Tesalonikaƒuɔ 1 4:6 - Katɔti Ɔku Kedee

⁶ Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.

Tesalonikaƒuɔ 1 4:6 ပူးပေါင်းရင်းမြစ်များ

Kɔgya 140:12

Unwoti, ngyi nwaa ka eekpó teete bawabane na ɔgbankpi kemmo. Na aanu bani mɔɔyaki ala lɛlɔ.

Kɔgya 94:1

O Unwoti Katɔti, awɔ ani muudie alaekpidi bablane kasi, ta na ani-ma kɔtu.

Israelƒuɔ Bɔlɛ 20:15

Teyu.

Israelƒuɔ Bɔlɛ 20:17

Taya na anumi egyie-ɔ na ƒula ukyulikpana kaduli lɛlɔ. Na taya na anumi egyie-ɔ na ƒula ukyulikpana ulekudi, iye nwuna kabla ɔblane ɔnanabi iye ulekubi, iye nwuna ɔmantɛ bakɔ iye nwuna bebuo ala betine iye nwuna lɛla biala na ubo lɛlɔ.”

Agba 11:1

Unwoti ukisi uyedine mɔɔnya ukyuli akya. Nsu lɛlɔ lɛɛyɔ́-nwu si ɔɔkɔ́ku ala teete-ma.

Agba 16:11

Unwoti ɔɔwia ka bɔbla lɛla biala siin na liyedi kemmo, na ɔ́tina ulu ɔni lɛlɔ na ɔlɛka bɔsia lɛnɔ úse.

Agba 20:14

Ukyuli ɔni mɔɔwia lɛla lɛdi uye ni, ɔɔní kuye kɔmmɔ kpakplaa, na ɔɔsu ɔnini, “Lɛla lɛmmɔ kuye kútedu mmɔ.” Na anwu mɔɔtina kalɛ na basɔku kuye badi. Na uunwini taakun lɛmɛnɛ ɔɔtina lɛlɔ.

Agba 20:23

Ukyuli ɔni na ulakɔku lɛla liyedi ulu lɛlɔ ni, Unwoti ulayɔ-nwu litemi. Na lɛkɔkula lɛni beeti taanya ukyuli taakya ni, liiƒí Unwoti livo.

Agba 28:24

Bawɔne buyu na asu anini, “Ɔmmɔ útebile lɛla lɛdi” ni, use aani ukyuli bɔdu.

Etemila 5:8

Si ánu ka baanya bekyuli bani na bese kpɛtɛ taakya na ƒula kalɔ lɛlɔ, na ala tabla ulu lɛlɔ búti ala bɔbla siin kenye ni, utabla-a dɛye dɛye, ɔsika bekyuli bani nkya lɛlɔ badine kalɔ ni, ɔlɛka benu bana batɔnkune litemi.

Yesaia 5:7

Unwoti Ɔyikune Ƒui adingyii kemo ndi nwuna bekyuli Israelƒuɔ, na Yudaƒuɔ badi nwuna kevomadɔ kemo kani mɔɔyɔ́-nwu kaƒɔ. Ɔsia anu ka batɛ bekyuli etemila ulu lɛlɔ siin Nsu ubugya kani na beewi kalɔ. Na ɔɔwia ka bekyuli babla ala siin. Nsu bekyuli keku kani na uunú ka ala étulo-ma na baanya-ma taakya ɔsu.

Yeremia 7:6

Bɛda kasiakɔ bɔkɛ na baƒɔ ku bekpinebi ku bekpinele lɛlɔ bɛya. Na bɛda bekyuli bani na bátabla-mii lɛla lɛdi bɔdu bɛya. Na bɛda baƒiɔ bɔkpa bɛya.

Yeremia 9:4

“Yeremia, ɔkɔ etemila kani na ƒula bakpana ku lɛlɔ bekyuli ƒui baasu taasiku-ɔ lɛlɔ. Anwuɔsu teti ƒula anu tasia-ma lɛlɔ.

Esekiel 22:13

“ ‘Ndubo mina ɔvu ɔni na líkene buƒwimi bɔkya kayaa bɔtina kalɛ na líti kɔnyi lɛ́kya bina kalala ala ani na bɛɛbla ɔsu.

Lewiƒuɔ Ɔda Bubo 19:11

“ ‘Ɔdi uteyu. “ ‘Na ɔdi utanyi ɔkɔ. “ ‘Na bitataanyi ɔkɔ taatɔlɔ lɛlɔ.

Lewiƒuɔ Ɔda Bubo 19:13

“ ‘Ɔdi utanya nwuna ɔkpana utakya iye uyu-nwu na ulu ɔdi lɛlɔ. “ ‘Teni ƒula kabla ɔblane nwuna kayu bɔƒɔ na kadi kegye kasia egulabi ammɔ lɛlɔ.

Lewiƒuɔ Ɔda Bubo 25:14

“ ‘Si ɔdi úti nwuna kalɔ úye iye úye kalɔ kadi ɔ́siku ɔkpanadi kudɔ ni, bitanya lɛlɔ bitakya bɛnii bɛɛsia ɔkpanadi lɛlɔ bɛkɛ kɔsia.

Lewiƒuɔ Ɔda Bubo 25:17

Na ɔdi utanya ɔkpanadi utamana ka ɔkɛ ɔkpanadi lɛlɔ kɔsia kɔni nátamanku. Mmomu biti ɔbu ku bɔyia geen bite Katɔti. Ami ndi bina Unwoti Katɔti.

Mika 2:2

Biiƒie mmo ku lɛtɔ lɛni na bɛɛwia taaƒɔ. Bɛɛnya bekyuli taakya na bɛɛƒɔ́ bana kɔduli ku kalɔ.

Seƒania 3:1

Bɔbuɛ ute Yerusalem ɔsika ɔda bubo lɛlɔ tadi ɔ́ya na likyulikpi lɛ́ƒɔ ɔma ɔmmɔ, na ala ébie na uusé lɛlɔ.

Seƒania 3:5

Alaekpidi bablane bammɔ basɔ baaagyi kɔƒa, nsu Unwoti ɔɔbla ala siin uwi biala. Na ɔɔnu ka kadi biala negye ni, ɔɔtɛ litemi ulu lɛlɔ siin.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Marko 10:19

Agyi Katɔti ɔda bubo bɔmmɔ ƒui. Tadu ukyuli, tadi kɔsɔnɔ, teyu, tada ukyuli ɔdi kenye, tatɔlɔ ukyuli na aƒɔ-nwu ala, bu ƒ'ɔti ku ƒ'ini.”

Luka 12:5

Ukyuli ɔni na ɔlɛka bɛyia ni, ndubo-mii bɔtina. Bɛyia Katɔti ɔni na si ɔ́du-ɔ ɔ́wɔlɔ ni, na ɔsɔ ubo ɔyikun na uti-ɔ ubo ɔkya lɛgyavonku lɛni mɔɔda uwi ƒui kemmo. Bɛƒɔ-mi bɛdi ka ni, anwu ndi ukyuli ɔni na ɔlɛka bɛyia.

Luka 16:28

Mmɔ ni, mbo banwani bananabi ɛlɔ. Ya na utébo-ma ɔda kaduɛ kalɛ na ama belebo likpo lɛni na lɛbibo lɛkya mɛni.’

Romaƒuɔ 1:18

Katɔti uudie nwuna kɔnyi keyi taasiku katɔ na ala ani mɔɔta teenye-nwu lɛlɔ ku likyulikpi ala bɔbla bɔni muutile bekyuli kuƒi ka bati Katɔti litemi geen lɛmmɔ.

Romaƒuɔ 12:19

Banwa, bitedie ukyuli likpidi kasi kudii, mmomu bite Katɔti kuƒi na ɔbla nwuna kɔnyi kabla na ukyuli ɔmmɔ lɛlɔ. Ɔsika ni, Katɔti ɔ́su na Bunweni Kedee Ɔku kemmo ɔnini, “Ami Unwoti muudie kasi, na ami ndubɔƒɔ kayu.”

Romaƒuɔ 13:4

Ɔsika Katɔti kabla ɔblane na ɔdi, na ɔɔbla kabla kalɛ na ɔdianku-ɔ. Nsu si bɛɛbla likpidi ni, na ɔdi ka bɛyia-nwu. Ɔsika ɔɔɔdi keeke ɔsu na béte-nwu ɔyikun! Katɔti kabla ɔblane na ɔdi. Na ɔdi ukyuli ɔni mɔɔnu ka bábla lɛla biala ulu lɛlɔ na ɔni likpidi ɔblane biala kɔtu.

Korintoƒuɔ 2 7:11

Bɛnu kalɛ binye kpakplaa ka ala ammɔ éduo-mii na Katɔti ala lɛlɔ ɔsu. Bɛɛwia kpakplaa ka bidie lɛlɔ na likpidi kemmo na bilie sɛɛn. Ɔsika ala ammɔ eeƒí-mii livo na ana bɔbla bɔɔda-mii liƒu. Nu kalɛ na bígyingya enu ka bɛƒɔ-mi, na binye-mi kama kpakplaa. Na anumi égyie-mii ka bɛni likpidi ɔblane ɔmmɔ kɔtu. Na bidie lɛlɔ bɛtina na ulu biala lɛlɔ ka bɛɛɛkɛnku ɔbladu ukpidi ɔmmɔ.

Galatiƒuɔ 5:21

ku lɛnungyie ku ntɛ bukpi ku adikpi emeyi bɔdi ku ana udu. Na muubó-mii ɔda na ana lɛlɔ aani kalɛ na lɛ́ɛsu-mii ḿbavi ka bekyuli bani mɔɔbla ala ammɔ udu ni, baladi Katɔ Ɔga Ɔma ala!

Eƒesoƒuɔ 4:17

Anwuɔsu mɔɔlɛ-mii na Blɔti lɛnyi kemmo nnii bɛsɔ bitelie ngba aani bekyuli bani naaagyi Katɔti na beeti kasusu kekpludi,

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Eƒesoƒuɔ 5:6

Bitaya na ukyuli ɔdi uti etemila ekpludi adi ɔtɔlɔ-mii. Ɔsika ala ammɔ udu lɛlɔ ɔsu na Katɔti kɔnyi kuubo bekyuli bani mbo atuɔkplu mmɔ lɛlɔ.

Lɛkpa Ulu 24:7

Na si ɔdi úƒie nwuna Israelni ɔkpana na úti ukyuli uƒiedi ɔmmɔ únwini ukyuli ɔni mɔɔbla kabla teete-nwu iye úti-nwu uuyé ni, ɔlɛka bebo ukyuli ɔni néƒie ɔkpanadi uuyé mmɔ badu. Na ulu ɔmɛni lɛlɔ na bɛdubo likpidi lɛmmɔ udu bɔda budie bina akɔ.

Lɛkpa Ulu 32:35

Na uwi uletu badubɔnu lɛla lɛni na ɔlɛka banu. Na uwi ɔdubo ɔni na bana ƒui badubo bubuli. Na bana kɔtu bɔni uwi úude.

Tesalonikaƒuɔ 1 2:11

Bɛgyi lɛnɔ ka bɔ́da bina ɔdi biala aani kalɛ na ubi ɔti ɔɔda nwuna bebi.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Hebriƒuɔ 13:4

Ɔgya ku ule ngba bulie ni, ɔdi ka bite-mu ɔbu geen. Na ɔdi utalɛ ɔkpanadi kama. Ɔsika Katɔti ɔdubɔtɛku ukyuli ɔni mɔɔdi kɔsɔnɔ litemi ku bani na lɛyalɛ ala áƒɔ-ma lɛlɔ kemmo.

Hebriƒuɔ 2:6

Nsu likpo lɛdi lɛkya na Bunweni Kedee Ɔku kemmo na básu Katɔti banii, “Bi na ukyuli ɔdi, ɔsu na aasia-nwu anu lɛni? Na bi na Ukyuli Ɔyawine Ubi ɔdi, ɔsu na aanu-nwu lɛlɔ lɛni?

Yakobo 2:6

Nsu bilábu bawabane. Na balakɛne bamɛni mɔɔdi-mii lɛlɔ. Na beeti-mii teesienku litemi katɛkɔ.

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.