Tesalonikaƒuɔ 1 2:12 - Katɔti Ɔku Kedee

¹² Bɔ́kya-mii ɔyikun ku ogya na bútaalɛ-mii bɔnii bilie ngba bɔni na kaƒɔ kayɔ Blɔti, ɔsika anwu ɔlati nálɔ-mii kalɛ na bɛkɛ bɔƒɔ na nwuna lɛga bɔdi ku bukeye kemmo.

Tesalonikaƒuɔ 1 2:12 ပူးပေါင်းရင်းမြစ်များ

Ala Kalɔ Buse 5:22

Na Metusala bɔwɔ kama ni, Henok ɔ́siaku Katɔti kama geen akwa eti aku (300) na ɔ́wɔ bebi bananabi ku belekubi bamba.

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Romaƒuɔ 8:30

Anwuɔsu bani na Katɔti úse-ma likpo ni, ama na ɔ́lɔ. Na bani na ɔ́lɔ ni, ɔ́bla-ma siin. Na bani na ɔ́bla siin mmɔ ni, ɔ́ɔkɔliku-ma lɛnyi katɔ.

Korintoƒuɔ 1 1:9

Katɔti ɔni nálɔ-mii ɔnii bɛbla unwi ku Ubidi Blɔti Yesu Kristo ni, ɔdi ukyuli ɔni lɛlɔ na bɛkada bikpo.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Galatiƒuɔ 5:16

Na lɛla lɛni mɔɔsu-mii ndi ka bɛya na Katɔti Kɔyu kɔtɔnku-mii na bina ngba bulie kemmo. Na bitaya na bina ɔlɔna ɔkwɛ adala adi-mii lɛlɔ.

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Eƒesoƒuɔ 5:8

Ɔsika kudeedi ni, na bɛkya lɛdisa kemmo. Nsu ɔƒɛni ka bínwini Blɔti badi ɔsu ni, bɛkya bukeye kemmo. Anwuɔsu bilie ngba aani bekyuli bani nlie bukeye kemmo.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Koloseƒuɔ 2:6

Na kalɛ na bɛ́ƒɔ Yesu Kristo ku bina kayi ƒui aani bina Ɔti ni, bɛblaku-nwu unwi lɛni kani.

Tesalonikaƒuɔ 1 4:1

Banwa, mina lɛla likplodi lɛni muuvele-mii ndi ka ni, bilie ngba bɔni mɔɔyɔ́ Katɔti kaƒɔ aani kalɛ na bɔ́tina-mii. Bɛdaku ɔkplu bɔkya bɔdi, nsu bɔɔkya-mii ogya na Blɔti Yesu lɛnyi kemmo bɔnii bɛbla bitulo lɛni.

Tesalonikaƒuɔ 1 4:12

Ɔmɛni ndubɔya na bani nátaƒɔ bátadi bataaƒalɛ-mii na bilayaki lɛla lɛdi.

Tesalonikaƒuɔ 1 5:24

Na Katɔti ɔni nálɔ-mii ɔnii binwini nwuna bekyuli ni, ɔdububunku-mii utédu kawɔlɔkɔ. Ɔsika lɛla lɛni na ɔ́nya ɔ́su ka wabla ni, ani kani na ɔdubɔbla.

Tesalonikaƒuɔ 2 1:10

Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Petro 1 3:9

Biteti likpidi bitaƒɔ bani mɔɔbla-mii ekpidi kayu, iye bidumi bani muudumi-mii. Na mmomu bivele Katɔti na ute-ma keyi buɛɛ. Ɔsika ɔmɛni na Katɔti ɔɔwia ka bɛbla. Na ɔ́su bula ƒui úse ka ɔmɛni ɔsu na ɔdubute-bu keyi buɛɛ.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Petro 2 1:3

Blɔti Yesu Kristo ɔkɛ Katɔti ɔyikun lɛlɔ úte-bu lɛla biala na bɔɔwia kalɛ na bulie ngba sɛɛn aani baƒɔtaadine. Úte-bu ala amɛni, ɔsika bɔgyi-nwu geen ka anwu nálɔ-bu ɔnii bula ukyulidu ɔbla kedee na buteekeye aani nwuna kalɛ.

Yohane 1 2:6

Ukyuli ɔni mɔɔsu ɔnii uliku Katɔti ni, ɔlɛka ulie ngba aani kalɛ na Yesu Kristo úlie.

Yohane 3 1:6

Baƒɔ bammɔ bábasu baƒɔtaadine bani nkya mɛni kalɛ na aayɔ́-ma. Anwuɔsu muuvele-ɔ nnii bunku-ma na bakɛ ala ani ƒui na baawia na bana ulu busie kemmo aani kalɛ na ɔ́manku-ma aani Katɔti kabla bablane.