Tesalonikaƒuɔ 1 5:24 - Katɔti Ɔku Kedee

²⁴ Na Katɔti ɔni nálɔ-mii ɔnii binwini nwuna bekyuli ni, ɔdububunku-mii utédu kawɔlɔkɔ. Ɔsika lɛla lɛni na ɔ́nya ɔ́su ka wabla ni, ani kani na ɔdubɔbla.

Tesalonikaƒuɔ 1 5:24 ပူးပေါင်းရင်းမြစ်များ

Baga 2 19:31

Ɔsika ukyuli ɔdi ɔdubɔlɛ ɔsi Yerusalem. Na bani ndubɔkɛ ngba lɛnɔ basi Sion Kɔbi. Ɔsika kalɛ na anumi égyie ɔsu ɔdubɔya na ɔmɛni ubo-nwu kemmo lɛni.

Kɔgya 100:5

Ɔsika Unwoti ɔdia, na ɔɔyɔ́-bu uwi ndi uwi. Ɔɔsia nwuna litemi kama ulu siin lɛlɔ úsela uwi ƒui.

Kɔgya 138:2

Ndububoku lɛlɔ kalɔ na liti mina anumi lɛtina ƒula kakpakɔ kedee na limwi-ɔ lɛnyi, ɔsika aayɔ́-bu uwi ndi uwi na asia ƒula litemi kama. Na édie átina ka ƒula lɛnyi ku ƒula ɔda bubo bɔ́kɔ katɔ ƒui butulo lɛla ndi lɛla.

Kɔgya 146:6

Anwu nédie kalɔ kammɔ ƒui ku ɛpu ku ala ani ƒui nkya-nya kemmo, na ɔɔdi nwuna litemi lɛlɔ uwi biala.

Kɔgya 36:5

Unwoti, ƒula bɔyɔ bɔni naaavumana kudii ku kalɛ na aadi ƒula litemi lɛlɔ ulu lɛlɔ úbomo geen aani kalɛ na bɔɔnu kalɛ na kayaa kébomo.

Kɔgya 40:10

Na kalɛ na aaƒɔ́-bu ngba lɛnɔ ni, nteti ntabɛla na mina kayi kemmo. Na kalɛ na ebo bɔyɔ na aadi ƒula etemila lɛlɔ na eebunku-bu ƒui lɛ́ya na báti ɔmɛni na ƒula kadi bekyuli kasalakɔ mmɔ.

Kɔgya 86:15

Nsu awɔ ni, Katɔti ɔni mɔɔnu kɔnyana na aayɔ́-bu geen na adi. Eléti kɔnyi buti buti mmomu aayɔ́-bu uwi ndi uwi na alalɛ ƒula litemi kama lɛnɔ.

Kɔgya 89:2

Ndububo kudu ka ƒula bɔyɔ bɔmmɔ ku kalɛ na aasia ƒula litemi kama use úsela uwi ƒui kalɛ kani na bɔɔnu ka kayaa kese na uuubo kawɔlɔkɔ.

Kɔgya 92:2

Na ɔdia ka buteebo-ɔ kudu ɔtanta biala, kalɛ na aayɔ́-bu uwi ndi uwi. Na usien ni, bɔkɔ lɛsa lɛnɔ kalɛ na asia ƒula litemi kama.

Yesaia 25:1

O Unwoti, awɔ ndi mina Katɔti, ndubumwi-ɔ na lɛkɔliku ƒula lɛnyi katɔ, ɔsika ádi ƒula etemila lɛlɔ na ábla ala ebendi geen ani ndi ulu ɔni na áta ése ɔ́si kukuuku.

Yesaia 37:32

Ɔsika ukyuli ɔdi ɔdubɔlɛ ɔsi Yerusalem. Na bani ndubɔkɛ ngba lɛnɔ basi Sion Kɔbi. Ɔsika kalɛ na anumi égyie ɔsu ɔdubɔya na ɔmɛni ubo-nwu kemmo lɛni.’

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Kɔnyana Buwulo 3:23

Unwoti ɔdi ukyuli ɔni lɛlɔ na basia anu ka ɔdubɔnu-bu kɔnyana ɔtanta biala.

Mika 7:20

Adubo ƒula litemi kama bɔsia siin na alálɛ bula Nana Yakob ku Abraham kama kudii aani kalɛ na ése bula bati kuuku kenye ése uwi ɔni návi kukuuku kemmo.

Bumomo Bɔka 23:19

Katɔti ɔɔɔdi ɔyawine na ɔnyi ɔkɔ, iye ɔyawine ubi ɔni na si ɔ́su lɛla lɛdi ulabla ulasia-ni lɛlɔ. Munuu si use kenye kadi uláya na webo-nwu kemmo?

Mateo 24:35

Katɔ ku kalɔ kadubɔvi, nsu mina etemila anya aaadubo bɔvi kudii.

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Yohane 3:33

Bani mɔɔƒɔ́-nwu taadi ni, beedie taatina nwaa ka ala ani na Katɔti ɔɔsu ni, anya ndi litemi geen.

Romaƒuɔ 8:30

Anwuɔsu bani na Katɔti úse-ma likpo ni, ama na ɔ́lɔ. Na bani na ɔ́lɔ ni, ɔ́bla-ma siin. Na bani na ɔ́bla siin mmɔ ni, ɔ́ɔkɔliku-ma lɛnyi katɔ.

Romaƒuɔ 9:24

Anwuɔsu na ɔ́ƒuna abu lɛnɔ, na ɔɔɔdi Yudaƒuɔ lɛti. Mmomu ku bani naaadi Yudaƒuɔ lɛnɔ.

Korintoƒuɔ 1 1:9

Katɔti ɔni nálɔ-mii ɔnii bɛbla unwi ku Ubidi Blɔti Yesu Kristo ni, ɔdi ukyuli ɔni lɛlɔ na bɛkada bikpo.

Korintoƒuɔ 1 10:13

Lɛla biala lɛni nékpoku-ɔ lɛ́nu ni, nina udu lɛɛkana na liibo ukyuli biala lɛlɔ. Nsu ni, Katɔti ɔɔdi nwuna linyese lɛlɔ. Na ɔdubute-ɔ ɔyikun ɔni na eti enye lɛla lɛni mekpoku-ɔ manu kenye, na liletulo ƒula ɔyikun kalɛ na enye kpakplaa ete-nwu. Uwi ɔni kemmo na lɛla lɛdi liikpóku-ɔ taanu ni, Katɔti ɔdubute-ɔ ɔyikun ɔni na eti enye ala ammɔ ƒui kenye, na ɔtina-a ulu ɔni lɛlɔ na asia na alɛ-nwu kemmo.

Galatiƒuɔ 1:15

Nsu na Katɔti kɔnyana bɔnu ɔsu ni, ɔ́ƒuna-mi úte nwuna kabla asa na badubɔwɔ-mi. Ka uwi údu-nwu ni, údie Ubidi ɔmmɔ ɔ́tina-mi kalɛ na lɛkana na lɛkɔ-nwu lɛlɔ lɛsa na amii bani naaadi Yudaƒuɔ akɔ. Na ńtatádiku ɔdi kasusu na ɔmɛni lɛlɔ,

Lɛkpa Ulu 7:9

Na bɛti nwaa ka bina Unwoti Katɔti kani ndi Katɔti ɔni nkya na ɔɔdi nwuna litemi lɛlɔ uwi ndi uwi na ulalɛ-ni kama. Na ɔɔdi nwuna bunyimi lɛlɔ na uudie nwuna bɔyɔ taatina bekyuli bani mɔɔyɔ́-nwu na baadi nwuna ɔda bubo lɛlɔ útédu kaba apim apim.

Tesalonikaƒuɔ 1 2:12

Bɔ́kya-mii ɔyikun ku ogya na bútaalɛ-mii bɔnii bilie ngba bɔni na kaƒɔ kayɔ Blɔti, ɔsika anwu ɔlati nálɔ-mii kalɛ na bɛkɛ bɔƒɔ na nwuna lɛga bɔdi ku bukeye kemmo.

Tesalonikaƒuɔ 2 2:14

Na ɔkɛnku bula litemi buni lɛmɛni bɔsu kemmo ni, Katɔti ɔ́lɔ-mii ɔnii bibo na bɛƒɔ lɛnyi aani kalɛ na Blɔti Yesu Kristo ubo lɛnyi.

Tesalonikaƒuɔ 2 3:3

Nsu Blɔti unye-mii kama, na ɔdubɔkya-mii ɔkplu na wanu-mii lɛlɔ kalɛ na ukisine ɔmmɔ uladi-mii lɛlɔ.

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Timoteo 2 2:13

Si ina bɔlɛ bula bɔƒɔtaadi kama muedi ni, anwu ulálɛ nwuna linyese kama. Ɔsika ulakana na walɛ anwu ɔlati lɛlɔ kama kudii.”

Tito 1:2

Ulu ɔmɛni ndanku ngba ƒui lɛnunsia lɛni bɔƒɔtaadi na bubo lɛlɔ. Na Katɔti ɔni naaanyi ɔkɔ ɔlati nése-bu kenye kamɛni úse asa na údie kayawi.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Petro 2 1:3

Blɔti Yesu Kristo ɔkɛ Katɔti ɔyikun lɛlɔ úte-bu lɛla biala na bɔɔwia kalɛ na bulie ngba sɛɛn aani baƒɔtaadine. Úte-bu ala amɛni, ɔsika bɔgyi-nwu geen ka anwu nálɔ-bu ɔnii bula ukyulidu ɔbla kedee na buteekeye aani nwuna kalɛ.

Budie Taatina 17:14

Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”