Korintoƒuɔ 1 7:30 - Katɔti Ɔku Kedee

³⁰ Na bekyuli bani muuwulo ni, babla aani si bana lɛlɔ liiibo kɔnyana. Na bani mɔɔmá ni, babla aani si kubiti kuláda-ma. Na bekyuli bani muuyé ala ni, babla aani si ala ani na béye ƒui aaadi bana ɔdi.

Korintoƒuɔ 1 7:30 ပူးပေါင်းရင်းမြစ်များ

Kɔgya 30:5

Uléti kɔnyi taakya ukyuli uwi gyɔlɔɔ. Mmomu nwuna lɛƒɔndia lise lísela uwi ƒui. Si ina keku sɔɔn na buuwulo usien umodi ni, lɛlɔ lɛdubɔyɔ-bu ɔtanta.

Etemila 3:4

Uwi ɔni na beewulo ɔkya, na uwi ɔni na baamá lɛnɔ ɔkya. Na uwi ɔni na beewulo kɔnyana ɔkya, na uwi ɔni na baatɔ́ lɛnɔ ɔkya.

Yesaia 25:8

Ɔdubɔyila kukpi aani kalɛ na beebweli lɛla lɛdi na kɔsɔ kulakya lɛnɔ kudii. Unwoti Katɔti ɔdubuni imii udie ukyuli biala anumi na kɔƒa kɔni muukpó nwuna bekyuli kɔdubukeli ƒui kede kede na kayawi kemodi kammɔ kemmo, ɔsika Unwoti ɔlati násu ɔmɛni úse.

Yesaia 30:19

O amii Sion kadi bekyuli bani nli Yerusalem ɔma, útalɛ ka bɛsɔ bilie biteewulo. Unwoti ubo lɛƒɔndia geen na si bɛ́va bɛ́kpali-nwu ɔdubunu na nanu-mii kɔnyana.

Esekiel 7:12

Uwi ɔdubo ɔni na ukyuli biala ɔdubo udu bɔyii. Na liyedi teete lɛlɔ kenye kadubo buklo.

Luka 16:25

“Nsu Abraham ɔ́su-nwu ɔnini, ‘Ubi, nyimo ka na ƒula ngba bɔni na élie kemmo ni, ala abuni sɔɔn na áƒɔ. Na Lasaro anwu ni, ala ekpidi sɔɔn na ɔ́ƒɔ. Nsu ɔƒɛni ni, ɔɔkɛ́ ebiti na awɔ eebó abi.

Luka 6:21

Lɛlɔ litaayɔ amii bani na kɔka kɔɔda ɔƒɛni, ɔsika amii ndubumo! Lɛlɔ litaayɔ amii bani muuwulo ɔƒɛni, ɔsika bɛdubɔma!

Luka 6:25

Bɔbuɛ muute amii bani némo ɔƒɛni, ɔsika kɔka kɔdubo-mii bɔda! Bɔbuɛ muute amii bani mɔɔmá ɔƒɛni, ɔsika bɛdubo kɔnyana ku keku buwulo!

Yohane 16:22

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Korintoƒuɔ 1 7:29

Lɛla lɛni na mɔɔsu-mii ni, ani ndi ka uwi ɔ́sɔ útene. Na ɔ́si ɔƒɛni úsela ni, ɔdi ka amii beleku bagya bilie ngba aani bakinsi.

Korintoƒuɔ 1 7:31

Na bani nnye kayawi kamɛni akɛla kenye ni, beteti anu batasia-nya lɛlɔ. Ɔsika kalɛ na bɔɔnu kayawi kamɛni ɔƒɛni ni, ɔɔɔdi lɛni na kadubo buse na uwi klukui ɔdi kama.

Budie Taatina 18:7

Na kalɛ na ɔma ɔmmɔ ɔ́kɔliku lɛlɔ katɔ na nwuna adikpi bɔdi akɛla kenye ni, bɛya na ubo abi na uwulo utédu ekpidi ammɔ kenye. Ɔsika ɔma ɔmmɔ use aani uleku ɔni násu na nwuna kayi kemmo ɔnini, ‘Uleku Ɔga na ndi, na nlie mina lɛgaboku lɛlɔ. Lɛɛɛdi ukpinele, na lɛɛɛdubo kɔnyana kɔdi lɛnɔ buwulo kudii!’

Budie Taatina 7:17

Ɔsika Koƒonu Ubi ɔni nlie lɛgaboku lɛlɔ na mmɔ ni, anwu ndubɔda-ma aani baƒonu ɔdane buni. Na ɔdubo-ma bɔtɔnku busienku abiɔ ani kemmo na ntu bɔni muute ngba buwi uwi biala. Na Katɔti lɛnɔ ɔdubo-ma imii buni.”