Korintoƒuɔ 1 6:1 - Katɔti Ɔku Kedee

¹ Si bina akɔ ɔdi ɔ́kɛku ɔƒɔtaadine ɔkpana litemi ni, útalɛka uti litemi lɛmmɔ usienku bekyuli bani naaadi baƒɔtaadine kudɔ ka basu-ni bete-nwu. Mmomu bina akɔ ɔdi ɔlɛka ɔsu-ni.

Korintoƒuɔ 1 6:1 ပူးပေါင်းရင်းမြစ်များ

Mateo 5:45

Na bɛdubunwini Katɔti ɔni nkya katɔ bebi geen. Ɔsika ɔɔyá na nwuna ɔƒɛ ɔɔlɛ́ teewi bekyuli bekpidi ku babuni ƒui lɛlɔ likeke. Na ɔnantu lɛnɔ ɔɔna teete bekyuli bani mɔɔbla ala abuni ku bani mɔɔbla ekpidi.

Batalane Kabla 19:38

Nsu si Demetrio ku nwuna bakywɛne bánu ka bebo litemi lɛdi ku ukyuli ɔdi ni, litemi batɛne bakya mɛni. Na bubo emeyi ani lɛlɔ na baatɛ etemila. Bakana bedie bana bɔƒiɔ batina-ma na mmɔ. Bɛya na buwi lɛlɔ na bɔsia ulu ɔbuni lɛlɔ.

Korintoƒuɔ 1 1:2

Búnweni ɔku ɔmɛni buute Korintoƒuɔ baƒɔtaadine bani na ɔkɛnku Yesu Kristo lɛlɔ na Katɔti údie úse na ɔ́lɔ-ma ɔnii babla nwuna bekyuli kedee. Lɛni na ɔ́bla bekyuli bani ƒui lɛnɔ mɔɔkpali Blɔti Yesu Kristo. Anwu ndi Blɔti ute abu ku-ma ƒui.

Korintoƒuɔ 1 14:33

Ɔsika Katɔti ɔɔwia ka bɔbla ala ulu lɛlɔ. Na ɔɔyɔ́ ka amanku keyi buɛɛ. Na lɛni na ɔlɛka use na Katɔti baƒɔtaadine akpa ƒui akɔ.

Korintoƒuɔ 1 16:1

Ɔƒɛni ni, bínweni lɛla lɛdi bɛ́siku egulabi ani na bɛɛyɔ́ ka biyi bɛsala na biti bibunku Katɔti bekyuli bani nkya Yudea kalɔ lɛlɔ. Na ɔdi ka bɛbla lɛla lɛni na lɛ́su Galatiƒuɔ baƒɔtaadine nnii babla.

Korintoƒuɔ 1 16:15

Bɛgyi Steƒana ku nwuna kaduli bekyuli. Ama ndi bekyuli bedeedi bani nénwini kayi na Akaia kalɛkɛ lɛlɔ mmɔ. Na béti lɛlɔ béte ka beteebunku Katɔti bekyuli. Banwa, muuvele-mii nnii,

Korintoƒuɔ 1 5:12

Use nwaa ka ni, ɔɔɔdi mina kabla kadi ka lɛtɛku bekyuli bani naaadi bula baƒɔtaadine bakpana litemi. Mmomu Katɔti ndubɔtɛku-ma litemi. Nsu ɔdi ka bɔtɛku bula baƒɔtaadine bakpana litemi aani kalɛ na Bunweni Kedee Ɔku ɔɔsu ɔnii, “Bɛgya ukyuli ukpidi bidie bina kasala kemmo.”

Korintoƒuɔ 1 6:5

Mɔɔsu-mii ɔmɛni na kɔƒa kukpo-mii. Ukyuli unwi pɛ ɔdi anwu ɔkya bina akɔ ɔni ndubɔkana na ɔklibi etemila amɛni na baƒɔtaadine ntɛ.