Korintoƒuɔ 1 9:7 - Katɔti Ɔku Kedee

⁷ Ukpone ɔdi biala uláƒɔ nwuna lili kayu na bekpone kakyakɔ. Na umonsene biala ni, ubo kuƒi ka ɔdi nwuna kemmo edula. Na bebuo lɛlɔ ɔnune biala ubo kuƒi na uti bebuo bammɔ anyi ntu ɔbla lɛdila.

Korintoƒuɔ 1 9:7 ပူးပေါင်းရင်းမြစ်များ

Agba 27:18

Kabla bablane bani mɔɔnu kɔdingyii kɔdi lɛlɔ bebo kuƒi ka badi-ku ebi. Lɛni kani na kabla bablane bani mɔɔgyumana kabla ɔlati ɔdi kabla ka katɛ ni, badubo lɛyuƒɔla bɔƒɔ.

Agba 27:27

Na bese bammɔ badubɔyu anyi ntu pii bete awɔ ku ƒula kaduli bekyuli ku kabla bablane.

Lɛnu Ƒui Ɔnu 8:12

Nsu mina adingyii kemo ni, ami lɛti kadi na kadi. O Salomo, nwuna sika ɔƒualadi apim unwi ɔdi ƒula ɔdi. Na bani mɔɔnu-ka lɛlɔ ni, bana ɔdi ndi sika ɔƒualadi koƒo kunwi.

Yesaia 7:22

Na lɛnyi ntu pii lɛni na bebuo bammɔ badubo butaayu ɔsu ni, nkyuli ɛlɛɛ bani ndubo bubu mmɔ badubɔkɛ lɛnyi ntu pii na udu-ma bɔni.

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Lɛkpa Ulu 18:8

Na ɔlɛka bete-nwu adila aani kalɛ na beete bakpane bani nlie mmɔ adila ina ka nwuna kaduli bekyuli béte-nwu egulabi adi.

Lɛkpa Ulu 20:6

Na basɔ beye bekpone bammɔ benu si ɔnana ɔdi ɔkya-ma akɔ na ɔ́tuma adingyii kemo kadi, nsu útakɛ kɔnu útaƒɛ edula ammɔ tɔ? Na si ɔdi ɔtuna ka “Ɛɛn” ni, bɛya na unwini usie kaduli. Si ɔɔɔdi lɛni na ɔ́ta úsie kekpo kammɔ na útékpi ni, ukyuli bamba ndubɔni kɔdingyii kɔmmɔ ntɛ bute-nwu.

Timoteo 1 1:18

Mina ubi Timoteo, kabla ku ɔda bubo bɔni na líti muute-ɔ mɛni ni, kadanku ala ani na bula kenye bediene básu básiku-ɔ lɛlɔ. Ƒie etemila amɛni da na adubɔdi likpidi lɛlɔ na Blɔti kekpo kamɛni kemmo.

Timoteo 1 6:12

Nye bɔƒɔtaadi kabla lɛlɔ kpakplaa na adi lɛlɔ na akɛ ngba bɔni nsɔ naaadubo bɔyii kudii. Ngba bɔmɛni ɔsu na Katɔti ɔ́ƒuna-a uwi ɔni na édie ƒula lɛlɔ kalɔ na baƒɔtaadine bakladi anumi.

Timoteo 2 4:7

Líkpo kekpo kabuni na lɛ́wɔlɔ mina kabla aani usi ukeline buni kalɛ. Na lɛ́da mina bɔƒɔtaadi na Kristo kemmo útédu kawɔlɔkɔ.

Petro 1 5:2

Na mɔɔsu-mii nnii bɛda bina baƒɔtaadine bani na Katɔti úti úte-mii kaduɛ aani kalɛ na baƒonu ɔdane ɔɔnu nwuna baƒonu lɛlɔ. Bɛda-ma aani kalɛ na Katɔti ɔɔwia, na utabla aani si ukyuli ɔdi nnye-mii lɛlɔ. Na bitabla kabla kammɔ na lɛyuƒɔla ɔsu, mmomu ka bɛɛyɔ́ ka bibunku bekyuli ɔsu.