Korintoƒuɔ 1 6:3 - Katɔti Ɔku Kedee

³ Bɛgyi nwaa ka abu baƒɔtaadine ndubɔtɛku katɔ batu litemi. Ɔmɛni ɔsu na útalɛka kayawi etemila wɛlɛ wɛlɛ amɛni étulo-bu.

Korintoƒuɔ 1 6:3 ပူးပေါင်းရင်းမြစ်များ

Kɔgya 17:14

O Unwoti, ƒɔ-mi na bekyuli bekpidi bani kasusu ndi ka basala kayawi ala bese bete lɛlɔ mɛni enu kemmo. Awɔ muute bekyuli bani na aayɔ́ adila na baadi. Na bana bebi baakɛ́ taadi teemo. Bana bawɔ baakɛ́ ala teetulo kalɛ na baawia.

Daniel 7:22

Amu na Unwoti ɔni ntulo ƒui na ɔdi Katɔti ɔni nli uwi ƒui mɛni úbo na úbatɛ litemi na úte nwuna bekyuli baƒunadi bamɛni ubo, ɔsika uwi ɔni na beti lɛga kadikɔ kammɔ bete-ma údu.

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Luka 8:14

Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya.

Romaƒuɔ 6:16

Bɛgyi geen ka ni, si bínu lɛlɔ kalɔ na bíti bina lɛlɔ bɛ́kya ukyuli ɔni kabla na bɛɛbla kalɔ ni, na bɛdi ukyuli ɔmmɔ kabla bablane. Anwuɔsu bɛkana binwini kabla bablane bite likpidi lɛni mɔɔkpanku ukyuli taatákya kukpi kemmo. Na bɛkana binwini kabla bablane bite lɛbuni lɛni mɔɔkpanku ukyuli taatákya siin bɔbla kemmo.

Korintoƒuɔ 1 6:15

Bɛgyi ka bina ɔlɔna ɔdi Kristo ɔlɔna kakɛ kadi. Na útamanku ka eti Kristo ɔlɔna kakɛ kadi atámanaku ukyuli ɔni ndi lɛyalɛ ala ɔblane lɛlɔ.

Korintoƒuɔ 1 6:16

Bɛgyi lɛnɔ ka si ukyuli úti nwuna ɔlɔna útámanaku ɔyalɛ ɔdi lɛlɔ ni, ɔ́blaku-nwu unwi na ɔlɔna kemmo. Bunweni Kedee Ɔku ɔ́su nwaa ɔnii, “Bana inyɔ badubɔbla ɔlɔna unwi.”

Korintoƒuɔ 1 6:19

Bɛgyi nwaa ka ni, bina ɔlɔna ɔdi kakpakɔ ute Katɔti Kɔyu kɔni na Katɔti úti úte-mii na kulie-mii lɛlɔ kemmo. Ɔɔɔdi amii alati mbo bina lɛlɔ.

Korintoƒuɔ 1 6:4

Anwuɔsu si etemila amɛni udu akya bina akɔ ni, ina bekyuli bani na bilábu na bina akɔ muedi na bɛƒuna ka basu-ni muedi ni, nka ɔdia utulo ka bisie ɔgbami.

Timoteo 2 2:4

Ɔsika ukpone ɔni nnye nwuna kabla lɛlɔ geen ni, ɔɔwia ka nwuna ablala ada nwuna ɔtɔnkune ebiti. Anwuɔsu ɔsɔ ulakya bekyuli bani naaadi bekpone ablala kenye.

Timoteo 2 4:10

Ɔsika Dema ɔ́tɔlɔ-mi kudɔ na ɔsiaku kayawi ala kama úsie Tesalonika. Na Kreske anwu ni, úsie Galatia, na Tito úsie Dalmatia.

Petro 2 2:4

Katɔti útenye útanu batu bani náƒiɔ-nwu. Mmomu úbo-ma útákya abi kebokɔ. Na ɔ́ya na bébo-ma kɔgba bákya kasuudikɔ mmɔ wetédu limeyi lɛni na ɔdubɔtɛku-ma litemi.

Yuda 1:6

Na Katɔti batu bani nátakana na benye bana kenyekɔ na ɔyikun ɔni na Katɔti úte-ma kenye ni, Katɔti úbo-ma kɔgba ɔ́kya kasuudikɔ wetédu limeyi lɛni na watɛku-ma litemi na limeyi likplodi lɛmmɔ lɛlɔ.