɔsika Katɔti ɔ́su ɔnini, “ ‘Amii bani naaabu mina litemi ni, bɛnu kaduɛ! Ɔsika ndubo lɛla lɛdi bɔbla na bina uwi lɛni na si ina bínu ka baasu-ni muedi ni, biláƒɔ biladi.’ ”

Lɛkpa Ulu 29:19

Na bɛnu kaduɛ na bina akɔ ɔdi ɔni muunú bunyimi bɔmɛni ɔmwi limeyi lɛmɛni ulátɔlɔ lɛlɔ na anwu lɛti ɔsia ulu ɔni na ɔɔyɔ́ lɛlɔ na ɔsu lɛlɔ ɔnini, “Ɔdubɔdia bute-mi na ulu ɔni lɛlɔ na nkɛ mɛni.” Si ɔdi ɔ́bla lɛni ni, ɔdubɔya na bina ƒui bɛkywi bɛsa.

Tesalonikaƒuɔ 2 1:9

Lɛni na Blɔti ɔdubɔgya-ma ɔlɛku nwuna anumi. Na balanu nwuna bukeye ku ɔyikun. Na ɔdubɔyila-ma ku udu.

Hebriƒuɔ 12:23

Na bíbo bíbasiaku Katɔti bekyuli bani nse aani nwuna bebi bedeedi bani anyi na bénweni bése katɔ. Katɔti ɔni ndubɔtɛku bayawine ƒui litemi anumi na bíbo bínye na bekyuli babuni bani nékpi na Katɔti ɔ́bla bana ayu sɛɛn ɔ́wɔlɔ akɔ.

Hebriƒuɔ 2:3

dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.

Petro 2 2:4

Katɔti útenye útanu batu bani náƒiɔ-nwu. Mmomu úbo-ma útákya abi kebokɔ. Na ɔ́ya na bébo-ma kɔgba bákya kasuudikɔ mmɔ wetédu limeyi lɛni na ɔdubɔtɛku-ma litemi.

Litemi Batɛne 8:11

Na Gideon ɔ́sia belusiene ulu ɔni nkɛ ɔ́vi Noba ku Yogbeha ɔƒɛ katukɔ kakɛ útáda ɔ́lɛ bekpone bani naaagyi beeese mmɔ lɛlɔ.