Korintoƒuɔ 1 7:19 - Katɔti Ɔku Kedee

¹⁹ Ɔsika si ɔdi ékulo lego iye étekulo lego ni, ɔmmɔ ɔɔɔda. Mmomu kalɛ na abla lɛla lɛni na Katɔti ɔ́su-bu ka bɔbla ni, anwu nda.

Korintoƒuɔ 1 7:19 ပူးပေါင်းရင်းမြစ်များ

Mateo 5:19

Anwuɔsu si ukyuli ɔdi ɔ́ta unye ɔda bubo bɔmɛni lɛlɔ na ɔ́tina bekyuli bamba lɛnɔ ɔnii babla lɛni ni, balabu-nwu na Katɔ Ɔga Ɔma. Nsu ukyuli ɔni madi ɔda bubo bɔmɛni lɛlɔ na watina bekyuli bamba lɛnɔ ɔnii babla lɛni ni, badubɔbu-nwu geen na Katɔ Ɔga Ɔma.

Yohane 15:14

Na amii ndi mina bakpana si bɛɛdi mina ɔda ɔni na líbo-mii lɛlɔ.

Romaƒuɔ 3:30

Ɔsika Katɔti unwi pɛ kani nkya na anwu ndubɔbla na Yudaƒuɔ baabla siin ɔkɛnku bɔƒɔtaadi lɛlɔ. Lɛni kani na ɔdubɔbla bani naaadi Yudaƒuɔ lɛnɔ na babla siin ɔkɛnku bɔƒɔtaadi bɔmmɔ kani lɛlɔ.

Korintoƒuɔ 1 8:8

Ɔɔɔdi adila adi bɔdi ndubɔya na abu ku Katɔti ntɛ bɔdia bubu. Na bulayila lɛla lɛdi si bútadi. Na lɛni kani na bulákɛ lɛla lɛdi si bɔdi adila adi.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Galatiƒuɔ 6:15

Na ɔɔɔdi lego bukulo iye ago tekulo na bɔɔwia, mmomu lɛla lɛni na bɔɔwia ndi ngba bɔwɔdi bulie.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Yosua 5:5

Na banana bammɔ ƒui békulo ago. Nsu banana bani ƒui na báwɔ na bana ulu busie na kalɔ kakwiidi kemmo ni, bétekulo tɔ ago.

Budie Taatina 22:14

“Lɛlɔ lɛdubɔyɔ bekyuli bani náklibi lɛlɔ bése aani kalɛ na baaƒɔ lɛwu sɛɛn. Ama ndubɔkɛ kuƒi ka badi kugyii kɔni muute ngba mmɔ ebi. Na badubɔsia kayakun mmɔ beduo Katɔ Ɔga Ɔma ɔmmɔ kemmo.

Samuel 1 15:22

Nsu Samuel údie kenye ɔnini, “Akpala na Unwoti ɔɔwia ɔnii bakyula bete-nwu, munuu nwuna litemi lɛlɔ na ɔɔwia ka bekyuli badi? Si eenú-nwu litemi na aadi-ni lɛlɔ ni, ɔdia utulo ka eti akpala iye baƒonu lɛmwi akpa ete-nwu.