Korintoƒuɔ 1 9:12 - Katɔti Ɔku Kedee

¹² Si bekyuli bamba bébo kuƒi ka bakɛ kɔsia kɔdi basiku-mii kudɔ ni, na abu bubo kuƒi kɔmmɔ udu butulo-ma muedi. Nsu abu búteti kuƒi kɔmmɔ bútablaku lɛla lɛdi. Mmomu abu búti lɛla biala bɔ́sia lɛlɔ kalɛ na Kristo litemi buni lɛmmɔ lɛkɛ ulu na ligyingya lisie kesii biala.

Korintoƒuɔ 1 9:12 ပူးပေါင်းရင်းမြစ်များ

Ala Kalɔ Buse 24:56

Mmɔ na ɔnana ɔmmɔ lɛnɔ ɔ́su ɔnini, “Bɛsɔ bitaƒɔ-mi bitakya mɛni uwi ɔni na Katɔti ɔ́ɔya na lɛla biala líbo líte kalɛ na ɔ́tina na ulu ɔni na muusié kemmo. Anwuɔsu bidie-mi ulu na nteesie mina ɔtɔlati kudɔ.”

Nehemia 4:8

Ɔmmɔ ɔsu bekyuli bamɛni béti kasusu kekpidi básala ka batákya-ku bekyuli bammɔ unyeƒi na bekpoku-ma na Yerusalem.

Luka 11:52

“Bɔbuɛ muute amii ɔda bubo ala batinane! Ɔsika ɔtɔ ɔni kemmo na lɛnunda lɛkya ni, bɛ́kalɛ kayakun kammɔ bíse. Nsu amii alati bini bɛnii bileduo. Na biitile bekyuli bamba bani mɔɔwia beduo lɛnɔ kuƒi.”

Batalane Kabla 18:3

na ɔ́kya-ma kudɔ úteebunku-ma na bebuo lɛku bɔka kabla kani na anwu lɛnɔ ɔɔbla taadi kemmo.

Romaƒuɔ 15:22

Kabla kamɛni ndi lɛla lɛni neeete-mi kuƒi ɔsu na naaakana-mii kudɔ bubo.

Korintoƒuɔ 1 13:7

Enu aláƒɛ bɔyɔ, na nwuna bɔƒɔtaadi ku lɛnunsia ku nwuna bunye kpakplaa buláyuɛ.

Korintoƒuɔ 1 6:7

Kasusu kani na bɛdanku asa na biiti lɛlɔ teesienku litemi katɛkɔ lɛti pɛ ɔɔtina ka bina bɔƒɔtaadi bɔ́sɔ ƒui. Aani ɔƒɔtaadine kalɛ ni, si ukyuli ɔdi ɔɔƒiɔ́-ɔ na ákya ɔkplu na átakya-nwu kenye ni, ɔdia utulo. Lɛni kani si ukyuli ɔdi úti-ɔ lɛla lɛdi ni, takpete ukyuli ɔmmɔ.

Korintoƒuɔ 1 9:14

Lɛni kani geen na Blɔti úbo ɔda ɔnii bekyuli bani mɔɔkɔ́ litemi buni lɛmmɔ lɛsa teete bekyuli ni, lɛsa lɛni baakɔ́ kemmo na ɔlɛka badi.

Korintoƒuɔ 1 9:15

Nsu ńtablaku kuƒi kɔmɛni lɛla lɛdi. Munuu muunweni-mii ɔku ɔmɛni na lɛwia lɛla lɛdi lɛsiku-mii kudɔ? Si ɔmmɔ ɔsu ni, si líkpi muedi ɔdia-mi utulo. Ɔsika naaawia nnii lɛla lɛni lɛlɔ na mbo kuƒi ka lɛkun lɛmɛnɛ ni, ukyuli ɔdi uti-ni unwini etemila keeke.

Korintoƒuɔ 1 9:16

Liiibo kuƒi kɔni na ntaakun lɛmɛnɛ ka mɔɔkɔ́ litemi buni lɛmmɔ lɛsa ɔsu. Blɔti ɔdubɔni-mi kɔtu si ńtakɔ litemi buni lɛmmɔ lɛsa ńtete bekyuli!

Korintoƒuɔ 1 9:18

Na bi kayu baaƒɔ-mi? Lɛyuƒɔla lɛni na mbo ndi ka lɛkɔ litemi buni lɛmmɔ lɛsa ku kaƒɔ ƒaa. Na lɛɛɛdubo mina kadikɔ ƒui kama bɔsia na litemi buni lɛni mɔɔsu mɛni kemmo.

Korintoƒuɔ 1 9:2

Si ina badi balaƒɔ-mi aani Blɔti ɔtalane ni, amii bɛ́ƒɔ-mi lɛni. Na kalɛ na bɛ́bla unwi ku Blɔti ni, ɔmmɔ lɛti pɛ ɔ́ya na amii alati biidie ɔmɛni taatina nwaa ka ndi Blɔti ɔtalane.

Korintoƒuɔ 2 11:12

Ndubusie anumi na naaaƒɔ bina kebunku. Ɔmɛni ɔdubɔya na bani mɔɔlɔ lɛlɔ banii batalane ni, balákɛ kuƒi na bakun lɛmɛnɛ na basu banii ama lɛnɔ baabla kabla aani bula kalɛ.

Korintoƒuɔ 2 11:20

Na bɛɛtunaku-ma si ɔdi úti-mii ɔ́bla nwuna kabla ɔblane iye ɔ́kɛ-mii lɛlɔ kɔsia kɔdi iye ɔ́kywɛ-mii kakpagyuɛ kadi iye baanu-mii kalɔ kalɔ iye ɔ́ƒiɛmi-mii ɔtugya muedi.

Korintoƒuɔ 2 2:12

Uwi ɔni na líbo ḿbakɔ Kristo litemi buni lɛmmɔ lɛsa na Troia ni, Blɔti ɔ́lɛmi kuƒi ka lɛbla nwuna kabla na mmɔ.

Korintoƒuɔ 2 6:3

Bulayɔ ka ɔdi udie-bu bɔƒiɔ bɔdi na bula kabla kemmo. Ɔmɛni ɔsu bulabla lɛla lɛni maya na bekyuli belebo Katɔti kudɔ.