Tesalonikaƒuɔ 1 4:8 - Katɔti Ɔku Kedee

⁸ Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Tesalonikaƒuɔ 1 4:8 ပူးပေါင်းရင်းမြစ်များ

Nehemia 9:30

Na ákɛku-ma kayi akwa pii. Na átala ƒula kɔyu ákya ƒula kenye bediene ka basu-ma ɔkplu bɔkya etemila. Nsu ɔmɛni kama ƒui ni, bétenu ƒula litemi. Anwuɔsu ányonu-ma éte bana liku bekyuli.

Israelƒuɔ Bɔlɛ 16:8

Amu na Mose ɔ́sɔ ɔ́su-ma ɔnini, “Bɛdubɔti ka anwu ndi Unwoti si uwi ɔni na úte-mii lɛna na bɛ́kun useyi, na úte-mii bodobodo ɔni ƒui na bɛɛwia na bɛ́di ɔtanta, ɔsika únu kalɛ na bíti kɔnyi kemmo bɛɛsu etemila teewi-nwu. Bi na abu bɔdi? Ɔɔɔdi abu na bɛɛdɔnku, mmomu Unwoti.”

Agba 1:7

Unwoti bɔyia ndi ukyuli lɛlati kalɔ kesekɔ. Nsu badɔlɔdi beení lɛnunda etemila ku kalɛ na badi lɛlɔ lɛlɔ kaduɛ.

Agba 23:9

Tebile ƒula uwi na badɔlɔdi lɛlɔ anii aalɛ-ma, ɔsika lɛnunda litemi lɛdi biala lɛɛɛdubo-ma anu bɔƒɔ.

Yesaia 49:7

Ɔmmɔ kama ni, Unwoti ɔni ndi Israel Katɔti Kedee ɔni lɛnɔ ndi bana ngba ɔƒɔne ɔ́su nwuna kabla ɔblane ɔni na bekyuli béni na beekisi-nwu kpakplaa ɔsu na únwini ɔɔbla-ma kabla ɔnini, “Baga badubɔnu-ɔ na bata benye na bagabi badubɔnu-ɔ na bakya-a lili kalɔ, ɔsika ami Israel Unwoti Kede ɔni náƒuna-a mɔɔdi mina litemi lɛlɔ.

Yesaia 53:10

Nsu Unwoti ɔlati nése ɔmɛni úse lɛni ɔnii nwuna kabla ɔblane ubo abi amɛni udu na badu-nwu, na ɔƒɔ kayu na bekyuli ƒui lili na bana ekpidi ɔsu. Na ina ka úbo lɛni muedi ni, ɔdubulie na ɔnu nwuna bawɔ bawɔ. Na ɔkɛnku nwuna lɛlɔ ni, lɛla lɛni na Unwoti ɔ́lɛ ugyii úse lɛdububo-nwu kemmo.

Luka 10:16

Amu na Yesu ɔ́su nwuna batɛyane ɔnini, “Ukyuli biala ɔni muunú bina litemi ni, ɔɔtina ka uunú ami lɛnɔ litemi. Na ukyuli biala ɔni muuní-mii ni, ɔɔtina ka uuní ami lɛnɔ. Na ukyuli biala ɔni muuní-mi ni, ɔɔtina ka uuní Katɔti ɔni nátala-mi lɛnɔ.”

Yohane 12:48

Ukyuli biala ɔni muuní-mi ni, na ulaƒɔ mina litemi taadi ni, lɛla lɛni madu-nwu kɔtɔ linye lɛgya-nwu. Na etemila ani na lɛ́su anya ndubo-nwu kɔtɔ bɔdu na limeyi likplodi lɛmmɔ lɛlɔ.

Batalane Kabla 13:41

Ɔsika Katɔti ɔ́su ɔnini, “ ‘Amii bani naaabu mina litemi ni, bɛnu kaduɛ! Ɔsika ndubo lɛla lɛdi bɔbla na bina uwi lɛni na si ina bínu ka baasu-ni muedi ni, biláƒɔ biladi.’ ”

Romaƒuɔ 5:5

Na lɛnunsia lɛmɛni liláya bula anumi ewi kalɔ. Ɔsika Katɔti ɔkɛnku nwuna Kɔyu kɔni na úte-bu lɛlɔ na ɔ́ya na nwuna bɔyɔ bɔ́ƒɔ-bu lɛlɔ kemmo ƒui.

Korintoƒuɔ 1 2:10

Nsu abu ɔsu na Katɔti údie nwuna abɛla amɛni keyi ɔkɛnku nwuna Kɔyu lɛlɔ. Katɔti Kɔyu kɔɔwia lɛla biala kemmo ɔti, na ɔgyi Katɔti abɛla muedi.

Korintoƒuɔ 1 7:40

Na si ɔ́kana na ɔ́sɔ útelie kɔgya ni, ɔdubɔkɛ ebiti utulo. Ɔmɛni na mina kasusu kaatina-mi, na lɛ́ƒɔ lɛ́di ka ɔdi Katɔti Kɔyu lɛƒɔyɔ lɛnɔ.

Korintoƒuɔ 2 1:22

Anwu nése-bu likpo úti ɔ́tina ka anwu mbo-bu uwi ɔni na úti nwuna Kɔyu ɔ́kya-bu lɛlɔ kemmo. Na kuna lɛlɔ na búti bula kama búkpo na ala ani ƒui na ɔ́klibi úse úte-bu lɛlɔ.

Galatiƒuɔ 4:6

Ka bɔdi Katɔti bebi ɔsu ni, ɔ́tala Ubi ɔmmɔ Kɔyu ɔ́kya bula kayi kemmo. Na Kɔyu kɔmmɔ mɔɔkpali katɔ taalɔ ɔnini, “Abba” ɔni kalɔ ndi mina Ati.

Petro 1 1:12

Katɔti údie ɔ́tina kenye bediene bammɔ ka etemila ani na baasu mɛni aaadi bana uwi lɛlɔ litemi, mmomu ɔdi bina ɔdi. Na ala ani na básu mmɔ ni, abu ndi nwuna batalane na bɔdanku litemi buni lɛmmɔ bɔɔkɔ́ lɛsa teete-mii nwaa. Na bɔɔsu ala amɛni ɔkɛnku Katɔti Kɔyu kɔni na ɔ́tala ɔ́kya-bu ɔyikun kemmo. Na anumi eegyie ayu muedi ka nka beduo ala amɛni kemmo bati.

Petro 2 1:21

Ɔsika kenye bediene bátasia lɛla lɛni na ukyuli ɔɔyɔ́ kenye bátasu lɛla lɛdi bétese. Mmomu Katɔti Kɔyu náƒɔ-ma lɛlɔ kemmo ƒui na kɔ́ya na básu kenye kani nási Katɔti ɔlati kudɔ bése.

Yohane 1 3:24

Bekyuli bani mɔɔdi Katɔti ɔda bubo lɛlɔ ni, beliku Katɔti. Na Katɔti lɛnɔ uliku-ma. Na Kɔyu kɔni na Katɔti úti úte-bu ɔsu ni, bɔgyi ka Katɔti uliku-bu.

Yuda 1:8

Lɛni kani na ala ani na bekyuli bekpidi bani na bébeduo-mii akɔ baanu na ana ani na baatɛ teegye kemmo ni, áya na baabla alaekpidi ani mɔɔyá bana ɔlɔna uusé lɛlɔ. Báta bénye Katɔti lɛlɔ na baatɛmi enyekpi na bagadine lɛlɔ.

Samuel 1 10:19

Na muuye-mii nnii, ɔɔɔdi ami ndi bina Katɔti. Na muudie-mii na ala ani muukpóku-mii ku bina lɛbibo kemmo? Nsu bíni-mi na bɛɛwia ka ukyuli ɔdi-mii lɛga. Amii alati náƒuna lɛla lɛni na bɛɛyɔ́. Na ami lɛnɔ ndubuse ɔga lite-mii. Ɔmmɔ ɔsu bɛsala lɛlɔ ƒui bibenye-mi anumi na bina atɔƒi kenye.”

Samuel 1 8:7

Amu na Unwoti údie kenye ɔnini, “Awɔ, nu lɛla lɛni na baasu-ɔ. Ɔsika ɔɔɔdi awɔ na béni. Mmomu ami na béni ka balayɔ ka lɛdi-ma ɔga.