Tesalonikaƒuɔ 1 4:7 - Katɔti Ɔku Kedee

⁷ Katɔti ɔ́lɔ-bu ka bɔbla bekyuli kedee. Anwuɔsu bɛya bɔda lɛlɔ budie kɔbɔ ala bɔbla kemmo.

Tesalonikaƒuɔ 1 4:7 ပူးပေါင်းရင်းမြစ်များ

Lewiƒuɔ Ɔda Bubo 11:44

Ami ndi bina Unwoti Katɔti. Bidie lɛlɔ bise sɛsɛɛ na bɛbla lɛlɔ kedee ɔsika nse Kedee. Na bitabla na bina lɛlɔ liteese lɛlɔ ɔkɛnku kubweyi kɔni mɔɔkpɛ́ kalɔ mɛni ɔsu.

Lewiƒuɔ Ɔda Bubo 19:2

“Su Israel kadi bekyuli ƒui anini, ‘Bɛbla lɛlɔ kedee, ɔsika ami Unwoti bina Katɔti nse kedee.

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Korintoƒuɔ 1 1:2

Búnweni ɔku ɔmɛni buute Korintoƒuɔ baƒɔtaadine bani na ɔkɛnku Yesu Kristo lɛlɔ na Katɔti údie úse na ɔ́lɔ-ma ɔnii babla nwuna bekyuli kedee. Lɛni na ɔ́bla bekyuli bani ƒui lɛnɔ mɔɔkpali Blɔti Yesu Kristo. Anwu ndi Blɔti ute abu ku-ma ƒui.

Galatiƒuɔ 5:19

Na ala ani na ɔlɔna ɔɔbla ni, aalɛ́ keyi nwaa na anya ndi lɛyalɛ ku kɔbɔ ala bɔbla ku adɔlɔla bɔbla

Eƒesoƒuɔ 1:4

Ɔsika ɔkɛnku Kristo ɔmmɔ lɛlɔ na Katɔti ɔ́ƒuna-bu úse asa na údie kayawi kalɛ na bɔlɛ sɛɛn na nwuna anumi na bɔƒiɔ bɔdi bulakya-bu lɛlɔ.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Eƒesoƒuɔ 4:19

Na ka baaagyi kɔƒa ɔsu ni, ɔlɔna ɔkwɛ adala kama kani na basia. Na baabla ala ani ƒui udu muusé lɛlɔ, na ala ammɔ áƒɔ-ma lɛlɔ kemmo ƒui.

Tesalonikaƒuɔ 1 2:3

Na bula bɔlɛ bɔni na bɔɔlɛ-mii ni, bútasi katɔlɔ iye kasusu kekpidi kemmo.

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Hebriƒuɔ 12:14

Bɛsia ulu biala lɛlɔ na keyi buɛɛ kakya amii ku bekyuli ƒui ntɛ na bɛbla kedee. Ɔsika ɔdi biala ulakana na wanu Katɔti si uuuse kedee.

Petro 2 2:10

Na bani geen na ɔdubɔni kɔtu utulo ndi bani na ɔlɔna ala aada-ma ɔkwɛ na balábu Katɔti munu munu. Bekyuli bamɛni ni, beesé kayi kekpidi muedi teedumi kayaa bayikune.