Tesalonikaƒuɔ 1 2:5 - Katɔti Ɔku Kedee

⁵ Bɛgyi kaduɛ ka ɔɔɔdi kenyemini etemila na búti búboku-mii. Na bútasu-mii litemi buni lɛmɛni kalɛ na bɔkɛ kɔsia kɔdi bɔsiku-mii kudɔ. Na Katɔti ɔlati ndubunye-bu litemi lɛmɛni kama.

Tesalonikaƒuɔ 1 2:5 ပူးပေါင်းရင်းမြစ်များ

Hiob 16:19

Ngyi nwaa ka ukyuli ɔni ndubudie-mi kenye ɔkya katɔ, na anwu ndi-mi ubunkune.

Hiob 17:5

Ukyuli ɔni mɔɔví nwuna ɔkpana kalɔ kalɛ na ɔkɛ bɔdi ni, nwuna bebi anumi adubɔbwɛ.

Agba 20:19

Kɔtɛ keeke ɔtɛmine uugyingya kɔbɛtɛ. Anwuɔsu tadiku ukyuli ɔmmɔ udu kɔkpana.

Agba 26:28

Unyemi ɔni mɔɔnyi ɔkɔ taasia ukyuli ni, uláwia ukyuli ɔmmɔ bɔdia. Na katɔlɔ kaadú ukyuli.

Agba 28:23

Na lɛla biala kawɔlɔkɔ ni, bekyuli baayɔ́ lɛla bɔsu bɔlɛku nwaa utulo katɔlɔ bumwi.

Yesaia 30:10

Amii mɔɔsu Katɔti kenye bediene ku nwuna batalane bɛnii, “Bitakɔ litemi buni lɛdi lɛsa bitete-bu, na bitasu-bu kenye kabuni kadi kani na Unwoti úbo-mii ɔda ɔnii bɛsu-bu lɛnɔ. Mmomu bɛsu-bu bula kayi lɛyɔla ku ala abuni ani ana na buugyé.

Yesaia 56:11

Batɔnkune badɔlɔdi, bítavumanaku bakpewe bani na bɔdi kani na bagyi na lɛla lɛla lilemo-ma kudii. Baƒonu badane bekpidi bani muulie taabla bana bebuo ulikplu na bɛdi, na amii lɛti bɔdia kani na bilie bite.

Yeremia 6:13

“Bawabane ku balakɛne ƒui ɔdivo bɔdi ku litemi geen tasu kani náƒɔ bana ƒui lɛlɔ kemmo. Na kenye bediene ku bakpane muedi baaadi bekyuli bani na basɔ beti kayi basia.

Yeremia 8:10

Ndubo bana beleku ku mmo ƒui buti bute baƒɔ. Balakɛne ku bawabane, na kenye bediene ku bakpane ƒui basɔ baaadi bekyuli bani lɛlɔ na beti anumi basia. Bana ƒui bénwini badivone ku ɔkɔ banyine.

Mika 3:5

“Na amii ɔkɔ kenye bediene biisé bekyuli bani muute-mii adila na bɛɛdi kenye ka badubulie kpi na lɛla lɛdi lilékpoku-ma. Na bani na balakɛ lɛla lɛdi teete-mii ama ni, bɛɛsu-ma ka ɔgbankpi ɔdubɔsiaku-ma. Binu lɛla lɛni na ami Unwoti mɔɔsu-mii.

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Mateo 22:16

Anwuɔsu bátala bana batɛyane badi ku bekyuli bani nsiaku Herode kama bákya Yesu. Na ka bésie ni, básu-nwu banini, “Ala ɔtinane, bɔgyi ka ese siin na aatina Katɔti bɔƒɔtaadi ulu ɔmmɔ geen, ɔsika alánu ukyuli anumi taabla lɛla lɛdi. Na alákpete bekyuli asula lɛnɔ.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Batalane Kabla 20:33

Anumi étegyie-mi na ɔkpanadi sika ugyiedi iye ɔƒualadi iye lɛwu lɛlɔ.

Romaƒuɔ 1:9

Katɔti ɔni kabla na mɔɔbla ku mina kayi ƒui na litemi buni lɛni lɛsa mɔɔkɔ́ ɔkɛnku ubidi lɛlɔ ni, ani ndubudie-mi kenye ɔ́si kalɛ na naaayiƒala-mii uwi biala kemmo si mɔɔkpali katɔ.

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Romaƒuɔ 9:1

Lɛla lɛni na ndubo-mii bɔsu mɛni ni, ɔɔɔdi ɔkɔ na mɔɔnyi, ɔsika ndi Kristo ɔdi. Mina kayi kani lɛlɔ na Katɔti Kɔyu kɔɔdi mɔɔtina-mi geen ka naaanyi ɔkɔ.

Korintoƒuɔ 2 12:17

Na bekyuli bani na lɛ́tala lɛ́kya-mii lɛlɔ ni, lɛ́kɛ-mii lɛlɔ kɔsia kɔdi ɔkɛnku-ma lɛlɔ?

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.

Korintoƒuɔ 2 7:2

Bigyingya bina enu bite-bu. Bútaƒiɔ bina akɔ ɔdi, na bútakpanku ɔdi lɛnɔ bútavinku ulu ukpidi ɔdi lɛlɔ iye bɔnya ɔdi bɔkya.

Galatiƒuɔ 1:20

Na sɔsɔ ni, litemi geen na muunweni-mii mɛni, na Katɔti ɔlati ɔgyi ka naaanyi ɔkɔ.

Tesalonikaƒuɔ 1 2:10

Amii alati ku Katɔti ndubunye-bu litemi lɛmɛni kama ka bɔ́da bula lɛlɔ kedee na bina akɔ. Bɔ́bla ala abuni. Na ukyuli ɔdi útanu bɔƒiɔ bɔdi na bula lɛlɔ.

Timoteo 1 3:3

Útalɛka utaani ntɛ teekpi, na ulekpo udi. Mmomu ɔlɛka ɔbla ukyuli ɔni nse buɛɛ, na ulayɔ kadɔ, na uuubo sika lɛnungyie lɛnɔ.

Timoteo 1 3:8

Na baƒɔtaadine kasala bebunkune ni, ama lɛnɔ ɔlɛka babla bekyuli bani nda udu buni, na bada kabla kammɔ lɛnɔ kpakplaa. Na badi bekyuli bani naaani ntɛ teekpi, na anumi elégyie-ma na egulabi lɛlɔ.

Tito 1:7

Na ɔƒɔtaadine ɔtɔnkune ɔni mɔɔnu Katɔti kabla lɛlɔ ni, utalɛka litemi lɛdi lɛda-nwu iye utaakɔliku lɛlɔ katɔ iye uteeti kɔnyi buti buti. Na ɔɔɔdi ka utaani ntɛ teekpi, na ulekpo udi, iye anumi lɛnɔ elégyie-nwu na egulabi lɛlɔ.

Petro 1 5:2

Na mɔɔsu-mii nnii bɛda bina baƒɔtaadine bani na Katɔti úti úte-mii kaduɛ aani kalɛ na baƒonu ɔdane ɔɔnu nwuna baƒonu lɛlɔ. Bɛda-ma aani kalɛ na Katɔti ɔɔwia, na utabla aani si ukyuli ɔdi nnye-mii lɛlɔ. Na bitabla kabla kammɔ na lɛyuƒɔla ɔsu, mmomu ka bɛɛyɔ́ ka bibunku bekyuli ɔsu.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.