Korintoƒuɔ 1 9:20 - Katɔti Ɔku Kedee

²⁰ Uwi ɔni na mɔɔbla kabla na Yudaƒuɔ akɔ ni, lílie ngba aani Yudani kalɛ na lɛkana lɛƒɔ-ma lite Blɔti. Na ina ka lɛɛɛkya Mose ɔda bubo kalɔ muedi ni, lílie ngba lɛni ku bani mɔɔdi nwuna ɔda bubo bɔmmɔ lɛlɔ uwi ɔni na lɛ́kya-ma akɔ kalɛ na lɛkana na lɛƒɔ-ma lite Blɔti.

Korintoƒuɔ 1 9:20 ပူးပေါင်းရင်းမြစ်များ

Batalane Kabla 16:3

Anwu geen na Paulo ɔ́wia ka utiku na ɔsiaku-nwu. Anwuɔsu ɔ́bla-nwu Yudaƒuɔ ɔlɔna bukulo ɔdi, ɔsika Yudaƒuɔ bani nkya amadɔ mmɔ ƒui bagyi ka ɔti ɔdi Grikini.

Batalane Kabla 18:18

Amu na Paulo úlie Korinto ɔma ɔmɛni kemmo emeyi pii. Na nwuna kama ni, ɔ́kada baƒɔtaadine bamɛni na anwu ku Akwila ku Priskila básia ntu anumi bésie Siria. Nsu asa na watɔlɔ ni, Paulo ɔ́ya na békpeyi-nwu lili na Kenkrea na Yudaƒuɔ ɔdi lɛlɔ ɔ́si kenye kani na úse ɔsu.

Romaƒuɔ 11:14

Na nsia lɛnu ɔkɛnku ɔmɛni lɛlɔ ka ni, anumi adubugyie mina bekyuli, na badi bakɛ ngba bɔƒɔ.

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Galatiƒuɔ 2:19

Mmomu nse aani ukyuli ɔni nélie ngba ɔkɛnku ɔda bubo bɔkukudi bɔmmɔ lɛlɔ na úkpi ɔsu ɔda bubo bɔmmɔ lɛnɔ búkpi kalɛ na lilie ngba lite Katɔti.

Galatiƒuɔ 4:21

Mɔɔyɔ́ ka liye amii bani mɔɔyɔ́ ka bɛsɔ bɛkya ɔda bubo bɔmmɔ kalɔ nnii lɛla lɛni na ɔda bubo bɔmmɔ bɔdanku ni, biinú-mu kalɔ geen?

Galatiƒuɔ 4:5

kalɛ na ɔda bani nkya ɔda bubo bɔmmɔ kalɔ udie na benwini Katɔti bebi geen.

Galatiƒuɔ 5:18

Na si Kɔyu kɔ́tɔnku-mii ni, na biiibo ɔda bubo bɔmmɔ kalɔ.