Korintoƒuɔ 1 6:9 - Katɔti Ɔku Kedee

^9-10 Na bɛgyi geen ka bekyuli bani mbo likyulikpi balákɛ Katɔti lɛga kadikɔ. Bitabu bina lɛlɔ kɔdɔlɔ! Ɔsika bekyuli bani mbo lɛyalɛ iye bani mɔɔkpá baƒiɔ iye baadi kɔsɔnɔ iye bani néti lɛlɔ kudɔ bɔtɛ bénwini liyedi iye banana bani mɔɔtɛnku lɛlɔ aani beleku kalɛ iye bani muuyú iye bani mbo lɛnungyie iye bani mɔɔní ntɛ teekpi iye beebile bekyuli anyi iye bani muuti bekyuli egulabi taadi ni, bana akɔ ɔdi biala uléduo Katɔti lɛga kadikɔ.

Korintoƒuɔ 1 6:9 ပူးပေါင်းရင်းမြစ်များ

Ala Kalɔ Buse 19:5

Amu na bákpali Lot beye-nwu banini, “Ntele bekyuli bani néduo-ɔ. Kpanku-ma boku na abu ku-ma bɔtɛ aani ɔnana ku uleku.”

Israelƒuɔ Bɔlɛ 23:1

“Ukyuli ɔdi utegyingya ɔkɔ etemila. Na ɔdi utenye ɔlalane kama utedie kenye utete-nwu ulu ukpidi lɛlɔ.

Agba 11:1

Unwoti ukisi uyedine mɔɔnya ukyuli akya. Nsu lɛlɔ lɛɛyɔ́-nwu si ɔɔkɔ́ku ala teete-ma.

Agba 22:8

Bekyuli bani na litemi lɛlɔ tadi ulu lɛlɔ ebi na baavá na bekyuli akɔ ni, ɔgbankpi ebi na badubo bɔƒɛ. Na bana liƒu lɛni baakya bekyuli na baadi-ma lɛlɔ kenye kadubo buklo.

Agba 7:27

Uleku ɔmɛni ɔtɔ ni, kaƒiɔtɔ ulu unengudi na ɔdi. Na ɔtɛ úsie kekpine ubu kalɔ kemmo lɛtɔ lɛmmɔ kemmo.

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Esekiel 18:11

ina ka ɔti útabla ala ammɔ udu kudii. “Na ɔkɛ aƒiodu ɔɔkun lɛna, na ɔɔtɛnku bekyuli beleku.

Lewiƒuɔ Ɔda Bubo 18:20

“ ‘Útalɛka ukyuli ɔdi ɔtɛnku nwuna ukyulikpana ulekudi na ubile lɛlɔ na ɔmmɔ ɔsu.

Lewiƒuɔ Ɔda Bubo 18:22

“ ‘Útalɛka ɔnana ku ɔnana batɛ aani kalɛ na uleku ku ɔnana baatɛ. Ɔmɛni ɔdi lɛla lɛni muusé Unwoti lɛlɔ.

Lewiƒuɔ Ɔda Bubo 19:15

“ ‘Bitatɛ litemi likpidi na bɛnya ɔwabane ɔdi bɛkya iye binye ɔlakɛne ɔdi kama mmomu bɛtɛ bina bakpana litemi ulu lɛlɔ.

Lewiƒuɔ Ɔda Bubo 20:13

“ ‘Si ɔnana ku ɔnana batɛ aani kalɛ na uleku ku ɔnana baatɛ ni, ɔlɛka badu-ma na bana ubugya ɔdubɔsia-ma lili.

Sakaria 5:3

Amu na ɔ́su-mi ɔnini, “Kakunkɛ kamɛni muuwida ukyuli biala ɔni muuyú iye ɔɔnyi ɔkɔ taatɔlɔ bekyuli na kalɔ kamɛni lɛlɔ. Ala ani na bénweni básia kakɛ kenwi kaatɛmi taasiku kalɛ na badubo beyune udu bɔyila lɛlɔ. Na ala ani na bénweni básia kakɛ kakladi lɛlɔ ɔɔtɛmi taasiku kalɛ na badubo bekyuli bani mɔɔnyi ɔkɔ lɛnɔ udu bɔyila lɛlɔ.

Mateo 19:29

Na ukyuli biala ɔni néni nwuna kaduli iye banwani bananabi iye banwani belekubi iye uni iye bebi iye mmo ka ɔsiaku-mi ɔsu ni, ɔdubɔkɛ-nya akpa eti anyɔ utulo. Na Katɔti ɔdubute-nwu ngba bɔni nsɔ naaadubo bɔsa kudii.

Mateo 25:34

“Na Ɔga ɔmmɔ ɔdubɔsu bekyuli bani nnye-nwu kudɔ ɔnini, ‘Amii ndi bekyuli bani na Katɔti ɔni ndi mina Ɔti ɔ́ya na lɛlɔ lɛdubɔyɔ-mii kaduɛ. Anwuɔsu bibo na bibeduo lɛga kadikɔ kani na Katɔti ɔ́klibi úse úte-mii ɔ́si kayawi kalɔ kesekɔ ƒui.

Luka 21:8

Yesu ɔ́su-ma ɔnini, “Binye kagyumana na ukyuli ɔdi utatɔlɔ-mii. Bekyuli pii bani mɔɔsu banii ami mina kenye na beedie ni, badubo na bábasu banii, ‘Ami na ɔdi,’ na ‘Uwi ɔmmɔ úudu’. Nsu bitasiaku-ma kama.

Batalane Kabla 20:32

“Na ɔƒaani ni, líti-mii mɔɔkya Blɔti lɛkɔkɔ nnii ɔnu-mii lɛlɔ. Na nwuna litemi lɛni muubunku bekyuli mɛni lɛkya bina bɔƒɔtaadi ɔkplu kalɛ na wabla-mii katɔ ala badine aani bani na ɔ́ƒuna úte nwuna lɛlɔ.

Batalane Kabla 24:25

Amu na uwi ɔni na ulie uudie ala kalɔ taasiku bɔƒɔtaadi ngba buni bulie ku lɛlɔ bɔti bɔda ku litemi bɔtɛ bɔni ndubo diɛdi lɛlɔ ni, liƒu geen lɛ́da Ƒelike. Na mɛni na Ƒelike ɔ́su-nwu ɔnini, “Ta, na eteesie. Na si lɛkɛ kɔnu kaduɛ ni, ndubɔya na balɔ-ɔ bete-mi.”

Romaƒuɔ 1:18

Katɔti uudie nwuna kɔnyi keyi taasiku katɔ na ala ani mɔɔta teenye-nwu lɛlɔ ku likyulikpi ala bɔbla bɔni muutile bekyuli kuƒi ka bati Katɔti litemi geen lɛmmɔ.

Korintoƒuɔ 1 15:33

Bitabla susuusu. Kɔkpana kukpidi kuubile udu buni.

Korintoƒuɔ 1 15:50

Banwa, lɛla lɛni kalɔ na muudie ndi ɔmɛni. Lɛla lɛni ndi ɔlɔna ku ubugya ni, lilakana Katɔti lɛga kadikɔ ala bɔdi. Na lɛla lɛni muubie taayii udu ni, lilakana na lɛkya kesii kani na lɛla lɛni neeebie taayii udu lɛkya.

Korintoƒuɔ 1 3:16

Bɛti nwaa ka amii alati ndi Katɔti kakpakɔ. Na Katɔti Kɔyu kɔkya-mii lɛlɔ kemmo.

Korintoƒuɔ 1 5:1

Na ɔƒɛni ni, bekyuli baasu nwaa ka ni, bina akɔ badi baadi kɔsɔnɔ kɔni ntulo bɔsu. Na bekyuli bani naaadi baƒɔtaadine muedi balakana ɔmmɔ udu bɔbla. Básu-mi banii ɔnana ɔdi ku ɔti ulekudi baatɛ!

Korintoƒuɔ 1 5:10

Ɔƒɛni ni, ɔɔɔdi bekyuli bani naaadi baƒɔtaadine na nda. Badi bekyuli bani mɔɔdi kɔsɔnɔ na bebo lɛnungyie ku bani muuti bekyuli egulabi taadi, na baakpá baƒiɔ lɛnɔ. Na si bɛnii bɛɛmami-ma lɛlɔ bɔdi anwu ni, ɔdi ka bɛvi bɛlɛ kayawi kemodi kammɔ ƒui kemmo.

Korintoƒuɔ 1 5:11

Mmomu lɛla lɛni mɔɔtina ndi ka ukyuli ɔni na ɔɔlɔ lɛlɔ ɔnii ɔnwa ɔƒɔtaadine nsu ɔɔdi kɔsɔnɔ iye ubo lɛnungyie iye ɔɔkpá baƒiɔ iye ɔɔlɔ bekyuli anyikpi iye uukpi ntɛ iye uuyú ni, awɔ ku-nwu bitabla lɛla lɛdi bitasala. Na bitakya kɔnu lɛkyami linwi kemmo bitadi muedi.

Korintoƒuɔ 1 6:18

Bɛsɔ bitabla kɔsɔnɔ ala. Likpidi bamba udu biala na ukyuli ɔ́bla ni, lɛɛɛdanku nwuna ɔlɔna. Nsu ukyuli ɔni mɔɔdi kɔsɔnɔ ni, ɔɔbla nwuna ɔlɔna ɔlati likpidi.

Korintoƒuɔ 1 6:19

Bɛgyi nwaa ka ni, bina ɔlɔna ɔdi kakpakɔ ute Katɔti Kɔyu kɔni na Katɔti úti úte-mii na kulie-mii lɛlɔ kemmo. Ɔɔɔdi amii alati mbo bina lɛlɔ.

Korintoƒuɔ 1 9:24

Bɛgyi nwaa ka bekyuli pii muusié usi kekelikɔ. Nsu ukyuli unwi pɛ mɔɔdi lɛlɔ taaƒɔ lɛyuƒɔla. Anwuɔsu bikeli usi ɔmmɔ kalɛ na bɛdi lɛlɔ na bɛkɛ lɛyuƒɔla.

Korintoƒuɔ 2 12:21

Mɔɔyia ka uwi ɔni na nsɔ mebo mmɔ ni, mina Katɔti ɔdubɔya na enu aƒɛ-mi na bina anumi. Na ndubuwulo na bekyuli pii lili, ɔsika bétenwini kayi na bana alaekpidi ani na bábla bábavi ɔsu. Báabla ala ani muusé lɛlɔ, na bádi kɔsɔnɔ, na baaadaku-ni na ulu biala lɛlɔ.

Galatiƒuɔ 6:7

Ɔdi utatɔlɔ lɛlɔ, ɔsika ukyuli ɔdi ulakana na wavi Katɔti kekuma. Ɔsika lɛla lɛni na áva ni, ani kani na adubo bude.

Lɛkpa Ulu 22:22

Na si bíƒie ɔnana ɔdi ka úsie ɔɔtɛnku ukyuli ɔdi ulekudi ni, bibo ɔnana ku uleku ɔmmɔ bɛdu. Na ulu ɔmɛni lɛlɔ na bɛdubɔsia na bɛda likpidi lɛmmɔ udu bidie bina akɔ.

Lɛkpa Ulu 22:5

Uleku utakya ɔnana awu. Lɛni kani na ɔnana lɛnɔ utakya uleku awu. Na bina Unwoti Katɔti ɔdubukisi ukyuli ɔni ndubɔbla ala ammɔ bene udu.

Lɛkpa Ulu 23:17

Na Israelni ɔnana iye uleku ɔdi utenwini ɔyalɛ na koƒiodu kɔdi.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Hebriƒuɔ 12:14

Bɛsia ulu biala lɛlɔ na keyi buɛɛ kakya amii ku bekyuli ƒui ntɛ na bɛbla kedee. Ɔsika ɔdi biala ulakana na wanu Katɔti si uuuse kedee.

Hebriƒuɔ 12:16

Bɛnu kaduɛ kalɛ na lɛyalɛ ala elebile ɔdi kasusu iye ɔsɔ ulayia Katɔti aani kalɛ na Esau útayia ɔsu na úti nwuna linengu kadikɔ úye ɔ́vumanaku adila bɔdi kunwi pɛ.

Hebriƒuɔ 13:4

Ɔgya ku ule ngba bulie ni, ɔdi ka bite-mu ɔbu geen. Na ɔdi utalɛ ɔkpanadi kama. Ɔsika Katɔti ɔdubɔtɛku ukyuli ɔni mɔɔdi kɔsɔnɔ litemi ku bani na lɛyalɛ ala áƒɔ-ma lɛlɔ kemmo.

Yakobo 1:16

Banwa bayɔne, bitaya na ukyuli ɔdi ɔtɔlɔ-mii.

Yohane 1 3:7

Bitaya na ukyuli ɔdi ɔtɔlɔ-mii! Mina bebi bayɔne, ukyuli ɔni mɔɔbla ala ulu lɛlɔ ni, ɔdi ukyuli ɔni nse siin aani kalɛ na Kristo use siin.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.

Litemi Batɛne 19:22

Uwi ɔni bakya baaní taakɛ ebiti ni, bekyuli bekpidi bani nkya ɔma ɔmmɔ kemmo bábaka bámana unengu ɔmmɔ kaduli. Na bakya beebó kaduli kammɔ kayakun, na baakpali unengu ɔni mbo kaduli kammɔ ka udie ɔnana ɔni néduo-ma kaduli mmɔ ɔlɛku na ama ku-nwu batɛ.