Tesalonikaƒuɔ 1 1:9 - Katɔti Ɔku Kedee

⁹ Na ama alati mɔɔtɛmi taasiku kalɛ na bɛ́ƒɔ-bu uwi ɔni na búbo-mii kudɔ ku kalɛ na bɛ́da baƒiɔ bɔkpa bɛ́ya, na bíti lɛlɔ bíte Katɔti ɔni lɛti mbo ngba.

Tesalonikaƒuɔ 1 1:9 ပူးပေါင်းရင်းမြစ်များ

Kɔgya 42:2

Unwoti Katɔti ɔni nlie ngba uwi ƒui, ƒula tanu kɔka kɔɔda-mi. Lɛmameyi na ndububo mbada lɛlɛ-ɔ anumi na lɛnu-ɔ?

Kɔgya 84:2

Na mɔɔwia geen ka lɛkya ƒula kaduli mmɔ. Na muudie ebiti lɛnu ku mina kayi ƒui teete awɔ Katɔti ɔni nli ngba uwi ƒui.

Yesaia 37:17

O Unwoti, se atu na enu, na ebimi anumi na anu. Nu etemila ani na Sanaherib ɔku ɔni na úti úmene, na uudumi awɔ Katɔti ɔni nli ngba ɔdanku.

Yesaia 37:4

Na ɔƒɛni kalɛ Unwoti ƒula Katɔti únu ala ani na Asiriaƒuɔ ɔga ɔ́tala nwuna bekpone benengu na bábasu-bu na bédumi Katɔti ɔni na uli ngba. Na muuvele nnii ƒula Unwoti Katɔti unu edumi ammɔ na ɔni bani nédumi-nwu mmɔ kɔtu. Anwuɔsu kpali Katɔti na evele ete bula bekyuli ku abu bani nli ngba.”

Yeremia 10:10

Awɔ Unwoti kani ndi Katɔti geen ɔni nli ngba. Na aadi lɛlɔ uwi ƒui. Na si éti kɔnyi ni, kalɔ kaakunku na kadi bekyuli baayii udu.

Yeremia 16:19

Lɛ́kpali Katɔti lívele nnini, “Bula Ɔti, awɔ ndi ukyuli ɔni muute-mi ɔyikun na aagyumana-mi kpakplaa si líduo lɛbibo kemmo. Bekyuli badubɔsi ɔlɔgyu bebo-ɔ kudɔ na babasu-ɔ banini, ‘Bula bati kuuku bákpa baƒiɔ bani neeebo kɔsia kɔdi na balásu litemi geen lɛdi lɛnɔ,

Daniel 6:26

“Muute amii bani nkya mina lɛga kadikɔ kemmo bɔti ka ɔdi biala utaakya lili kalɔ teete Daniel Katɔti, na uteeti ɔbu teete-nwu. “Ɔsika anwu ndi Katɔti ɔni nli ngba na nwuna uwi use úsela ƒui na nwuna lɛga kadikɔ kalayii udu na kalɛ na ɔɔdi ala ƒui lɛlɔ ku ɔyiku ɔɔɔdubo bɔsa kudii.

Hosea 1:10

“Limeyi lɛdi lɛdubo lɛni na ukyuli ɔdi ulakana Israelƒuɔ bɔka, ɔsika badubo bumomo aani ɛpu kɔnwinimi. Na ɔƒaani ni, ama baalɔ banii, ‘Bɛɛɛdi mina bekyuli.’ Nsu uwi ɔni mebo kemmo ni, bekyuli badubɔlɔ-ma banii, ‘Katɔti Ɔni Nli Ngba uwi ƒui Bebi.’

Seƒania 2:11

Ndubo-ma bukpo ku kɔnyi geen kalɛ na baƒiɔ bani ƒui nkya kalɔ lɛlɔ mɛni bayii bakya na basɔ baladi lɛla lɛdi belete bekyuli, mmomu kadi biala bekyuli ɔdi biala ɔdubɔkya lili kalɔ ute-mi na kesi kesii na belie.”

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Mateo 16:16

Mmɔ na Simon Petro údie kenye ɔnini, “Awɔ ndi Ukyuli Ɔƒunadi ɔmmɔ. Na adi Katɔti ɔni nli ngba uwi ƒui Ubidi.”

Batalane Kabla 14:15

básu banini, “Ati bene, bi na bɛɛbla mɛni? Abu lɛnɔ bekyuli bayawine kani na bɔdi aani amii kalɛ. Búbo mɛni bɔnii buuti litemi buni lɛmɛni buboku-mii. Bɛda ala keeke amɛni udu kama bɔsiaku bɛya na binwini biteemwi Blɔti ɔni mbo ngba. Anwu nédie katɔ ku kalɔ ku ɛpu ku ala ani nkya-nya kemmo ƒui!

Romaƒuɔ 9:26

Na kesii kani geen na lɛ́su nnii, ‘Bɛɛɛdi mina bekyuli’ ni, mmɔ na bekyuli badubɔlɔ-ma Katɔti Ɔni Nli Ngba Uwi Ƒui bebi.”

Korintoƒuɔ 1 12:2

Bɛgyi nwaa ka uwi ɔni na bɛɛɛgyi tɔ Katɔti ni, bɛ́ya na ala ani neeebo ngba átaadi-mii lɛlɔ na bitaakpa-nya na bɛ́yii ulu ɔmmɔ.

Lɛkpa Ulu 5:26

Na buuye bɔnii ukyuli ɔdi uulie ngba dii ka únu Katɔti ɔni nlie ngba lɛdi ɔ́siku lɛgyavonku kemmo?

Tesalonikaƒuɔ 1 2:1

Banwa, amii alati bɛgyi ka kabla kani ɔsu na búbo-mii kudɔ ni, kánwu ebi geen.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Timoteo 1 4:10

Ɔmɛni ɔsu na bunye kabla lɛlɔ kpakplaa na buubó abi. Ɔsika bula anu asia ngba ƒui Katɔti ɔni ndi bekyuli ƒui Ɔƒɔne lɛlɔ. Na bani geen na ɔdubo bɔƒɔ ndi bani náƒɔ-nwu bádi.

Hebriƒuɔ 12:22

Biiise aani Israelƒuɔ bammɔ. Mmomu amii ni, Sion Kɔbi kudɔ na bíbo bínye ɔni ndi Katɔ Ɔga Ɔma Yerusalem ɔni ndi Katɔti ɔni nli ngba uwi ƒui ɔma unengudi. Katɔti batu mpim mpim kasala bani na lɛlɔyɔ lɛ́ƒɔ-ma kemmo na bíbo bíbasiaku.

Yosua 3:10

Ɔni na bísela mɛni ni, Bina Unwoti Katɔti ɔdubo Kanaanƒuɔ ku Hetiƒuɔ ku Hewiƒuɔ ku Perisiƒuɔ ku Girgasiƒuɔ ku Amoriƒuɔ ku Yebusiƒuɔ bɔbɔku bɔlɛku kɔlɔ kɔmmɔ lɛlɔ. Na mmɔ bɛdubo bɔnu bɔti ka Katɔti ɔni nlie ngba mmɔ ɔkya-mii akɔ sɔsɔ.

Yohane 1 5:21

Anwuɔsu, mina bebi bayɔne, bɛda lɛlɔ bidie lɛƒiɔkpa kemmo.

Budie Taatina 17:2

Na kayawi baga bákya béteesie teesie ɔma ɔmmɔ kemmo aani kalɛ na banana beesié ɔyalɛ kudɔ. Na ɔma ɔmmɔ ekpidi bɔbla bɔ́ƒɔ kayawi bekyuli lɛlɔ kemmo aani kalɛ na baaní ntɛ teekpi.”

Samuel 1 17:26

Ka Dawid úbo úbasiaku lɛla lɛmɛni ni, úye ukpone ɔni nnye nwuna kɔmadɔ ɔnini, “Bi na badubo bɔbla bute ukyuli ɔni makana Ƒilistini ɔmɛni bɔdu na ɔda bula kadi Israelƒuɔ kɔƒa bɔkya ɔya? Ɔma na Ƒilistini ɔni na útekulo lego mɛni ɔɔkali ka ɔdi na ubataakun lɛmɛnɛ taakya Katɔti ɔni nli ngba uwi ƒui bekpone lɛni?”

Samuel 1 17:36

Ami ƒula kabla ɔblane lɛ́ɛdu gyata ku kegidi. Na ndubɔkana na lɛdu Ƒilistini ɔni nétekulo lego mɛni lɛnɔ aani bana kalɛ, ɔsika ɔ́nu Katɔti ɔni nli ngba bekpone ka baaadi lɛla lɛdi na nwuna anumi!