Korintoƒuɔ 1 6:12 - Katɔti Ɔku Kedee

¹² Bina akɔ ɔdi ɔdubɔsu ɔnii, “Mbo kuƒi ka lɛbla lɛla biala.” Sɔsɔ na ɔdi. Nsu lɛla biala lɛɛɛdia liiite-ɔ. Lɛkana na lɛsu nnii, “Mbo kuƒi na lɛbla lɛla biala.” Nsu útalɛka lɛla biala lɛdi-mi lɛlɔ.

Korintoƒuɔ 1 6:12 ပူးပေါင်းရင်းမြစ်များ

Lewiƒuɔ Ɔda Bubo 15:18

Na si ɔnana ɔdi ku ulekudi bátɛ ni, ɔlɛka bana inyɔ ƒui bakpi na bamu badubuse lɛlɔ utédu useyi uwi.

Yohane 5:10

Anwuɔsu ka Yudaƒuɔ benengu bánu ɔnana ɔmɛni ku nwuna lɛtala ni, básu-nwu banini, “Ɔɔɔdi ulu ka agyu ƒula atɛla eti lɛni na ɔmwi lɛnwunameyi lɛlɔ. Áta énye bula ɔda bubo lɛlɔ!”

Romaƒuɔ 7:14

Bula ƒui bɔgyi ka ɔda bubo bɔdanku kɔyu kemmo ala. Nsu ami nli ngba aani ɔyawine, na likpidi bɔbla bɔɔdi-mi lɛlɔ.

Korintoƒuɔ 1 8:4

Na ɔmɛni ndi lɛla lɛni mɔɔsu-mii na adila ani na béti bákpa na baƒiɔ abi lɛlɔ bɔdi lɛlɔ. Bɔgyi ka ala ani na bekyuli bábla bése baakpá ni, aaadi lɛla lɛdi na kayawi kamɛni kemmo. Ɔsika bɔgyi ka Katɔti unwi pɛ kani nkya.

Korintoƒuɔ 1 9:12

Si bekyuli bamba bébo kuƒi ka bakɛ kɔsia kɔdi basiku-mii kudɔ ni, na abu bubo kuƒi kɔmmɔ udu butulo-ma muedi. Nsu abu búteti kuƒi kɔmmɔ bútablaku lɛla lɛdi. Mmomu abu búti lɛla biala bɔ́sia lɛlɔ kalɛ na Kristo litemi buni lɛmmɔ lɛkɛ ulu na ligyingya lisie kesii biala.

Korintoƒuɔ 1 9:27

Lɛ́ya na lɛvu lɛma-mi kalɛ na mina ɔlɔna ɔkana na ɔƒɔ lɛbibo biala. Ɔsika si lɛ́kɔ litemi buni lɛmɛni lɛsa líte bekyuli bamba na búbasa bɔnii bɔɔkɔ́ku lɛlɔ ni, naaawia ka bada-mi bedie na lɛyuƒɔla lɛmmɔ kenye!

Tesalonikaƒuɔ 2 3:9

Bubo ɔyikun ka nka buti bula etila bɔsia-mii lɛlɔ. Nsu ka bɔɔyɔ́ ka bɛtɛya kalɛ na beenye kabla lɛlɔ ɔsu ni, bútabla lɛni.

Yuda 1:12

Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.