Tesalonikaƒuɔ 1 2:10 - Katɔti Ɔku Kedee

¹⁰ Amii alati ku Katɔti ndubunye-bu litemi lɛmɛni kama ka bɔ́da bula lɛlɔ kedee na bina akɔ. Bɔ́bla ala abuni. Na ukyuli ɔdi útanu bɔƒiɔ bɔdi na bula lɛlɔ.

Tesalonikaƒuɔ 1 2:10 ပူးပေါင်းရင်းမြစ်များ

Yeremia 18:20

Lɛ́sia ulu biala lɛlɔ ka libunku-ma, nsu kayu kani na ama baaƒɔ-mi ndi ka bakɛ beekú-mi kalɔ ka lɛnu liduo bana kakpagyuɛ ubu ɔni na béku báva-mi kemmo. Na lívele-ɔ muedi nnii tani-ma kɔtu.

Bumomo Bɔka 16:15

Mmɔ na Mose úbakɛ kɔnyi geen na ɔ́su Unwoti ɔnini, “Taƒɔ bekyuli bamɛni akpala adi. Ńtaƒɔ bana ɔdi lɛla lɛdi ina ebuo ala utine, na ńtaƒiɔ ɔdi lɛnɔ.”

Luka 23:41

Na abu bula kɔtu bɔni ni, bɔdi ulu lɛlɔ. Ɔsika lɛla lɛni námanku-bu ni, ani na béti béte-bu. Nsu anwu útabla lɛla likpidi lɛdi.”

Batalane Kabla 20:18

Amu ka bébo ni, ɔ́su-ma ɔnini, “Banwa, bina ƒui bɛgyi ka ńtalɛ-mii kama kudii ɔ́si limeyi lideedi lɛni na lɛ́ka Asia kalɔ lɛlɔ mɛni bubo úti úbedu ɔƒaani.

Batalane Kabla 20:26

Anwuɔsu muute-mii bɔti ka ni, si ɔdi ɔ́yila nwuna ngba ulu ni, beleti ukyuli ɔmmɔ kɔtɔ bɔdu balasia-mi lɛlɔ.

Batalane Kabla 24:16

Na ɔ́si ɔmɛni ɔsu ni, mɔɔkya ɔkplu ka lɛbla mina kasusu kemmo nwaa na Katɔti ku bayawine ƒui anumi.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Korintoƒuɔ 2 11:11

Na bi ɔsu na nnii naaaƒɔ lɛla lɛdi na bina kudɔ? Ɔɔɔdi ɔni na naaayɔ-mii ɔsu. Katɔti ɔlati ɔgyi ka mɔɔyɔ́-mii.

Korintoƒuɔ 2 11:31

Katɔti ɔni ndi Blɔti Yesu Kristo Ɔti, na anwu na buumwi uwi ƒui ni, anwu ngyi geen ka ala ani mɔɔsu mɛni ni, sɔsɔ na adi.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.

Korintoƒuɔ 2 5:11

Ka bɔgyi kalɛ na ɔlɛka bɔyia Blɔti ɔsu ni, bunye bekyuli lɛlɔ ka benu-bu kalɔ. Katɔti ɔgyi-bu kede kede na mɔɔsia anu ka amii lɛnɔ bɛti bula udu kaduɛ.

Korintoƒuɔ 2 7:2

Bigyingya bina enu bite-bu. Bútaƒiɔ bina akɔ ɔdi, na bútakpanku ɔdi lɛnɔ bútavinku ulu ukpidi ɔdi lɛlɔ iye bɔnya ɔdi bɔkya.

Tesalonikaƒuɔ 1 1:5

Na litemi buni lɛni búbasu-mii ni, ɔɔɔdi kenyekplu kani na kadi. Mmomu kadanku Katɔti Kɔyu ɔyikun budie taatina ɔni na bɔ́ya na bɛ́ti ka sɔsɔ na ɔdi. Bɔgyi ka bɛ́nu kalɛ na bɔ́da bula lɛlɔ na bina akɔ, na ɔmɛni ɔdi bina kebunku.

Tesalonikaƒuɔ 1 2:5

Bɛgyi kaduɛ ka ɔɔɔdi kenyemini etemila na búti búboku-mii. Na bútasu-mii litemi buni lɛmɛni kalɛ na bɔkɛ kɔsia kɔdi bɔsiku-mii kudɔ. Na Katɔti ɔlati ndubunye-bu litemi lɛmɛni kama.

Tesalonikaƒuɔ 2 3:7

Amii alati bɛgyi kaduɛ ka ɔdi ka bɛbla kabla aani kalɛ kani na abu lɛnɔ bɔ́bla, ɔsika bútabla kɔkɔsɔ uwi ɔni na bɔ́kya-mii kudɔ.

Timoteo 1 4:12

Taya na ukyuli ɔdi ɔnu-ɔ ɔnii ásɔ ka adi ɔnamu ɔsu. Mmomu ni, nwini asogya te baƒɔtaadine bammɔ ƒui na ƒula kɔtɛ ku udu ku ƒula bekyuli bɔyɔ ku bɔƒɔtaadi kemmo ku ƒula kedee bulie lɛnɔ kemmo.

Timoteo 2 3:10

Nsu awɔ ni, áanu mina ala bɔtina áti ku mina ngba keliela ku mina kasusu ku mina bɔƒɔtaadi ku kalɛ na muuwi lɛlɔ ku kalɛ mɔɔyɔ́ bekyuli ku kalɛ na mɔɔkya ɔkplu na lɛbibo kemmo.

Petro 1 5:3

Bitanya bekyuli bani lɛlɔ bɛɛnu bitamana, mmomu bɛbla bekyuli bani na banu-mii udu batɛya.