Korintoƒuɔ 1 6:7 - Katɔti Ɔku Kedee

⁷ Kasusu kani na bɛdanku asa na biiti lɛlɔ teesienku litemi katɛkɔ lɛti pɛ ɔɔtina ka bina bɔƒɔtaadi bɔ́sɔ ƒui. Aani ɔƒɔtaadine kalɛ ni, si ukyuli ɔdi ɔɔƒiɔ́-ɔ na ákya ɔkplu na átakya-nwu kenye ni, ɔdia utulo. Lɛni kani si ukyuli ɔdi úti-ɔ lɛla lɛdi ni, takpete ukyuli ɔmmɔ.

Korintoƒuɔ 1 6:7 ပူးပေါင်းရင်းမြစ်များ

Agba 2:5

na ɔdubɔya na enu kalɛ na baayia Unwoti kalɔ na ati-nwu lɛnɔ.

Agba 20:22

Tasu ukyuli ɔdi anini, “Ndubɔƒɔ-ɔ likpidi lɛni na ábla-mi kayu.” Ya na Unwoti ɔtɛ-ni ute-ɔ.

Hosea 10:2

Ɔkɔ ɔnyine bonwu na adi na aládi litemi lɛmmɔ lɛlɔ. Anwuɔsu adubo ƒula ekpidi lili kayu bɔƒɔ, ɔsika Unwoti ɔdubo ƒula akpabi ku baƒiɔ bani na ávɔ mmɔ bɔbwɛ na ɔyila-ma udu.

Luka 19:8

Amu na Sakeo ɔ́ta únye na ɔ́su Blɔti ɔnini, “Ati! Buvele, nu! Ndubuti mina lɛkɛ kakɛ kenwi ƒui lite bawabane. Na bekyuli bani ƒui na líti lɛnungyie kemmo lɛ́ƒɔ-ma ala litulo kalɛ na ɔdi ka lɛƒɔ ni, ndubɔƒɔ-ma kayu kammɔ akpa ene.”

Luka 6:29

Na si ɔdi ɔƒiɛmi-ɔ kɔnu ɔtugya unwi ni, ya na ɔƒiɛmi-ɔ ɔtugya unyɔdi lɛnɔ. Na si ukyuli ɔdi úti ƒula awu ɔni na aakya taasia ɔtɔdi lɛlɔ ni, ya na uti ɔtɔdi lɛnɔ si ɔɔyɔ́.

Tesalonikaƒuɔ 1 5:15

Bɛnu kaduɛ na ɔdi uteti likpidi utaƒɔ likpidi kayu. Mmomu uwi biala kemmo ni, bitaabla lɛbuni teete lɛlɔ ku bekyuli ƒui.

Petro 1 3:9

Biteti likpidi bitaƒɔ bani mɔɔbla-mii ekpidi kayu, iye bidumi bani muudumi-mii. Na mmomu bivele Katɔti na ute-ma keyi buɛɛ. Ɔsika ɔmɛni na Katɔti ɔɔwia ka bɛbla. Na ɔ́su bula ƒui úse ka ɔmɛni ɔsu na ɔdubute-bu keyi buɛɛ.