Tesalonikaƒuɔ 1 1:1 - Katɔti Ɔku Kedee

¹ Ami Paulo ku Silivano ku Timoteo búnweni ɔku ɔmɛni buute amii bani ndi Katɔti ku Blɔti Yesu Kristo badi na Tesalonika. Na bɔɔkpali katɔ bɔnii Blɔti lɛƒɔndia ku keyi buɛɛ kasiaku-mii.

Tesalonikaƒuɔ 1 1:1 ပူးပေါင်းရင်းမြစ်များ

Batalane Kabla 15:22

Amu na batalane ku benengu bani nábasa mmɔ ƒui bátuna, na bédie bekyuli badi banii basiaku Paulo ku Barnaba na besie Antiokia. Nkyuli inyɔ bani na bédie mmɔ badi baƒɔtaadine bammɔ benengu inyɔ. Ama ndi Yuda ɔni na basɔ baalɔ Barsaba ku Silas.

Batalane Kabla 15:27

Yuda ku Silas ni, ama lɛnɔ badubɔsu-mii ala ani na búnweni mɛni lɛlɔ.

Batalane Kabla 15:40

Nsu Paulo anwu útiku Silas, na baƒɔtaadine bani nkya mmɔ béti-ma bákya Blɔti lɛkɔkɔ na bátɔlɔ.

Batalane Kabla 16:19

Amu ka nwuna benwoti bánu ka bana lɛlakɛ lɛ́yii ɔsu ni, béƒie Paulo ku Silas na báni-ma bésienku litemi katɛkɔ benengu na kuyentɛ.

Batalane Kabla 16:25

Amu na usientɛ uwi ɔni na Paulo ku Silas bakya baakpali katɔ na beedie lɛnu teete Katɔti ni, bani ntɛ ɔtɔ mmɔ bakya beenú.

Batalane Kabla 16:29

Amu na ukyuli ɔmɛni ɔ́lɔ ɔnii beti ukpo beboku. Na lɛlɔ bɔtɔ kemmo ni, úbalɛ akɔnkɔ na Paulo ku Silas anumi.

Batalane Kabla 17:11

Na Beroiaƒuɔ ni, bana kasusu kébimi kétulo Tesalonikaƒuɔ kadi. Na bése atu na bénu bana butemi. Na limeyi ndi limeyi ni, bátaawia Bunweni Kedee Ɔku kemmo etemila taanu si Paulo ala ani na ɔ́su adi sɔsɔ.

Batalane Kabla 18:5

Amu na uwi ɔni na Silas ku Timoteo bási Makedonia bébo ni, Paulo ɔ́kɛ uwi kaduɛ úti úte litemi buni bɔsu ku kalɔ budie taatina Yudaƒuɔ ka ni, Yesu ndi Ukyuli Ɔƒunadi ɔmmɔ geen.

Batalane Kabla 19:22

Amu na ɔ́tala nwuna bebunkune inyɔ, Timoteo ku Erasto, na bágyu batɔ-nwu na Makedonia. Na anwu ɔ́sɔ ɔ́kya kama na Asia mmɔ uwi blii ɔdi.

Batalane Kabla 20:4

Na uwi ɔni na úsela ni, anwu ku bekyuli pii nkɛ. Na bekyuli bamɛni ndi Sopater ɔni nási Beroia na ɔdi Piro ubidi ku Aristarko ku Sekundo bani nási Tesalonika ku Gaio ɔni nási Derbe ku Tihiko ku Troƒimo bani nási Asia kalɛkɛ ku Timoteo.

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Korintoƒuɔ 1 1:2

Búnweni ɔku ɔmɛni buute Korintoƒuɔ baƒɔtaadine bani na ɔkɛnku Yesu Kristo lɛlɔ na Katɔti údie úse na ɔ́lɔ-ma ɔnii babla nwuna bekyuli kedee. Lɛni na ɔ́bla bekyuli bani ƒui lɛnɔ mɔɔkpali Blɔti Yesu Kristo. Anwu ndi Blɔti ute abu ku-ma ƒui.

Korintoƒuɔ 2 1:1

Ami Paulo ɔni nkɛnku Katɔti lɛƒɔyɔ lɛlɔ na ndi Blɔti Yesu Kristo ɔtalane ni, ami ku Ɔnwa Timoteo muunweni ɔku ɔmɛni bute amii Korintoƒuɔ bani néti lɛlɔ bíte Katɔti ku bekyuli bani ƒui mɔɔbla Katɔti kabla na Akaia kalɛkɛ lɛlɔ mmɔ.

Korintoƒuɔ 2 1:19

Katɔti Ubidi Yesu Kristo ɔni lɛlɔ litemi lɛsa na ami ku Silivano ku Timoteo bɔɔkɔ́ teete-mii ni, ɔɔɔdi ɛɛn ku oowo ukyuli. Mmomu ɔdi ukyuli ɔni litemi ndi ɛɛn uwi biala.

Galatiƒuɔ 1:2

Ami ɔmmɔ nénweni ɔku ɔmɛni na ami ku mina banwa bani nkya mɛni buugyele amii Katɔti baƒɔtaadine bani ƒui nkya Galatia.

Galatiƒuɔ 1:22

Uwi ɔmmɔ kemmo ni, baƒɔtaadine akpa ani nkya Yudea kalɔ lɛlɔ na Kristo kemmo bátanu-mi anumi kudii tɔ.

Eƒesoƒuɔ 1:2

Muuvele Katɔti ku Blɔti Yesu Kristo nnii nwuna lɛƒɔndia lɛkya-mii ɔkplu na ute-mii keyi buɛɛ.

Ƒilipiƒuɔ 1:1

Ami, Paulo ku Timoteo bani ndi Kristo Yesu kabla bablane ni, abu nénweni ɔku ɔmɛni. Na búti buute amii Kristo Yesu badi ƒui ku baƒɔtaadine lɛkpa batɔnkune ku bebunkune bani ƒui nkya Ƒilipi.

Koloseƒuɔ 1:1

Ami Paulo ɔni nkɛnku Katɔti lɛƒɔyɔ lɛlɔ ɔsu na ndi Yesu Kristo ɔtalane ni, ami ku bula ɔnwa Timoteo muunweni ɔku ɔmɛni.

Tesalonikaƒuɔ 2 1:1

Ami Paulo ku Silivano ku Timoteo búnweni ɔku ɔmɛni buute amii bani ndi bula Unwoti Katɔti ku Blɔti Yesu Kristo badi na Tesalonika.

Timoteo 1 1:2

Na líti muute awɔ Timoteo. Agyi ka ubi na adi-mi na bɔƒɔtaadi kemmo. Na muuvele Unwoti Katɔti ku Blɔti Yesu nnii bana lɛƒɔndia lɛsiaku-ɔ na banu-ɔ kɔnyana na bete-ɔ keyi buɛɛ.

Timoteo 2 1:2

Mina ubi ɔyɔne Timoteo, muuvele Katɔti ku Blɔti Yesu Kristo lɛƒɔndia nnii lɛsiaku-ɔ na lɛnu-ɔ kɔnyana na lite-ɔ keyi buɛɛ.

Hebriƒuɔ 13:23

Mɔɔyɔ́ ka lɛya bɛti ka bányonu bula ɔnwa Timoteo na aban ɔtɔ. Na si úyile mɛni búbeduo ni, ami ku-nwu bɔdubo bubanu-mii.

Petro 1 5:12

Silivano ɔni na mɔɔbu aani ɔƒɔtaadine ɔnwa ɔni mɔɔdi bɔƒɔtaadi bammɔ lɛlɔ geen ni, anwu nébunku-mi na búnweni ɔku klukui ɔmɛni buute-mii. Na mɔɔwia ka lɛkya-mii ogya na lidie kenye lɛsu-mii ka ni, ala ani lɛlɔ na línweni ɔku ɔmɛni lɛ́siku ni, adi kalɛ na Katɔti kaƒɔ kadia kete-bu. Anwuɔsu binye kpakplaa.

Yohane 1 1:3

Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.