Tesalonikaƒuɔ 1 5:14 - Katɔti Ɔku Kedee

¹⁴ Lɛnɔ ni, banwa, bɔɔwia kpakplaa ka bɛkɛ litemi bɛsu bakɔsɔne. Na bɛkya bani na liƒu lɛɛda ɔkplu. Na bibunku bani mɔɔwia kebunku. Na bɛkɛ kayi buɛɛ bite ukyuli biala.

Tesalonikaƒuɔ 1 5:14 ပူးပေါင်းရင်းမြစ်များ

Yesaia 40:11

Ɔɔtɔnku nwuna badi aani baƒonu ɔdane buni, na ɔɔgyu baƒonubi bammɔ taada enu. Na ɔɔda-ma taamana nwuna kayi. Na bani nda bebi ni, ɔɔkpanku-ma buɛɛ.

Yesaia 63:9

Na si ɔ́nu ka béduo lɛbibo lɛdi kemmo ni, uukpóku Unwoti geen na ɔɔyá na nwuna katɔ ɔtu uusié taatáƒɔ teete-ma. Unwoti ɔ́nu kɔnyana geen anwuɔsu na údie nwuna bekyuli ɔ́lɛku bana bubie kemmo. Ɔ́nu-ma lɛlɔ akwa ammɔ kemmo ƒui na use aani bɔgyu na ɔ́gyu-ma ɔda nwuna enu kemmo.

Yeremia 6:12

Ndubo Yudaƒuɔ kɔtu bɔni na liti bana kɔduli ku mmo lite bekyuli bamba ku bana beleku ƒui. Ami Unwoti násu.

Esekiel 34:16

Na ndubɔsia bani náyii ku bani négyingya bakya lɛnɔ kama na linyimi bani náƒɔ lɛlɔ alɛbi na bani lɛgyumana bani nse kpɛtɛ kpɛtɛ. Na bani nélie lɛmwi na bebo ɔlɔkplu ni, ndubɔdu ama, ɔsika lɛla lɛni ndi lɛbuni na mɔɔbla uwi biala.’ ”

Mateo 12:20

Ɔdubɔda bani neeebo lɛlɔkplu buɛɛ, na ulakwanyiku bani na enu áƒɛ-ma. Mmomu ɔdubunye kpakplaa utédu ka litemi bɔtɛ siin wadi lɛlɔ geen.

Luka 22:32

Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Batalane Kabla 20:27

Sɔsɔ ni, ńteti Katɔti lɛga kadikɔ ulu lɛla lɛdi ńtabla-mii.

Batalane Kabla 20:31

Binye kagyumana na bɛkali bɛnu kalɛ na líti keku buwulo lɛ́lɛ-mii na lɛ́tina-mii ala usien ku ɔƒɛ na akwa atɛ ani na lɛ́kya-mii kudɔ kemmo.

Batalane Kabla 20:35

Lɛ́bla ala amɛni ƒui líti lɛ́tina-mii kalɛ na buteebunku bawabane, na binyimo litemi lɛni na Blɔti Yesu ɔ́su ɔnini, ‘Bute bɔdia butulo bɔƒɔ.’ ”

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Romaƒuɔ 14:1

Bigyingya enu na bɛƒɔ bina bakpana bani bɔƒɔtaadi nátayu tɔ ɔkplu. Bitakyaku-ma unyeƒi na ala ani lɛlɔ na amii ku-ma kasusu kátabla kenwi lɛlɔ.

Korintoƒuɔ 1 4:14

Ɔɔɔdi kɔƒa na nnii mɔɔkya-mii ɔsu na muunweni-mii ɔku ɔmɛni udu. Mmomu mɔɔlɛ-mii aani mina bebi bayɔne kalɛ.

Korintoƒuɔ 1 8:7

Ɔɔɔdi ukyuli biala ngyi litemi geen lɛmɛni. Ala ani na bekyuli bábla bése baakpá ni, ése áƒɔ badi lɛlɔ kemmo ɔni na úbedu ɔmwi kadi si bádi adila amɛni udu ni, baabu banii baƒiɔ adila na adi. Na bana kasusu kpɛtɛ kpɛtɛ kaadú-ma kɔtɔ ka adila ammɔ aayá beesé lɛlɔ.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Eƒesoƒuɔ 4:2

Biteeboku lɛlɔ kalɔ uwi biala kemmo na bɛda lɛlɔ buɛɛ na bɛyala lɛkɔ na biteebunku lɛlɔ biti bɛtina ka bɛɛyɔ́ lɛlɔ sɔsɔ.

Eƒesoƒuɔ 4:32

Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Koloseƒuɔ 1:28

Na ɔmɛni ɔsu na bɔɔsu Kristo lɛlɔ litemi lɛmmɔ teete ukyuli biala. Na bɔɔlɛ-ma na bɔɔtina-ma ala na lɛnunda ƒui kemmo kalɛ na ɔdi biala ɔda ɔlɛ Katɔti anumi na use siin ɔkɛnku lɛla lɛni na Kristo ɔ́bla úte ɔdi biala kenye.

Tesalonikaƒuɔ 2 3:15

Nsu bitekisi ukyuli ɔmmɔ. Mmomu bɛlɛ-nwu aani bina ɔnwani kalɛ.

Timoteo 1 3:3

Útalɛka utaani ntɛ teekpi, na ulekpo udi. Mmomu ɔlɛka ɔbla ukyuli ɔni nse buɛɛ, na ulayɔ kadɔ, na uuubo sika lɛnungyie lɛnɔ.

Timoteo 1 6:11

Nsu ka adi ukyuli ɔni na éti lɛlɔ éte Katɔti ɔsu ni, die ala amɛni ƒui atu na eti ƒula anu asia lɛbuni bɔbla lɛlɔ. Sia Blɔti kama na bɔƒɔtaadi ku bɔyɔ kemmo. Kɛ kayi na ada bekyuli buɛɛ.

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.

Tito 1:10

Ɔsika bekyuli pii bakya baatɔ́lɔ bekyuli na baata teenye litemi lɛmmɔ lɛlɔ ku bana kɔdɔlɔ ala. Na bani mɔɔbla ala ammɔ ketulodikɔ badi Yudaƒuɔ.

Tito 1:6

Ɔƒɔtaadine unengu ni, útalɛka litemi lɛdi lɛda-nwu. Na ɔdi ukyuli ɔni na úti uleku unwi. Na nwuna bebi lɛnɔ badi bebi bani nda bɔƒɔtaadi kaduɛ, na beeebo atuɔkplu, na baabu bana bawɔne.

Hebriƒuɔ 12:12

Ɔmɛni ɔsu ni, bina akɔnkɔ ku enu ani mɔɔtɔ́-mii ni, bɛya na ɔyikun ɔwɔdi uduo-ni kemmo.

Hebriƒuɔ 13:3

Na binyimo bani lɛnɔ ntɛ aban ɔtɔ aani si amii lɛnɔ na bákya ɔtɔ ku-ma ku bekyuli bani na baabla-ma kalala aani si amii muubó abi.