Tesalonikaƒuɔ 1 4:14 - Katɔti Ɔku Kedee

¹⁴ Bɔ́ƒɔ bɔ́di ka Yesu úkpi na ɔ́sɔ ɔ́ta uli ngba na ɔdubɔsɔ ɔsi katɔ mmɔ ubo lɛnɔ. Anwuɔsu bɔ́ƒɔ bɔ́di ka baƒɔtaadine bani ƒui nékpi ni, badubɔsɔ bata. Na Katɔti ɔdubɔsia Yesu ɔmmɔ kani lɛlɔ na ɔƒɔ-ma na bebelieku-nwu ngba.

Tesalonikaƒuɔ 1 4:14 ပူးပေါင်းရင်းမြစ်များ

Ala Kalɔ Buse 49:19

“Na Gad ni, beyune bani muuƒie bekyuli ala taaƒɔ badubo-ɔ buyu bɔtu banii beekpóku-ɔ, nsu adubo-ma bukpoku na agya-ma lɛgba lɛgba.

Yesaia 26:19

Nsu bani na badi awɔ badi ina ka békpi ni, badubɔsɔ bata ku bana ɔlɔna na belie ngba. O amii bani nkya kaƒiɔtɔ kemmo, bɛta na bidie lɛnu ku lɛlɔyɔ! Ɔsika ɔtanta amii na adi muuwi-mii lɛlɔ. Na kalɔ kammɔ kadubo kana bekpine bammɔ bɔwɔ bɔlɛku mmɔ.

Mateo 24:31

Badubɔvwi kakpɛɛ. Na Ukyuli Ɔyawine Ubi ɔdubɔtala nwuna batu na basi katɔ betédie bekyuli baƒunadi ƒui basiku kayawi kesii biala.

Romaƒuɔ 14:9

Ɔsika ɔmɛni ɔsu geen na Kristo úkpi na ɔ́sɔ ɔ́ta úbo uli ngba kalɛ na unwini Blɔti ute bekpine ku bayawine ƒui.

Romaƒuɔ 8:11

Na si Katɔti Kɔyu kɔni nágyila Yesu ɔ́lɛku bekpine akɔ kɔkya-mii kemmo ni, anwu ɔni nágyila Kristo Yesu ɔ́lɛku bekpine akɔ mɛni ndubute bina ɔlɔna ɔni ndubukpi mɛni ngba ɔkɛnku nwuna Kɔyu kɔni nli-mii lɛlɔ kemmo ɔsu.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Tesalonikaƒuɔ 1 4:13

Banwa, bɔɔyɔ́ ka bɔsu-mii lɛla lɛni ndubɔlɛku bekyuli bani néekpi, kalɛ na biléteewulo kɔnyana aani bekyuli bani neeebo lɛnunsia.

Tesalonikaƒuɔ 1 4:17

Ɔmɛni kama ni, Katɔti ɔdubutiku abu bani nébu buli ngba na uti-bu utásalaku bekyuli bani náta na butásiaku Blɔti na kayaa. Na bɔdubulieku Blɔti uwi ƒui.

Tesalonikaƒuɔ 2 2:1

Banwa, bɔɔyɔ́ ka bɔsu-mii lɛla kpakplaa lɛdi na Blɔti Yesu Kristo bɔsɔ bubo ku bula bɔsala na nwuna kudɔ lɛlɔ.

Budie Taatina 1:18

Ami ndi Ukyuli Ɔni Nli Ngba! Líkpi, nsu ɔƒɛni ni, nli ngba. Na nsɔ lɛɛɛdubo bukpi kudii. Mbo ɔyikun na kukpi ku kekpine lɛlɔ.

Budie Taatina 14:13

Ɔmmɔ kama línu lɛdi lɛdi ka lɛ́si katɔ na lɛɛsu lɛnini, “Nweni ala amɛni. Bekyuli bani na lɛlɔ lɛdubɔyɔ-ma ndi bani ndubukpi ka básiaku Blɔti kama ɔ́si ɔƒɛni úsela ɔsu.” Na Katɔti Kɔyu kɔɔtuna kɔnini, “Ɛɛn, badubɔkɛ bɔnwuna! Na badubɔkɛ bana kabla kɔsia!”