Tesalonikaƒuɔ 1 3:3 - Katɔti Ɔku Kedee

³ Bɔ́bla lɛni ɔsika buláwia ka bukpoku bɔmɛni bɔƒɛ ɔdi enu. Amii alati bɛgyi bise ka bukpoku bɔmɛni buse bute Kristo kama basiakune ƒui.

Tesalonikaƒuɔ 1 3:3 ပူးပေါင်းရင်းမြစ်များ

Hiob 23:14

Na nwuna kasusu kadanku ala abɛdi pii. Na lɛla lɛni na ɔɔyɔ́ ni, ani kani na ɔdubo-mi bɔbla.

Kɔgya 112:6

Ukyuli ɔni na use siin ulébo kalɔ kudii. Mmomu bekyuli badubo-nwu butaakali uwi biala.

Luka 21:12

“Na asa na ala amɛni adububo abalɛ ni, bekyuli badubo-mii buƒie na bekpoku-mii. Bekyuli badubuti-mii bete na batɛku litemi na Yudaƒuɔ kasalakɔ na bakya-mii ɔtɔ. Na badubo-mii buti buboku baga ku lɛlɔ badine anumi na batɛku-mii litemi na ami ɔsu.

Yohane 16:2

Badubo-mii bɔgya bɔlɛku Yudaƒuɔ kasalakɔ. Na uwi ɔdi lɛnɔ ɔdubo ubedu ɔni na bekyuli badubɔdu-mii. Na bani ndubɔbla lɛni ni, badubɔkali banii Katɔti kabla na baabla.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Batalane Kabla 2:25

Na Ɔga Dawid ɔ́su úse ɔ́siku-nwu lɛlɔ ɔnini, “ ‘Lɛ́nu ka Unwoti unye-mi anumi uwi ƒui. Na ka unye-mi kɔdianu aani mina lɛkpa kalɛ ɔsu ni, lɛɛɛdubo bɔgbanta.

Batalane Kabla 21:11

Amu ka úbo-bu kudɔ ni, ɔ́ƒɛnimi kabuli kani nda Paulo kavobi na únyimi anwu ɔlati enu ku lɛgba na ɔ́su ɔnini, “Katɔti Kɔyu kɔɔsu ka lɛni na Yudaƒuɔ badubunyimi ukyuli ɔni mbo kabuli kamɛni na Yerusalem na beti-nwu bakya ama bani naaadi Yudaƒuɔ lɛlɔ badine enu kemmo.”

Batalane Kabla 21:13

Mmɔ na ɔ́su-bu ɔnini, “Bi ɔsu na biiwulo na bɛɛƒɛ-mi enu lɛni? Ami lɛ́tuna ka benyimi-mi na Yerusalem, na likpi lite Blɔti Yesu lɛnyi.”

Batalane Kabla 9:16

Na ndubɔtina-nwu kalɛ na ɔlɛka ubo abi na ami ɔsu.”

Romaƒuɔ 5:3

Na lɛnɔ ni, lɛlɔ lɛɛyɔ́-bu si buubó abi, ɔsika bɔgyi ka lɛbibo lɛmɛni udu lɛɛyá na buunye kpakplaa.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Korintoƒuɔ 1 4:9

Ɔsika use-mi aani si abu batalane ni, keliekɔ kekplodi na Katɔti úti ute-bu. Na buse aani bekyuli bani na bádu-ma kukpi kɔtɔ ka badu-ma na kadi anumi. Na kayawi ƒui ku Katɔti batu benye banu.

Eƒesoƒuɔ 3:13

Anwuɔsu ni, enu ataƒɛ-mii ka muubó abi lɛni na amii ɔsu. Amii ndubɔkɛ lɛbibo lɛmmɔ kɔsia.

Ƒilipiƒuɔ 1:28

Bitayia bina bekisine. Mmomu binye kpakplaa uwi biala kemmo. Na ɔmɛni ndubɔtina-ma ka Katɔti ɔdubɔƒɔ-mii na ɔyila-ma udu. Ɔsika Katɔti muukpó bina kekpo teete-mii na anwu mɔɔyá na bɛɛdi kekpo kammɔ lɛlɔ.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Tesalonikaƒuɔ 1 5:9

Ɔsika Katɔti útedie-bu ɔnii nwuna kɔnyi kubo-bu lɛlɔ. Mmomu ɔnii bɔsia Blɔti Yesu Kristo lɛlɔ na bɔkɛ bɔƒɔ.

Tesalonikaƒuɔ 2 1:4

Na bɔɔtalaku bina lɛnyi katɔ ɔsika binye bina bɔƒɔtaadi lɛlɔ kpakplaa na bɛɛkya ɔkplu ina ka beekpóku-mii na biibó abi.

Timoteo 2 1:8

Ɔmɛni ɔsu ni, taya na kɔƒa kukpo-ɔ ka enye Blɔti litemi kama, iye kɔƒa kukpo-ɔ na mina lɛlɔ aani ɔtɔntɛne kalɛ na Kristo ɔsu. Mmomu ni, awɔ lɛnɔ nye lɛbibo lɛmmɔ kenye kpakplaa na eteedie Blɔti litemi buni lɛmmɔ keyi. Ɔsika Katɔti úte-ɔ ɔyikun kalɛ na akana na abla ɔmɛni.

Petro 1 2:21

Na ɔmɛni na Katɔti ɔ́lɔ-mii ɔnii bibabla. Ɔsika Kristo ɔlati úbo abi na bina lili na ɔ́tina-mii ɔnii bɛsia nwuna kasiakɔ.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.

Budie Taatina 2:13

“Ngyi ka ɔma ɔni na bilie ndi likpo lɛni na Satan úse nwuna lɛga kadikɔ. Bɛ́siaku-mi kama kpakplaa. Na bítedie bina bɔƒɔtaadi atu na mina lɛlɔ ina uwi ɔni na bádu Antipa ɔni lɛnɔ nédie-mi litemi kenye ulu lɛlɔ na likpo lɛni na Satan ulie mmɔ.