Tesalonikaƒuɔ 1 2:19 - Katɔti Ɔku Kedee

¹⁹ Mɔɔwia geen ka mbanu-mii, ɔsika amii ndi bula lɛnumi. Na bɛɛda-bu kubiti, ɔsika amii ku baƒɔtaadine bakladi ndi bula kɔsia kɔni ɔsu na bɔdubuƒu uwi ɔni na Blɔti Yesu wasɔ webo.

Tesalonikaƒuɔ 1 2:19 ပူးပေါင်းရင်းမြစ်များ

Agba 12:4

Uleku ɔbuni ɔni lɛlɔ basia kayi ni, anwu ndi ɔgyani lɛlɔyɔ na use aani kagabwa na kebi ɔnana ɔmmɔ lili. Nsu uleku ɔni mɔɔbla kɔƒa ala ni, ɔɔƒɛ ɔgyani enu, na ɔyikun ɔɔsá-nwu.

Agba 16:13

Bekyuli bani enyekuli mɔɔtɛmi ala ani nse siin mɔɔyɔ́ ɔga kaƒɔ. Na ɔɔyɔ́ bani mɔɔsu litemi geen lɛni nkɛ ulu lɛlɔ mmɔ.

Agba 17:6

Bawɔ bani na ukyuli ɔ́bi lɛlɔ ɔ́ƒɔ ni, ama ndi-nwu kagabwa kani muukeye. Na bebi bani mbo bawɔne babune ni, kɔƒa kulekpo-ma na bekyuli akɔ.

Agba 4:9

Ɔdubudi lɛka lɛni mɔɔdia bɔnu ɔsia-a lili na akɛ kagabwa kani muukeye.”

Yesaia 62:3

Na adubɔbla aani kagabwa kani muukeye na ƒula Unwoti Katɔti lɛkɔkɔ.

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Marko 8:38

Ɔƒɛni ni, bekyuli pii baabla ekpidi na beenwíni kama taakya Katɔti. Anwuɔsu si ami ku mina ala ani mɔɔtina ƒui ékpo ukyuli ɔdi kɔƒa ni, anwu lɛnɔ ɔdubukpo ami Ukyuli Ɔyawine Ubi kɔƒa uwi ɔni na mebo ku Katɔti batu kedee na Katɔti ɔmmɔ bukeye ƒui kemmo.”

Yohane 21:22

Amu na Yesu údie kenye na úye-nwu ɔnini, “Si mɔɔyɔ́ nnii anwu ɔsɔ ɔkya ngba wetédu uwi ɔni na masɔ mebo ni, bi nkɛ-ɔ? Awɔ ni, taasiaku-mi.”

Korintoƒuɔ 1 15:23

Nsu Katɔti ɔdubɔgyila ɔdi biala na ulu ɔni na Katɔti ɔlati úse úse lɛlɔ. Na Kristo ndi udeedi. Na uwi ɔni lɛlɔ na wasɔ webo ni, bani na béti lɛlɔ béte Kristo ɔmmɔ na ɔdubɔsɔ ɔgyila.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Korintoƒuɔ 2 1:14

aani kalɛ na bínu ekpo adi kalɔ. Na bɛdubunu kalɔ ka bɛkana bɛkun lɛmɛnɛ na bula lɛlɔ, na abu lɛnɔ bɔkun lɛmɛnɛ na bina lɛlɔ na limeyi lɛni na Blɔti Yesu Kristo wasɔ webo lɛlɔ.

Ƒilipiƒuɔ 2:16

Na bɛda ngba litemi lɛmmɔ kaduɛ. Na si bɛ́kana na bɛ́bla ɔmɛni ni, ndubɔkɛ kenyekɔ na lɛkun lɛmɛnɛ na limeyi lɛni lɛlɔ na Yesu wada walɛ. Ɔsika ɔdubɔtina ka ńtekeli usi ɔmmɔ keeke iye ńtebo abi ńtewiakun.

Ƒilipiƒuɔ 4:1

Anwuɔsu ni, mina banwa bayɔne ɔni na naaanu-mii ni, kɔyɔ kúwi-mi! Bɛɛkya-mi kubiti geen na mɔɔtalaku lɛlɔ katɔ na amii ɔsu. Banwa bayɔne geen, lɛni na ɔdi ka binye kpakplaa na Kristo kemmo.

Tesalonikaƒuɔ 1 2:20

Sɔsɔ ni, amii mɔɔyá lɛlɔ lɛɛyɔ́-bu, na buuƒú lɛnɔ na amii ɔsu.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Tesalonikaƒuɔ 1 4:15

Lɛla lɛni na Blɔti ɔɔtina ni, nina lɛlɔ na bunye bɔɔsu-mii ka ni, abu bani nli ngba na Blɔti bɔsɔ bubo kemmo ni, bulaka bani néekpi katɔ busie.

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Tesalonikaƒuɔ 2 1:4

Na bɔɔtalaku bina lɛnyi katɔ ɔsika binye bina bɔƒɔtaadi lɛlɔ kpakplaa na bɛɛkya ɔkplu ina ka beekpóku-mii na biibó abi.

Tesalonikaƒuɔ 2 1:7

Na ɔdubɔya na abu ku amii bani ƒui muubó abi bɔkɛ bɔnwuna. Katɔti ɔdubɔbla ala amɛni uwi ɔni na Blɔti Yesu ku Katɔti batu badubɔda bɔlɛ kayaa na ɔyikun kemmo ku ogya.

Tesalonikaƒuɔ 2 2:1

Banwa, bɔɔyɔ́ ka bɔsu-mii lɛla kpakplaa lɛdi na Blɔti Yesu Kristo bɔsɔ bubo ku bula bɔsala na nwuna kudɔ lɛlɔ.

Tito 2:13

Lɛni na bɔdubuti butaanu ulu bute limeyi libendi lɛni lɛlɔ na bɔsia anu. Limeyi lɛmmɔ lɛlɔ na Utulone Blɔti, bula Ɔƒɔne, Yesu Kristo bukeye bɔdubɔda bɔlɛ.

Yakobo 5:7

Banwa, kalɛ na umonsene ɔɔkɛ́ kayi teete kaƒendi ɔnantu ku ketudi ɔnantu ute nwuna edula ani na ɔ́va bɔdia ɔsu ni, lɛni kani na ɔlɛka bɛkɛ kayi utédu uwi ɔni na Blɔti wasɔ webo.

Yakobo 5:8

Anwuɔsu amii lɛnɔ bɛkɛ kayi. Na enu ataƒɛ-mii, ɔsika Blɔti bɔsɔ bubo bɔmmɔ búude.

Petro 1 5:4

Na uwi ɔni na Kristo ɔni ndi Baƒonu Ɔdane Unengudi ƒui wada walɛ ni, na wete-mii kagabwa kani muukeye na kana udu ulávumana.

Petro 2 1:16

Ɔɔɔdi kɔtɛ keeke na bɔ́nwi búti bɔ́tina-mii ka Blɔti Yesu Kristo ɔsɔ ɔdububo na ɔyikun kemmo. Bɔgyi lɛla lɛni na bɔ́su-mii. Ɔsika abu alati bɔ́nu-nwu ku bula anumi kalɛ na use kedee na ɔdi Ɔga.

Petro 2 3:4

Na badubuye-mii banii, “Wɛ na ukyuli ɔni ndubo mmɔ ɔkya? Ɔsika ɔ́si uwi ɔni na bula bati békpi ni, lɛla lɛdi biala lɛmu lise aani uwi ɔni na bédie kayawi kalɛ!”

Yohane 1 2:28

Mina bebi bayɔne, biliku Kristo kalɛ na si uwi ɔni na ɔ́da ɔ́lɛ ni, bɔdubɔkana na bunye-nwu anumi ku kaƒɔ ƒaa na kɔƒa kulékpo-bu limeyi lɛmmɔ lɛlɔ.

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.

Budie Taatina 1:7

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.

Budie Taatina 22:12

“Bɛnu! Ami Yesu ndubo uwi klukui! Na ndanku lɛyuƒɔla lɛni námanku kabla biala ndububoku, na mbaƒɔ ɔdi biala kayu na lɛla lɛni na ɔ́bla kenye.