Tesalonikaƒuɔ 1 4:17 - Katɔti Ɔku Kedee

¹⁷ Ɔmɛni kama ni, Katɔti ɔdubutiku abu bani nébu buli ngba na uti-bu utásalaku bekyuli bani náta na butásiaku Blɔti na kayaa. Na bɔdubulieku Blɔti uwi ƒui.

Tesalonikaƒuɔ 1 4:17 ပူးပေါင်းရင်းမြစ်များ

Baga 1 18:12

Nsu lɛɛɛgyi kesii kani na Unwoti Kɔyu kɔdubuti-ɔ kusienku si lɛ́tɔlɔ-ɔ kudɔ mɛni. Na si lísie ńtásu Ahab na úbo na útanu-ɔ ni, ɔdubo-mi bɔdu. Nsu ami ƒula kabla ɔblane líse kalɔ mɔɔkpá Unwoti mina lɛkloƒu uwi.

Baga 2 2:11

Na uwi ɔni na bátɛmi bésela ni, kɔnakunwi kani na ɔpɔnkɔ kɛɛkɛ ɔni na ɔɔda ku ogya ku bapɔnkɔ bani mɔɔda ku ogya báda bálɛ na béle Elia ku Elisa ntɛ. Na Elia ɔ́kɔ úduo bapɔnkɔ kɛɛkɛ ɔmmɔ kemmo na béti-nwu bésienku katɔ.

Baga 2 2:16

Mmɔ na básu-nwu banini, “Nu! Bubo nkyuli liti nkya mɛni na bubo ɔlɔkplu. Anwuɔsu ya na buteesie na butáwia Elia. Ngyi ka Unwoti kɔyu kúti-nwu kɔ́tɔlɔku na kútáda-nwu kɔ́kya kɔbi kɔdi lili iye kɔwɛ kɔdi kemmo.” Amu na Elisa údie kenye ɔnini, “Oowo! Ukyuli biala utesie!”

Kɔgya 16:11

Átina-mi ƒula ngba ulu, na ƒula kudɔ bɔkya bɔ́ya na mɔɔkɛ́ ebiti geen ku lɛlɔyɔ úsela uwi ƒui.

Kɔgya 17:15

Nsu ami ndubɔnu-ɔ anumi, ɔsika ntabla lɛla likpidi lɛdi. Na si lɛ́ta mina kalɛɛkɔ ni, ndubɔnu kalɛ na ese na lɛlɔ lɛyɔ-mi.

Kɔgya 49:15

Nsu Katɔti ɔdubudie ami na kaƒiɔtɔ kemmo na ɔƒɔ-mi utése lɛlɔ.

Kɔgya 73:24

Awɔ mɔɔtɔnku-mi ɔkɛnku kasusu kani na aakya-mi kemmo. Na kawɔlɔkɔ ni, adubɔƒɔ-mi na liduo ƒula bukeye kemmo.

Yesaia 35:10

Na bani na Unwoti ɔ́ƒɔ mmɔ kani ndubɔsia mmɔ na beteedie lɛnu na betéduo Yerusalem. Na lɛlɔyɔ ebiti ndubɔbla bana kagabwa kani na badububi lili. Na badubɔdi limeyi na bakɛ lɛlɔyɔ, ɔsika ala ani muukpóku-ma ku ɔlɛ bunu biala kenye kadubukulo.

Daniel 7:13

Ntɛ mɔɔnu ala ani ƒui mɔɔlɛ́ usien ɔmmɔ, na lɛ́nu ukyuli ɔdi ɔni nse aani ɔyawine ubi na ɔ́si ɔdubo na ulɔyɔ kemmo na kayaa. Na bébeti-nwu bétényene Katɔti ɔni nli uwi ƒui anumi.

Mateo 26:64

Amu na Yesu údie kenye ɔnini, “Ɛɛn. Awɔ násu, na use lɛni sɔsɔ. Na mɔɔsu-mii nnii uwi klukui kemmo ni, bɛdubɔnu Ukyuli Ɔyawine Ubi ɔmmɔ ka ulie Katɔti Ɔyikune Ƒui kɔdianu. Na bɛdubɔnu ka ɔ́si katɔ ɔdubo na ulɔyɔ kemmo!”

Marko 14:62

Yesu ɔ́su-nwu ɔnini, “Ami mmɔ. Na bɛdubɔnu Ukyuli Ɔyawine Ubi ka ulie Katɔti Ɔyikune Ƒui kɔdianu. Na bɛdubɔnu ka ɔ́si katɔ ɔdubo na ulɔyɔ kemmo!”

Yohane 12:26

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Yohane 14:3

Anwuɔsu si lísie ńtáklibi-ku lɛ́wɔlɔ ni, ndubɔsɔ linwini libo na mbakpanku-mii ntése mina kudɔ na amii lɛnɔ bilie mmɔ.

Yohane 17:24

“Ati, awɔ néti-ma éte-mi. Na mɔɔwia ka belie-mi kudɔ na kesii kani na nkya kalɛ na banu kalɛ na ákɔliku-mi lɛnyi katɔ. Ɔmɛni ndi lɛnyi lɛni na éte-mi. Ɔsika aayɔ́-mii kukuuku asa na édie kayawi ku kana lɛla biala.

Batalane Kabla 1:9

Na ɔmɛni bɔ́su kama ni, Katɔti úti-nwu ɔ́kɔliku katɔ na benye baanu-nwu útédu ka úduo kemmo na ɔ́yii-ma anumi.

Batalane Kabla 8:39

Amu na uwi ɔni na bávi bálɛ ntu bɔmɛni kemmo ni, Katɔti Kɔyu kúti Ƒilipo kɔ́tɔlɔku, na unengu ɔmɛni ɔ́sɔ útanu-nwu. Na anwu lɛti ɔ́tɔlɔ ku kubiti.

Korintoƒuɔ 1 15:52

Na ɔdubɔbla aani kalɛ na beebó anumi. Ɔsika si kakpɛɛ kammɔ káku ni, Katɔti ɔdubɔgyila bekpine ɔni na basɔ belekpi kudii. Na ɔdubo bula ƒui udu bɔvumana.

Korintoƒuɔ 2 5:8

Bɔɔkɛ́ kayi geen na bɔɔyɔ́ teetulo si bɔ́nyonu ɔlɔna ɔmɛni búse na bútánu Blɔti ku anumi mmomu.

Ƒilipiƒuɔ 1:23

Mina kasusu kéƒu na ala akpa anyɔ amɛni lɛlɔ. Ndubɔyɔ si lɛ́tɔlɔ na lísie nkya Kristo kudɔ. Nka ɔmɛni ɔdia-mi utulo.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Tesalonikaƒuɔ 1 4:15

Lɛla lɛni na Blɔti ɔɔtina ni, nina lɛlɔ na bunye bɔɔsu-mii ka ni, abu bani nli ngba na Blɔti bɔsɔ bubo kemmo ni, bulaka bani néekpi katɔ busie.

Tesalonikaƒuɔ 1 4:18

Anwuɔsu biti etemila amɛni bitaasia lɛlɔ kɔnu.

Tesalonikaƒuɔ 1 5:10

Yesu ɔmɛni nékpi na bula lili ɔni na si bulie o-o, si bukpi o-o ni, bɔdubulieku Blɔti na nwuna bɔsɔ bubo kemmo.

Petro 2 3:13

Nsu abu bunye bɔgya Katɔti kenye kani na úse-bu úse kani ndi katɔ kawɔdi ku kalɔ kawɔdi kani kemmo na ala bɔbla siin sɔɔn ndubɔkya.

Budie Taatina 1:7

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.

Budie Taatina 11:12

Mmɔ na kenye bediene inyɔ bammɔ bénu lɛdi bonwu lɛdi ka lɛ́si katɔ na lɛ́su-ma lɛnini, “Bibo katɔ mɛni!” Ka bana bekisine baanu ni, bákɔ bésie katɔ na kemmo.

Budie Taatina 12:5

Na uleku ɔmmɔ ɔ́wɔ ɔnanabi ɔni madi kayawi ƒui lɛlɔ ku ɔyikun kpakplaa. Nsu Katɔti Kɔyu kúkpeli ubi ɔmmɔ kɔ́ƒɔ na kúti-nwu kúsienku Katɔti na nwuna lɛgaboku anumi.