Korintoƒuɔ 1 5:8 - Katɔti Ɔku Kedee

⁸ Anwuɔsu ni, bitaya na bɔdi bula Kukpi Lili Bɔvia Limeyi ku bodobodo ɔni kemmo na bɔnyii bɔkukudi bɔni ndi likpidi ku likyulikpi ala ani bɔɔbla akya. Mmomu bɔɔdi limeyi lɛmɛni ku bodobodo ɔni kemmo na bɔnyii buuubo na bɔɔtina ka bɔɔɔdi anumi lɛlɔ bekyuli. Mmomu bɔkɛnku litemi geen lɛmmɔ.

Korintoƒuɔ 1 5:8 ပူးပေါင်းရင်းမြစ်များ

Kɔgya 32:2

Na lɛlɔ lɛdubɔyɔ ukyuli ɔni ekpidi na Blɔti ulábu teese-nwu na ɔkɔ ala bɔbla bɔdi buuubo-nwu lɛlɔ kemmo.

Kɔgya 42:4

Si muunyimo ala adi bene ni, kayi kaakpulu-mi geen. Muunyimo uwi ɔni na ntaatɔnku ƒula bekyuli lisu na bútaasala teesie ƒula kakpakɔ taatátu lɛnu teemwi-ɔ ku lɛlɔyɔ.

Israelƒuɔ Bɔlɛ 12:15

Biti emeyi maatɛ bɛdi bodobodo ɔni kemmo na bátakya bɔnyii. Na emeyi maatɛ ammɔ limeyi lideedi ni, ukyuli biala na ubo bɔnyii na nwuna kaduli ubo-nwu uwiakun. Na Ukyuli biala madi bodobodo ɔni kemmo na bákya bɔnyii emeyi maatɛ ammɔ kemmo ni, ndubɔda-nwu lidie mina bekyuli akɔ.

Israelƒuɔ Bɔlɛ 12:19

Na emeyi maatɛ ammɔ kemmo ɔdi uteti bɔnyii bɔdi utese nwuna kaduli. Na si Israelni iye ɔƒɔ ɔdi ɔ́di bodobodo ɔni bakya bɔnyii ni, ndubɔda-nwu lidie mina bekyuli akɔ.

Israelƒuɔ Bɔlɛ 12:8

Na usien ɔmmɔ ni, ukyuli biala uƒi nwuna lɛna na ɔkun-ni ku evete ani mbo ɔdu ku bodobodo ɔni kemmo na bɔnyii buuubo.

Israelƒuɔ Bɔlɛ 13:6

Na bitadi bodobodo ɔni na bɔnyii bɔkya-nwu kemmo emeyi maatɛ. Na limeyi maatɛdi lɛmmɔ lɛlɔ ni, na bɛdi limeyi lɛmmɔ biti bɛkɔliku Unwoti lɛnyi katɔ.

Israelƒuɔ Bɔlɛ 13:7

Bɛdi bodobodo ɔni néteƒu emeyi maatɛ ammɔ kemmo. Na bɛnu ka lɛla biala kemmo na bɔnyii bɔkya ni, bídie-ni na bina akɔ ku bina amadɔ ƒui.

Yesaia 25:6

Na Sion Kɔbi kɔmɛni lɛlɔ ni, Unwoti Ɔyikune Ƒui ɔdubɔlɔ bekyuli ƒui limeyi buni kadikɔ. Na use adila abuni geen ute-ma ku lɛna ku ntɛ bɔbuni ƒui geen.

Yesaia 30:29

Na Unwoti bekyuli badubo ɔnu budie aani kalɛ na beedie ɔnu si baadi limeyi kedee na usien. Unwoti ndi lɛtakpɛ lɛni lɛlɔ na Israel kadi bekyuli békpo bana kama. Na lɛlɔ lɛdubɔyɔ nwuna kadi bekyuli geen aani kalɛ na baakɛ lisu ku atoloyii bɔvwi si bákɔ bésela abi lɛlɔ kesii kani na beesié taatákpa-nwu mmɔ.

Lewiƒuɔ Ɔda Bubo 23:6

Na kadi kegye kɔbuli kɔmmɔ kani limeyi leevu-lɛlɔndi lɛlɔ ni, Bodobodo Ɔni Néteƒu Limeyi bɔdi buusé kalɔ na bɛdubɔdi bodobodo ɔmmɔ emeyi maatɛ.

Mateo 16:12

Mmɔ asa na ɔ́bla batalane bammɔ nwaa ka ɔɔɔdi bɔnyii bɔni baakya ala kemmo na uuƒu lɛlɔ ɔda na uubó-ma. Mmomu ni, ala ani na Ƒarisiƒuɔ ku Sadukiƒuɔ baatina na ɔda.

Mateo 16:6

Mmɔ na Yesu ɔ́su-ma ɔnini, “Bɛnu kaduɛ na Ƒarisiƒuɔ ku Sadukiƒuɔ bɔnyii bɔni baakya ala kemmo na uuƒu lɛlɔ.”

Marko 8:15

Amu na Yesu ɔ́su-ma ɔnini, “Binye kagyumana na bɛnu kaduɛ na Ɔga Herode ku Ƒarisiƒuɔ bɔnyii bɔni na baakya bodobodo kemmo na uuƒu lɛlɔ.”

Luka 12:1

Ka bekyuli mpim mpim badi bábasa mmɔ ɔni na baanya lɛlɔ muedi ni, Yesu ɔ́ka nwuna batɛyane bɔsu ɔnini, “Binye kagyumana kaduɛ na Ƒarisiƒuɔ ɔkɔ ablala ani muuƒú bekyuli mmɔ lɛlɔ.

Yohane 1:47

Ka bákpɛ beedé na Yesu ɔ́nu ka Natanael ɔdubo ni, ɔ́su-nwu lɛlɔ kɔtɛ ɔnini, “Bɛɛnu ka ukyuli ɔdi ɔdubo na ulatɔlɔ bekyuli. Ɔdi Israelni geen!”

Korintoƒuɔ 1 3:3

Ɔsika bɛmu bilie ngba aani bekyuli bani néti bana kasusu básia kayawi kamɛni lɛlɔ ala lɛti pɛ lɛlɔ. Na si lɛnungyie lɛkya-mii akɔ na bɛɛdɔ ni, ɔmmɔ lɛti muedi ɔɔtina ka kayawi kamɛni lɛlɔ ala na bilie bite.

Korintoƒuɔ 1 5:1

Na ɔƒɛni ni, bekyuli baasu nwaa ka ni, bina akɔ badi baadi kɔsɔnɔ kɔni ntulo bɔsu. Na bekyuli bani naaadi baƒɔtaadine muedi balakana ɔmmɔ udu bɔbla. Básu-mi banii ɔnana ɔdi ku ɔti ulekudi baatɛ!

Korintoƒuɔ 1 5:6

Útalɛka bitaatina lɛlɔ. Bɛɛɛgyi bɛnii bɔnyii blii mɔɔsálaku ɔlaaƒɔ ɔni na bánwu na ɔɔyá na ɔna ƒui uuƒu?

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Korintoƒuɔ 2 8:8

Ɔɔɔdi ɔda na muubó-mii, mmomu líti ogya ɔni nkya badi lɛlɔ kemmo mɔɔkɔ́ku amii bɔdi kalɛ na bɔnu si bina bekyuli bɔyɔ lɛnɔ bɔdi bɔyɔ geen.

Eƒesoƒuɔ 6:24

Katɔti lɛƒɔndia lɛsiaku bekyuli bani ƒui mɔɔyɔ́ Blɔti Yesu Kristo ku kayi ƒui.

Lɛkpa Ulu 16:16

Na lɛkwa biala kemmo ni, Israelƒuɔ ƒui banana ɔlɛka bebo Unwoti anumi kɔtɛ babakpa-nwu na kesii kani na ɔ́su úse ka bitaakpa-nwu mmɔ. Na emeyi ani badubɔdi mmɔ ndi Bodobodo Ɔni Néteƒu Limeyi ku Edula Bɔƒɛ Limeyi ku Kevo Kemmo Bulie Emeyi. Na ukyuli ɔdi utebo Katɔti anumi mmɔ ku enukplu.

Lɛkpa Ulu 16:3

Na si bɛɛdi Kukpi Lili Bɔvia adila ammɔ ni, biteti bɔnyi bɔni mɔɔyá na ɔlaaƒɔ uuƒu bitasala bodobodo ɔmmɔ kemmo. Biti emeyi maatɛ bɛdi bodobodo ɔni neeeƒu aani kalɛ kani na bɛ́bla limeyi lɛni na bɛ́babla na bɛ́tɔlɔ Egyipte kalɔ lɛlɔ mmɔ. Na si bɛɛdi bodobodo ɔmmɔ udu ni, bɛsia-nwu lɛnyi bɛnii Lɛbibo Adila Bɔdi kalɛ na biteenyimo na bina ngba bulie ƒui kemmo abi ani na bíbo uwi ɔni bɛ́kya Egyipte kalɔ lɛlɔ.

Yosua 24:14

Amu na Yosua úse anumi na ɔ́sɔ ɔ́su-ma ɔnini, “Bɛyia Unwoti na bitaabla-nwu kabla ulu lɛlɔ. Na bɛda baƒiɔ bani na bina bati kuuku bákpa na ketu ɔvi ku Egyipte mmɔ bidie bina akɔ. Na bitaabla Unwoti kabla kani.

Petro 1 4:2

Na si bɛ́da lɛlɔ bíse lɛni ni, ɔdubɔya na bilie ngba ɔ́si ɔƒɛni úsela bitaabla lɛla lɛni mɔɔyɔ́ Katɔti kaƒɔ. Na ɔlɔna kemmo ala asɔ alátaada-mii ɔkwɛ.