Korintoƒuɔ 1 6:20 - Katɔti Ɔku Kedee

²⁰ Ɔsika Katɔti ɔ́ƒɔ kayu bonwu na bina lili. Anwuɔsu biti bina ɔlɔna bɛbla ala ani muute Katɔti ɔbu.

Korintoƒuɔ 1 6:20 ပူးပေါင်းရင်းမြစ်များ

Yesaia 44:22

Binwini bibo-mi kudɔ, ɔsika lɛ́ƒɔ-mii ngba na lídie bina ekpidi ƒui bina lɛlɔ aani kalɛ na liƒlukutu lɛɛyii takya kayaa.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Romaƒuɔ 6:19

Mɔɔyɔ́ ka lɛsia kalɛ na bekyuli baatɛmi kenye na lidie ɔmɛni kalɔ lite-mii na ɔbla-mii kpɛtɛ kpɛtɛ. Na uwi ɔni nábavi kemmo ni, bɛ́nyonu lɛlɔ ƒui bíte alaekpidi bɔbla ku ala ani muusé lɛlɔ ku likyulikpi ala bɔbla. Lɛni kani na ɔlɛka biti lɛlɔ ƒui bite siin bɔbla na bɛbla kedee.

Korintoƒuɔ 1 10:31

Nsu nyimo ka lɛla biala na ɔdi aabla iye aadi iye aaní ni, ɔlɛka abla ana ƒui kalɛ na eti ɔbu ete Katɔti.

Korintoƒuɔ 1 7:23

Na Katɔti ɔ́ƒɔ kayu bonwu na bina lili. Anwuɔsu bɛsɔ bitenwini bekyuli bamba kabla bablane.

Galatiƒuɔ 3:13

Na Kristo nébo úbada-bu údie ewida kemmo. Na anwu nébenwini ewidala úte-bu. Ɔsika bénweni banii, “Ewida asiaku ukyuli ɔni na badubuti baƒala ugyii lɛlɔ.”

Ƒilipiƒuɔ 1:20

Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Hebriƒuɔ 9:12

Na ɔɔɔdanku bese iye bakɔ bebi ubugya útetéduo mmɔ. Mmomu anwu ɔlati ubugya na úti útéduo likpo lɛni nse kedee ntulo ƒui mmɔ kunwi pɛ kani, na ɔ́ƒɔ-bu lili kayu úte uwi ƒui.

Petro 1 1:18

Ɔsika bɛgyi ka kayu kani na Katɔti ɔ́ƒɔ na bina lili asa na údie-mii ɔ́lɛku ngba bukpidi bɔni na bɛ́ƒɔ bɛ́siku bina bati kuuku kudɔ ni, ɔɔɔdi sika ugyiedi iye ɔƒualadi ɔni muutili na ɔdi.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Petro 2 2:1

Kalɛ na ɔkɔ kenye bediene bákya uwi ɔni návi ni, lɛni kani na ɔkɔ ala batinane bammɔ udu badubɔkya-mii akɔ. Badubo ɔkɔ bɔnyi bɔtina ala na ulu ɔni lɛlɔ na ɔdi ka bekyuli basia bada bana ngba lɛlɔ. Nsu ɔmmɔ ɔdubɔya na bekyuli bayii. Na badubuni ala ƒui lɛlɔ ɔdine Blɔti ɔni nédie-ma ɔ́lɛku bana ekpidi kemmo. Na ɔmmɔ ndubɔyila-ma udu.

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.