Korintoƒuɔ 1 7:21 - Katɔti Ɔku Kedee

²¹ Si ukyuli bamba kabla na aabla asa Katɔti ɔ́lɔ-ɔ ni, ɔmmɔ utekpoku-ɔ. Nsu si ákɛ ulu ɔni na ada ukyuli bamba kabla bɔbla aya na akɛ bɔnwuna ni, sia ulu ɔmmɔ lɛlɔ.

Korintoƒuɔ 1 7:21 ပူးပေါင်းရင်းမြစ်များ

Luka 12:29

Anwuɔsu bitayia na anumi eteegyie-mii na biteeye bɛnii bi na bɔdubɔdi iye bi na bɔdubɔni.

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Korintoƒuɔ 1 12:13

Lɛni kani na use na abu bani ndi Yudaƒuɔ ku kadi bamba bekyuli akɔ ku bani mɔɔbla bekyuli bamba kabla ku bani mɔɔbla ama alati kabla lɛnɔ akɔ. Kɔyu kunwi kɔmmɔ kani na béti bábla-bu ntu bɔkpila ɔdi ɔmmɔ na bɔdi ɔlɔna unwi. Na Kɔyu kunwi kɔmmɔ na béte bula ƒui na bɔ́ni.

Korintoƒuɔ 1 7:20

Anwuɔsu kuƒi kɔni na ebo na ƒula kenyekɔ uwi ɔni na Katɔti ɔ́lɔ-ɔ ni, da-nwu lɛni kani.

Korintoƒuɔ 1 7:22

Si aabla ukyuli bamba kabla asa na Blɔti ɔ́lɔ-ɔ ni, énwini ukyuli ɔni na ebo bɔnwuna na Blɔti kudɔ. Na lɛni kani na si aabla awɔ ɔlati kabla asa na Blɔti ɔ́lɔ-ɔ ni, énwini ukyuli ɔni mɔɔbla Blɔti kabla.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Ƒilipiƒuɔ 4:11

Na ɔɔɔdi bɔsu na mɔɔsu nnii mɔɔyaki lɛla lɛdi, mmomu ka lɛ́tɛya kalɛ na lɛla biala na lɛ́kɛ liduku-mi ɔsu.

Ƒilipiƒuɔ 4:6

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Petro 1 5:7

Biti bina ala ani muukpóku-mii ƒui bɛkya Katɔti enu kemmo, ɔsika anwu uuti-mii lɛlɔ kasusu uwi biala.