Tesalonikaƒuɔ 1 2:9 - Katɔti Ɔku Kedee

⁹ Banwa binyimo ka uwi ɔni na bɔ́kya-mii kudɔ na bɔ́su-mii litemi buni lɛmɛni ni, búni ewulu usien ku ɔƒɛ na bɔ́bla kabla na bútenwini etila bútasia-mii lɛlɔ.

Tesalonikaƒuɔ 1 2:9 ပူးပေါင်းရင်းမြစ်များ

Baga 2 6:2

Anwuɔsu te-bu kuƒi na busie Yordan Ketu kɔtu na butáda akpa adi na buti bɔtu keliekɔ bute lɛlɔ.” Amu na Elisa ɔ́su-ma ɔnini, “Kuƒi kɔtɛ. Biteesie.”

Nehemia 5:18

Na limeyi ndi limeyi ni, mɔɔdú ɔmantɛ akɔ unwi ku baƒonu bani nélie lɛmwi ɛku ku bakɔkɔ badi teeti taanwa. Na limeyi leevudi biala lɛlɔ ni, muute-ma ntɛ udu biala. Nsu ɔmɛni kama ƒui ni, ńtasu bekyuli bani mɔɔnu lɛlɔ kudii nnii bete-mi adila ani ɔlɛka beteete Yudaƒuɔ lɛlɔ ɔnune. Ɔsika bemomo na ala ani baawia lɛnɔ émomo.

Kɔgya 32:4

Unwoti, usien ku ɔƒɛ ƒui ni, aaní-mi kɔtu na mina ɔyikun ɔ́sa na lɛ́ta lɛ́bla aani kalɛ na ntu bɔ́kwii taasa kaƒɛndi uwi kalɔ.

Kɔgya 88:1

O Unwoti Katɔti ɔni mɔɔƒɔ́-mi ngba, ƒula anumi na muunye taakpali usien ku ɔƒɛ.

Agba 31:18

Ɔɔsia nwuna kabla kani mete-nwu kɔsia anu kaduɛ. Na nwuna asogya uleni usien uwi ɔdi.

Yeremia 9:1

Si bunwini na mina anumi enwini imii ku libiɔ na nteewulo usien ku ɔƒɛ na mina bekyuli bani na bádu ɔsu nka ɔdia-mi.

Luka 18:7

Na ɔƒɛni ni, bɔtɛ na Katɔti ulatɛ litemi uledie nwuna bekyuli bani muuwulo taakpali-nwu usien ku ɔƒɛ banii ubunku-ma? Munuu bɛɛkali bɛnii ɔdubɔkpɛ kama ku bana bɔƒɔ?

Batalane Kabla 18:3

na ɔ́kya-ma kudɔ úteebunku-ma na bebuo lɛku bɔka kabla kani na anwu lɛnɔ ɔɔbla taadi kemmo.

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Batalane Kabla 20:31

Binye kagyumana na bɛkali bɛnu kalɛ na líti keku buwulo lɛ́lɛ-mii na lɛ́tina-mii ala usien ku ɔƒɛ na akwa atɛ ani na lɛ́kya-mii kudɔ kemmo.

Romaƒuɔ 1:1

Ami Paulo, ɔni ndi Yesu Kristo kabla ɔblane na ndi ɔtalane ɔni na Katɔti ɔ́ƒuna ka lɛkɔ-nwu litemi buni lɛsa ni, ami muunweni ɔku ɔmɛni.

Romaƒuɔ 15:16

Ɔsika ɔ́bla-mi ɔnii nnwini Kristo kabla ɔblane nte bekyuli bani naaadi Yudaƒuɔ. Na mɔɔbla ɔkpane kabla kani ndi ka lɛkɔ Katɔti litemi buni lɛmmɔ lɛsa lite bekyuli bani naaadi Yudaƒuɔ kalɛ na lɛkpanku-ma liboku Katɔti aani akpala ani Katɔti Kɔyu kɔ́bla kedee na adubɔƒɔ Katɔti anu.

Romaƒuɔ 15:19

Na badubɔbla lɛni ɔkɛnku ɔyikun ala ani na bánu ku akɔla budie taatina ani na Katɔti Kɔyu kɔ́ya na lɛ́bla ɔsu. Anwuɔsu ɔ́si Yerusalem ɔkɛ útávi Iliriko amadɔ ni, lɛ́kɔ Kristo litemi buni lɛmmɔ lɛsa.

Korintoƒuɔ 1 4:12

Na bɔɔbla kabla kpakplaa na buutú lɛlɔ. Si bekyuli béwida-bu ni, abu buute-ma kusɛ kusɛ. Ina dɛ na basiaku-bu beekpóku-bu ni, bɔɔkya ɔkplu.

Korintoƒuɔ 1 9:15

Nsu ńtablaku kuƒi kɔmɛni lɛla lɛdi. Munuu muunweni-mii ɔku ɔmɛni na lɛwia lɛla lɛdi lɛsiku-mii kudɔ? Si ɔmmɔ ɔsu ni, si líkpi muedi ɔdia-mi utulo. Ɔsika naaawia nnii lɛla lɛni lɛlɔ na mbo kuƒi ka lɛkun lɛmɛnɛ ni, ukyuli ɔdi uti-ni unwini etemila keeke.

Korintoƒuɔ 1 9:18

Na bi kayu baaƒɔ-mi? Lɛyuƒɔla lɛni na mbo ndi ka lɛkɔ litemi buni lɛmmɔ lɛsa ku kaƒɔ ƒaa. Na lɛɛɛdubo mina kadikɔ ƒui kama bɔsia na litemi buni lɛni mɔɔsu mɛni kemmo.

Korintoƒuɔ 1 9:4

Bubo kuƒi kɔni na bete-bu adila ku ntu na bula kabla kenye.

Korintoƒuɔ 2 11:27

Lɛ́bla kabla kpakplaa lítu lɛlɔ kaduɛ. Ńtatɛ ńtalɛɛ usien pii. Na kɔka ku utukwɛ ɔ́da-mi, na adila ábɔ-mi uwi pii. Na kɔyɔ kɔda-mi, na ńtakɛ lɛla lɛni na libi lɛlɔ.

Korintoƒuɔ 2 11:9

Uwi ɔni na lɛ́kya-mii kudɔ ni, mina lɛlɔ bɔnu bútasia-mii lɛlɔ si mɔɔyaki lɛla lɛdi. Banwa bani nási Makedonia néteete-mi kebunku na lɛla biala kemmo. Na ńteti etila abambadi ńtasia-mii lɛlɔ na lɛɛɛdubo adi lɛnɔ buti bɔsia-mii lɛlɔ kudii.

Korintoƒuɔ 2 6:5

Bekyuli bébo-bu na bákya-bu aban ɔtɔ na báyoli-bu. Na bɔ́bla kabla bútulo lɛlɔ, na bútatɛ bútalɛɛ, na kɔka lɛnɔ kɔ́da-bu.

Ƒilipiƒuɔ 4:16

Na ɔni lɛ́kya Tesalonika muedi ni, ka mɔɔwia kebunku ni, bíbunku-mi bítulo kunwi.

Tesalonikaƒuɔ 1 1:3

Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.

Tesalonikaƒuɔ 1 2:2

Na bɛgyi kalɛ na búbo abi na béwi-bu anumi kalɔ na Ƒilipi asa na búbedu bina kudɔ na Tesalonika mɛni. Nsu ina ka békpoku-bu mɛni lɛnɔ ni, Blɔti ɔ́kya-bu ɔkplu na bɔ́su-mii nwuna litemi buni.

Tesalonikaƒuɔ 1 2:6

Bútawia bumwi bútasiku amii iye bekyuli bamba kudɔ. Ina ka bubo kuƒi aani Kristo batalane kalɛ na bula lɛlɔ bɔnu bunwini etila bɔsia-mii lɛlɔ muedi ni,

Tesalonikaƒuɔ 1 3:10

Buuvele Blɔti kpakplaa usien ku ɔƒɛ bɔnii ɔya na bɔsɔ bɔsa na bɔkya-mii bɔƒɔtaadi unu.

Timoteo 1 1:11

Na Katɔti litemi buni lɛni bɔsu na úti ɔ́kya-mi enu kemmo ni, nina kemmo kani na bɔdubɔkɛ ala bɔtina bɔbuni bɔmmɔ bɔni nási Katɔti ɔmmɔ ɔlati bukeye kemmo. Na anwu na bɔɔgyá enu.

Timoteo 1 4:10

Ɔmɛni ɔsu na bunye kabla lɛlɔ kpakplaa na buubó abi. Ɔsika bula anu asia ngba ƒui Katɔti ɔni ndi bekyuli ƒui Ɔƒɔne lɛlɔ. Na bani geen na ɔdubo bɔƒɔ ndi bani náƒɔ-nwu bádi.

Timoteo 1 5:5

Na ukpinele ɔni neeebo ubunkune ni, uuti nwuna anu ƒui taasia Katɔti lɛlɔ na ɔɔkpali Katɔti usien ku ɔƒɛ ka ɔɔwia-nwu kebunku ɔsu.

Timoteo 2 1:3

Mɔɔgyá Katɔti ɔni na mɔɔkpá enu aani kalɛ kani na mina bati kuuku bátaabla. Na mɔɔbla lɛni na kayi kani naaadu-mi kɔtɔ kemmo. Lɛnɔ ni, mɔɔgyá-nwu enu usien ku ɔƒɛ na muuvele na ƒula lili si mɔɔkpali katɔ.