Korintoƒuɔ 1 8:9 - Katɔti Ɔku Kedee

⁹ Bɛnu kaduɛ na bina kuƒi kɔni na bibo lɛlɔ kalɛ na uleboku ukyuli ɔni na nwuna bɔƒɔtaadi buuubo ɔkplu kalɔ na wabla likpidi lɛdi.

Korintoƒuɔ 1 8:9 ပူးပေါင်းရင်းမြစ်များ

Yesaia 35:3

Bɛkya bekyuli bani na enu áƒɛ-ma na bábla kpɛtɛ kpɛtɛ ogya, na bani na bana akɔnkɔ áyɔ na aatɔ́ ayu ɔkplu.

Yesaia 57:14

Na Unwoti ɔdubɔsu ɔnini, “Bɛbwɛ lilu ƒui bise kaduɛ bite mina kadi bekyuli na babasia-nwu lɛlɔ!”

Esekiel 14:3

“Esekiel, ɔyawine ubi, bekyuli bamɛni béese kalɔ baakpá baƒiɔ ina ka bagyi nwaa ka ɔmmɔ adubɔya na beduo ekpidi pii bamba bɔbla kemmo. Anwuɔsu líni nnii lɛɛɛdubo-ma kenye kadi bɔkya!

Esekiel 44:12

Nsu ka Lewiƒuɔ bamɛni bébunku Israelƒuɔ na bákpa baƒiɔ ɔsu ni, ami Unwoti Katɔti líse kenye kpakplaa ka bani Lewiƒuɔ kɔtu, ɔsika bátabala Israelƒuɔ na benwini na baƒiɔ bɔkpa kama.

Lewiƒuɔ Ɔda Bubo 19:14

“ ‘Ɔdi utewida ɔmumu iye eti lɛla lɛdi etile ɔnumbwɛne ulu mmomu bɛyia bina Katɔti. Ami ndi Unwoti.

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Romaƒuɔ 15:1

Abu bani na bula bɔƒɔtaadi bɔ́ɔyu ɔkplu ni, ɔlɛka bɔkɛ kayi bute ala ani na bekyuli bani na bana bɔƒɔtaadi bútayu tɔ ɔkplu baabla na bubunku-ma. Na ɔɔɔdi ka bɔbla lɛla lɛni mayɔ-bu kaƒɔ lɛti.

Korintoƒuɔ 1 10:24

Ɔƒɔtaadine ɔdi utawia anwu lɛti bɔdia, mmomu ɔwia lɛla lɛni madia mete nwuna ɔkpana lɛnɔ.

Korintoƒuɔ 1 10:28

Mmomu si ukyuli ɔdi ɔ́su-ɔ ɔnii béti adila ammɔ bákpa béte baƒiɔ badi ni, tadi-nya. Ɔmɛni ɔdubɔya na kayi kelékpoku ukyuli ɔmmɔ.

Korintoƒuɔ 1 10:29

Ɔsika ɔɔɔdi awɔ ɔni nádi adila ammɔ na kayi kadubo bukpoku. Mmomu ukyuli ɔni nánu ɔ́su-ɔ na kayi kadubo bukpoku. Ukyuli ɔdi ɔdubɔkana na uye ɔnii, “Bi ɔsu na si mbo kuƒi na lɛbla lɛla lɛdi na ukyuli bamba kayi kani mekpoku-nwu ɔsu na ɔdi ka lɛda lɛla lɛmmɔ bɔbla lɛya?

Korintoƒuɔ 1 10:32

Bitabla lɛla lɛni maya na Yudaƒuɔ iye bani naaadi Yudaƒuɔ iye baƒɔtaadine belebo Katɔti kudɔ.

Korintoƒuɔ 1 8:10

Kali nu si ukyuli ɔni na nwuna bɔƒɔtaadi buuubo ɔkplu ɔnu-ɔ aani ukyuli ɔni na ƒula lɛnunda lísie anumi ka aadi adila ani bákpa béte baƒiɔ na nwuna ɔtɔ. Anwu lɛnɔ ɔdubɔkɛ ɔyikun na ɔdi adila ani na béti bákpa béte baƒiɔ mmɔ.

Korintoƒuɔ 1 8:12

Si úbo lɛni ni, na aabla likpidi taaƒiɔ ƒula baƒɔtaadine bakpana. Na áya na bani bɔƒɔtaadi neeebo ɔkplu bɔdubo-ma buteekpoku na bana kɔyi kemmo. Na si úbo lɛni ni, aabla likpidi taaƒiɔ Kristo.

Korintoƒuɔ 1 9:22

Si nkya bani na bana bɔƒɔtaadi buse kpɛtɛ kpɛtɛ akɔ ni, mɔɔbla lɛlɔ aani ama kani kalɛ na lɛkana lɛƒɔ-ma lite Blɔti. Ɔmɛni ɔsu lɛ́manku-ma na línwini bekyuli ƒui ɔkpana kalɛ na lɛsia ulu biala lɛlɔ na lɛƒɔ bekyuli badi lite Blɔti.

Korintoƒuɔ 2 11:21

Nsu abu ni, bɔɔyia ka bɔbla ala ammɔ udu. Munuu bɛɛbu bɛnii kɔƒa muukpó-bu? Nsu si ɔdi ɔkana kayi buse na ɔkun lɛmɛnɛ ni, ami lɛnɔ mbo kuƒi kɔmmɔ udu. Ala amɛni ƒui ese aani kɔnamutɛ, nsu ɔlɛka lɛsu.

Korintoƒuɔ 2 11:29

Si ɔdi ɔbla kpɛtɛ kpɛtɛ na kalɛ na ɔ́ƒɔ ɔ́di ɔsu ni, ɔɔyá na enu aaƒɛ-mi. Na si likpidi kemmo na ɔdi úduo ni, ɔɔyá na ɔƒɛ ɔɔdá-mi.

Korintoƒuɔ 2 6:3

Bulayɔ ka ɔdi udie-bu bɔƒiɔ bɔdi na bula kabla kemmo. Ɔmɛni ɔsu bulabla lɛla lɛni maya na bekyuli belebo Katɔti kudɔ.

Galatiƒuɔ 5:13

Banwa, bɔlɔ na Katɔti ɔ́lɔ-bu ɔnii bɔkɛ bɔnwuna. Nsu utalɛka buti bɔnwuna bɔkɛ bɔmɛni butaabla ala ekpidi. Mmomu ɔlɛka buti-mu buteebunku lɛlɔ na bɔyɔ kemmo.

Koloseƒuɔ 2:8

Bɛnu kaduɛ kalɛ na ukyuli ɔdi uleti nwuna kayawi lɛnunda lɛni neeebo kɔsia kɔdi ulátɔlɔ-mii. Ɔsika lɛnunda lɛmmɔ ni, lɛsiaku bati kuuku ɔdi bɔbla ku kayawi kamɛni ala bɔtina kama na ɔɔɔdi Kristo kudɔ na ɔ́si.

Petro 1 2:16

Bilie aani bekyuli bani naaakya bekyuli bamba kalɔ. Nsu bitabla likpidi ka bilie bite lɛlɔ ɔsu. Mmomu bilie ngba aani Katɔti kabla bablane.

Petro 2 2:19

Ɔkɔ ala batinane bamɛni beesé kenye ka badubɔbla bana kama basiakune na bakɛ bɔnwuna uwi ɔni na ama alati bénwini kabla bablane béte ekpidi ani ndubo-ma bɔkyula. Ɔsika ukyuli ɔdi kabla ɔblane ute lɛla lɛni nádi-nwu lɛlɔ.

Budie Taatina 2:14

“Nsu alakpa alɛɛ adi ábala-mii. Bibo bekyuli badi na bina akɔ mmɔ bani mɔɔsiaku Bileam ala bɔtina kama. Ukyuli ɔmɛni nátina Balak kalɛ na ɔtɔlɔ Israelƒuɔ. Na ɔ́kpanku-ma útákya likpidi kemmo. Baadi adila ani na béti bákpa béte baƒiɔ, na bábla lɛyalɛ ala.