Korintoƒuɔ 1 7:28 - Katɔti Ɔku Kedee

²⁸ Nsu ni, si éti uleku ni, átabla likpidi lɛdi. Na si uleku ɔni na nka uuulie kɔgya úlie kɔgya ni, útabla likpidi lɛdi. Nsu mɔɔyɔ́ ka lɛda-mii lidie abi ani na ɔgya ku ule beebó na bana ngba kemmo.

Korintoƒuɔ 1 7:28 ပူးပေါင်းရင်းမြစ်များ

Mateo 5:32

Nsu ami mɔɔsu-mii nnii si ɔnana ɔdi ɔ́nyonu ulekudi ɔni na ɔɔɔdi kɔsɔnɔ na ɔ́di ni, ɔnana ɔmmɔ náya na ɔ́di kɔsɔnɔ. Na ɔnana ɔni meti uleku ɔmmɔ lɛnɔ ɔ́di kɔsɔnɔ.

Korintoƒuɔ 1 7:26

Si ukyuli ábu ánu kalɛ na beekpóku bekyuli uwi ɔmɛni kemmo ni, mɔɔbu nnii ɔdia ute ɔnana utulo si ɔdi ɔkinsi.

Korintoƒuɔ 1 7:27

Na si éti uleku ni, tasu anii aanyonu-nwu. Na si eeeti ni, tasu anii atáwia uleku ɔdi eti.

Korintoƒuɔ 1 7:29

Lɛla lɛni na mɔɔsu-mii ni, ani ndi ka uwi ɔ́sɔ útene. Na ɔ́si ɔƒɛni úsela ni, ɔdi ka amii beleku bagya bilie ngba aani bakinsi.

Korintoƒuɔ 2 1:23

Katɔti ɔlati ɔgyi ka naaayɔ ka libo mbani-mii kɔtu. Na ɔmɛni ɔdubɔya na lɛla lɛdi lɛsɔ lilékpoku-mii ka ɔɔɔdi ɔmɛni ɔsu na lɛ́bla kasusu nnii neeebo Korinto tɔ.

Hebriƒuɔ 13:4

Ɔgya ku ule ngba bulie ni, ɔdi ka bite-mu ɔbu geen. Na ɔdi utalɛ ɔkpanadi kama. Ɔsika Katɔti ɔdubɔtɛku ukyuli ɔni mɔɔdi kɔsɔnɔ litemi ku bani na lɛyalɛ ala áƒɔ-ma lɛlɔ kemmo.