Tesalonikaƒuɔ 1 5:15 - Katɔti Ɔku Kedee

¹⁵ Bɛnu kaduɛ na ɔdi uteti likpidi utaƒɔ likpidi kayu. Mmomu uwi biala kemmo ni, bitaabla lɛbuni teete lɛlɔ ku bekyuli ƒui.

Tesalonikaƒuɔ 1 5:15 ပူးပေါင်းရင်းမြစ်များ

Ala Kalɔ Buse 45:24

Ɔmmɔ kama údie nwuna banwani bammɔ ulu na úbo-ma ɔda ɔnini, “Bitatádɔ na ulu lɛlɔ si bísela.”

Kɔgya 38:20

Beeti likpidi taaƒɔ-mi lɛbuni kayu na báta bénye-mi lɛlɔ ka mɔɔsia lɛbuni bɔbla kama ɔsu.

Kɔgya 7:4

Mina ɔkpana ɔmani na lídie líte iye mina ukisine ɔmani lɛlɔ na lɛ́ta línye na ulu ukpidi ɔdi lɛlɔ?

Agba 17:13

Si éti likpidi áƒɔ lɛbuni lɛni na ukyuli ɔdi ɔ́bla-a kayu ni, ɔgbankpi ulása-a kaduli kudii.

Agba 20:22

Tasu ukyuli ɔdi anini, “Ndubɔƒɔ-ɔ likpidi lɛni na ábla-mi kayu.” Ya na Unwoti ɔtɛ-ni ute-ɔ.

Agba 24:17

Lɛlɔ litayɔ-ɔ si ánu ka ƒula bekisine bébuli. Na ebiti atada-a na kayi kemmo si bétulo.

Agba 24:29

Na tasu anini, “Lɛ́kɛ kasiakɔ na lɛbla lɛla lɛni na bábla-mi dii lɛsia-ma!”

Agba 25:21

Si kɔka kɔɔda ƒula ukisine ni, te-nwu adila na ɔdi. Si utukwɛ mɔɔda-nwu ni, te-nwu ntu na ɔni.

Lewiƒuɔ Ɔda Bubo 19:18

“ ‘Tedie likpidi kasi iye ukyuli litemi litakya-a kayi kemmo ku kɔnyi. Mmomu yɔ ƒula ukyulikpana aani ƒula kalɛ.

Mateo 5:39

Nsu ɔƒɛni ni, ami mɔɔsu-mii nnini, bitedie bina bakpana ekpidi ani na bábla-mii kasi. Si ukyuli ɔdi ɔ́ƒiɛmi-ɔ kɔdianu ɔtugya ni, nwini kɔmii ɔdi lɛnɔ te-nwu.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Batalane Kabla 16:28

Nsu ka Paulo ɔ́nu ɔ́ti lɛla lɛni na ɔ́yɔ ka ɔbla lɛlɔ ɔsu ni, ɔ́kpali-nwu ɔ́su ɔnini, “Tabla! Bula ƒui bɔkya mɛni.”

Romaƒuɔ 12:9

Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Romaƒuɔ 14:19

Anwuɔsu bɛya na bɔkya ɔkplu biala na bɔbla lɛla lɛni muuboku bekyuli keyi buɛɛ na lɛɛyá na bekyuli baalɛ́ lili na kɔyu kemmo.

Korintoƒuɔ 1 14:1

Anwuɔsu ni, bɔyɔ na ɔdi ka bina ƒui bɛwia kpakplaa na bɛkɛ. Na biti bina anu ƒui bɛsia Kɔyu kemmo etela lɛlɔ. Na litela lɛni ntulo ƒui ndi ka bidie Katɔti litemi kenye.

Korintoƒuɔ 1 16:10

Si Timoteo úbeduo-mii kudɔ ni, na bɛƒɔ-nwu kaduɛ. Ɔsika ɔɔbla kabla teete Blɔti aani kalɛ kani na ami lɛnɔ mɔɔbla.

Korintoƒuɔ 1 6:7

Kasusu kani na bɛdanku asa na biiti lɛlɔ teesienku litemi katɛkɔ lɛti pɛ ɔɔtina ka bina bɔƒɔtaadi bɔ́sɔ ƒui. Aani ɔƒɔtaadine kalɛ ni, si ukyuli ɔdi ɔɔƒiɔ́-ɔ na ákya ɔkplu na átakya-nwu kenye ni, ɔdia utulo. Lɛni kani si ukyuli ɔdi úti-ɔ lɛla lɛdi ni, takpete ukyuli ɔmmɔ.

Galatiƒuɔ 6:10

Anwuɔsu uwi biala na kuƒi kɔtɛ-bu ni, bɛya na butaabla lɛbuni teete ukyuli biala. Ɔni ntulo ndi ka bɛbla bite banwa baƒɔtaadine.

Eƒesoƒuɔ 5:15

Anwuɔsu bɛnu lɛlɔ kemmo kaduɛ na bɛti kalɛ na biti bilie ngba. Bitelie aani bekyuli bani nátada anu. Mmomu bilie ngba aani bekyuli bani náda anu.

Eƒesoƒuɔ 5:33

Nsu ni, akɛnku amii lɛnɔ lɛlɔ. Anwu ndi ka ɔlɛka ɔgya biala ɔyɔ ulekudi aani nwuna lɛlɔ, na uleku biala lɛnɔ ɔbu ɔgyani.

Lɛkpa Ulu 16:20

Na bɛnu ka litemi lɛlɔ bɔdi ulu lɛlɔ bɔ́ƒɔ bina ƒui akɔ. Na si bɛbla lɛni ni, anwu ndubɔya na bilie kalɔ kani na bina Unwoti Katɔti úti uute-mii lɛlɔ.

Tesalonikaƒuɔ 1 2:12

Bɔ́kya-mii ɔyikun ku ogya na bútaalɛ-mii bɔnii bilie ngba bɔni na kaƒɔ kayɔ Blɔti, ɔsika anwu ɔlati nálɔ-mii kalɛ na bɛkɛ bɔƒɔ na nwuna lɛga bɔdi ku bukeye kemmo.

Tesalonikaƒuɔ 1 5:21

Mmomu bɛwia lɛla biala kalɔ binu na bɛsiaku lɛbuni kama.

Timoteo 1 6:11

Nsu ka adi ukyuli ɔni na éti lɛlɔ éte Katɔti ɔsu ni, die ala amɛni ƒui atu na eti ƒula anu asia lɛbuni bɔbla lɛlɔ. Sia Blɔti kama na bɔƒɔtaadi ku bɔyɔ kemmo. Kɛ kayi na ada bekyuli buɛɛ.

Timoteo 2 2:24

Na utalɛka ukyuli ɔni na ɔɔtɔnku Blɔti bekyuli utaadɔ. Mmomu ɔdi ka utaabla lɛƒɔndia teete ukyuli biala, na ɔkana ala butaatina, na ɔbla ukyuli ɔni na use buɛɛ.

Tito 3:2

Na asu-ma anii batalɔ ukyuli ɔdi lɛnyikpi. Mmomu badi kɔnwa na belie ku keyi buɛɛ. Na bataabu bekyuli na ulu biala lɛlɔ.

Hebriƒuɔ 12:14

Bɛsia ulu biala lɛlɔ na keyi buɛɛ kakya amii ku bekyuli ƒui ntɛ na bɛbla kedee. Ɔsika ɔdi biala ulakana na wanu Katɔti si uuuse kedee.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 1 2:17

Bɛbu bekyuli ƒui. Bɛyɔ bina banwani. Na bɛyia Katɔti. Na bɛbu Ɔga Unengudi lɛnɔ.

Petro 1 3:9

Biteti likpidi bitaƒɔ bani mɔɔbla-mii ekpidi kayu, iye bidumi bani muudumi-mii. Na mmomu bivele Katɔti na ute-ma keyi buɛɛ. Ɔsika ɔmɛni na Katɔti ɔɔwia ka bɛbla. Na ɔ́su bula ƒui úse ka ɔmɛni ɔsu na ɔdubute-bu keyi buɛɛ.

Yohane 3 1:11

Mina ɔkpana ɔyɔne, tasiaku likpidi bɔbla kama. Mmomu siaku lɛbuni bɔbla kama. Na ukyuli biala ɔni mɔɔbla lɛbuni ni, ɔdi Katɔti ɔdi. Nsu ukyuli ɔni mɔɔbla ala ekpidi ni, ɔɔɔgyi Katɔti.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”

Budie Taatina 22:9

Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa kenye bediene babambadi ku bakladi bani mɔɔda etemila ani nkya ɔku ɔmɛni kemmo ƒui kaduɛ. Katɔti kani na ɔlɛka emwi lɛni!”

Samuel 1 24:13

Lɛni na benengu bébo lɛgba banini, ‘Alaekpidi bablane alati ndanku bana likpidi bakɛ,’ anwuɔsu mina kɔnu kɔɔɔdubo-ɔ butuku.