Korintoƒuɔ 1 6:13 - Katɔti Ɔku Kedee

¹³ Ukyuli bamba lɛnɔ ɔdubɔkana na ɔsu ɔnii, “Kaƒɔ ɔsu na bédie adila, na kaƒɔ na adila ese ete.” Sɔsɔ na ɔdi, nsu Katɔti ɔdubɔya na ana ƒui uwi ubavi. Na ɔɔɔdi ka buti bula ɔlɔna butaabla kɔsɔnɔ bɔdi ala. Mmomu ɔdi ka buti butaabla Blɔti kabla. Na anwu ɔdubute ɔlɔna ɔmmɔ lɛla lɛni námanku-nwu.

Korintoƒuɔ 1 6:13 ပူးပေါင်းရင်းမြစ်များ

Mateo 15:17

Binu ɔmɛni kalɔ ka ni, lɛla ndi lɛla lɛni muuduo ukyuli kenye kemmo ni, liiduo kaƒɔ kemmo. Na kama ni, uudie-ni teewiakun.

Mateo 15:20

Ala amɛni udu mɔɔyá na ukyuli uusé lɛlɔ. Nsu si ukyuli ɔdi útaƒɔ kɔnu aani kalɛ na Ƒarisiƒuɔ baatina kalɛ asa na ɔ́di ni, ɔmmɔ ulaya na uusé lɛlɔ.”

Marko 7:19

Mmomu nwuna kaƒɔ kemmo na líduo, na lɛɛsɔ taalɛ-nwu ɔlɔna kemmo aani lɛla lɛni nébie.” Na lɛla lɛni na Yesu ɔ́su mɛni ni, ɔ́tina ka adila biala adia éte bɔdi.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Yohane 6:49

Bina bati kuuku bádi adila ani baalɔ banii manna na ketele kemmo, nsu békpi.

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Romaƒuɔ 14:17

Ɔsika Katɔ Ɔga Ɔma ni, ɔɔɔdanku bɔdi ku bɔni. Mmomu ɔdanku lɛlɔ bɔbla siin ku keyi buɛɛ ku lɛlɔyɔ na Katɔti Kɔyu kemmo.

Romaƒuɔ 6:12

Anwuɔsu bitaya na likpidi lɛdi bina ɔlɔna ɔni ndubukpi mɛni lɛlɔ, kalɛ na bilanyonu lɛlɔ bilete ɔlɔna ɔkwɛ adala ekpidi.

Romaƒuɔ 7:4

Mina banwa, lɛni kani na use ute amii lɛnɔ. Ɔsika na ɔda bubo bɔmmɔ kenye ni, ɔɔtina aani si bíkpi uwi ɔni na Kristo úkpi. Na bɛkana bilieku ukyuli bamba. Anwuɔsu bínwini ukyuli ɔni na Katɔti ɔ́gyila ɔ́lɛku bekpine akɔ mmɔ kalɛ na bula kelie kalɛ ku ala abuni keyi ete Katɔti.

Korintoƒuɔ 1 3:16

Bɛti nwaa ka amii alati ndi Katɔti kakpakɔ. Na Katɔti Kɔyu kɔkya-mii lɛlɔ kemmo.

Korintoƒuɔ 1 6:15

Bɛgyi ka bina ɔlɔna ɔdi Kristo ɔlɔna kakɛ kadi. Na útamanku ka eti Kristo ɔlɔna kakɛ kadi atámanaku ukyuli ɔni ndi lɛyalɛ ala ɔblane lɛlɔ.

Korintoƒuɔ 1 6:19

Bɛgyi nwaa ka ni, bina ɔlɔna ɔdi kakpakɔ ute Katɔti Kɔyu kɔni na Katɔti úti úte-mii na kulie-mii lɛlɔ kemmo. Ɔɔɔdi amii alati mbo bina lɛlɔ.

Korintoƒuɔ 2 11:2

Muukpó-mii lɛlɔ kogyulo teete Katɔti. Lívele-mii líte Kristo aani kalɛ na beevele adagyaa ɔni nse sɛɛn teete kɔgya.

Korintoƒuɔ 2 5:15

Kristo nékpi na bekyuli ƒui lili kalɛ na bekyuli bani nli ngba ni, basɔ belelie ngba belete bana lɛlɔ. Mmomu belie ngba bete Kristo. Ɔsika ama ɔsu na Kristo úkpi na Katɔti ɔ́gyila-nwu ɔ́lɛku bekpine akɔ.

Galatiƒuɔ 5:24

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Eƒesoƒuɔ 5:23

Ɔsika uleku ɔgya ɔdi lili ute ulekudi aani kalɛ na Kristo ɔdi lili ute baƒɔtaadine lɛkpa lɛni ndi nwuna ɔlɔna. Anwuɔsu na úti lɛlɔ ɔ́kpa na bana lili kalɛ na bakɛ bɔƒɔ.