Korintoƒuɔ 1 5:10 - Katɔti Ɔku Kedee

¹⁰ Ɔƒɛni ni, ɔɔɔdi bekyuli bani naaadi baƒɔtaadine na nda. Badi bekyuli bani mɔɔdi kɔsɔnɔ na bebo lɛnungyie ku bani muuti bekyuli egulabi taadi, na baakpá baƒiɔ lɛnɔ. Na si bɛnii bɛɛmami-ma lɛlɔ bɔdi anwu ni, ɔdi ka bɛvi bɛlɛ kayawi kemodi kammɔ ƒui kemmo.

Korintoƒuɔ 1 5:10 ပူးပေါင်းရင်းမြစ်များ

Luka 18:11

Ƒarisini ɔmmɔ ɔ́ta anwu lɛti na útákpali katɔ ɔnini, ‘Katɔti mɔɔgyá-a enu, ɔsika liiibo egulabi lɛnungyie, na liiibo likyulikpi, na naaadi kɔsɔnɔ aani bekyuli bakladi kalɛ. Na mɔɔgyá-a enu lɛnɔ, ɔsika liiise aani kuyi ɔƒɔne ɔni ngye lɛnɔ kalɛ.

Yohane 15:19

Si bɛ́bla unwi ku kayawi bekyuli na bana ablala kemmo ni, badubɔyɔ-mii aani bana badi. Nsu ami lɛ́ƒuna-mii lɛ́lɛku kayawi bekyuli bammɔ akɔ, na bɛsɔ bɛɛɛdi bana badi. Ɔmmɔ ɔsu na beekisi-mii.

Yohane 17:6

“Lɛ́ɛya na bekyuli bani na áƒuna álɛku kayawi bekyuli akɔ éte-mi báti-ɔ. Awɔ ɔdi na badi, na éti-ma éte-mi. Bádi ƒula etemila ƒui lɛlɔ.

Yohane 17:9

Mɔɔkpali katɔ na bana lili, na ɔɔɔdi kayawi bekyuli ƒui lili. Mmomu bani na éti éte-mi lili, ɔsika awɔ ɔdi na badi.

Yohane 8:23

Amu na ɔ́su-ma ɔnini, “Amii ni, kalɔ mɛni na bɛ́si. Na ami ni, lɛ́si katɔ. Kayawi kamɛni ɔdi na bɛdi. Na ami ni, ɔɔɔdi kayawi kamɛni ɔdi na ndi.

Korintoƒuɔ 1 1:20

Ɔmɛni ɔɔtina ka kayawi kamɛni banundane ku bakutine ku bekyuli bani mbo kenye ogya ƒui lɛnunda lɛdi adɔlɔla.

Korintoƒuɔ 1 10:27

Si ukyuli ɔni naaadi ɔƒɔtaadine ɔdi ɔ́lɔ-ɔ ɔnii baadiku-nwu na átuna na ésie ni, lɛla biala na úte-ɔ ɔnii di ni, di na teye lɛla lɛdi enu ati si adila ammɔ ese kedee iye eeese.

Korintoƒuɔ 1 5:11

Mmomu lɛla lɛni mɔɔtina ndi ka ukyuli ɔni na ɔɔlɔ lɛlɔ ɔnii ɔnwa ɔƒɔtaadine nsu ɔɔdi kɔsɔnɔ iye ubo lɛnungyie iye ɔɔkpá baƒiɔ iye ɔɔlɔ bekyuli anyikpi iye uukpi ntɛ iye uuyú ni, awɔ ku-nwu bitabla lɛla lɛdi bitasala. Na bitakya kɔnu lɛkyami linwi kemmo bitadi muedi.

Korintoƒuɔ 1 5:9

Na ɔku ɔni na línweni-mii kemmo ni, lɛ́su-mii nnii bitasala lɛlɔ ku bekyuli bani mɔɔdi kɔsɔnɔ.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Eƒesoƒuɔ 2:2

Na bɛ́siaku kayawi ala ekpidi kama ku ukisine ɔni mɔɔdi ayu ekpidi ƒui lɛlɔ na kayaa, na anwu kani mɔɔdi batuɔkplune ƒui lɛlɔ ɔƒɛni.

Ƒilipiƒuɔ 2:15

Mmɔ na bɛdubɔlɛ kɔtɔ bɔdu biala kemmo na bɛbla sɛɛn aani Katɔti bebi bani na likpidi liiibo-ma lɛlɔ. Na ka bilieku bekyuli bekpidi bani nkya kayawi kani nébie mɛni kemmo ɔsu ni, bikeye na bana akɔ aani kalɛ na ayabi eekeye na kayaa.

Yohane 1 4:5

Kayawi lɛlɔ bekyuli kani na badi. Na baatɛmi taasiku kayawi ala lɛlɔ. Na kayawi bekyuli lɛnɔ beenú-ma litemi.

Yohane 1 4:7

Banwa bayɔne, bɛya na bɔyɔ lɛlɔ. Ɔsika bɔyɔ bɔ́si Katɔti kudɔ. Na ukyuli biala ɔni mɔɔyɔ́ bekyuli ɔdi Katɔti ubi, na ɔgyi Katɔti.

Yohane 1 5:19

Abu bɔgyi ka bɔdi Katɔti badi geen, na kayawi bekyuli bakladi ƒui bakya ukisine ɔmmɔ lɛlɔ bɔdi kalɔ.

Budie Taatina 12:9

Na bábɔku liƒu kɔlakpi kɔmmɔ béboku kalɔ. Aku ndi kɔlakpi kɔkukudi bonwu kɔni baalɔ ukisine ɔmmɔ iye Satan, na ɔɔtɔ́lɔ kayawi kemodi ƒui. Bábɔku anwu ku nwuna batu ƒui bábava kalɔ lɛlɔ mɛni.