Korintoƒuɔ 1 5:1 - Katɔti Ɔku Kedee

¹ Na ɔƒɛni ni, bekyuli baasu nwaa ka ni, bina akɔ badi baadi kɔsɔnɔ kɔni ntulo bɔsu. Na bekyuli bani naaadi baƒɔtaadine muedi balakana ɔmmɔ udu bɔbla. Básu-mi banii ɔnana ɔdi ku ɔti ulekudi baatɛ!

Korintoƒuɔ 1 5:1 ပူးပေါင်းရင်းမြစ်များ

Ala Kalɔ Buse 35:22

Uwi ɔni na Israel ku anwu badi bakya kalɔ kammɔ kemmo ni, ubidi Ruben ku ɔti ulekudi Bilha bátɛ na ɔti úbenu lɛla lɛmɛni. Bebi leevu-inyɔ na Yakob ɔ́wɔ.

Ala Kalɔ Buse 37:2

Yakob lɛlɔ kɔtɛ na bɔdubo bunu mɛni. Uwi ɔmmɔ kemmo ni, Yoseƒ ɔdi okloƒu ɔni náƒɔ akwa leevu-maatɛ. Na bebuo lɛlɔ na útaanu anwu ku nwuna banwani. Na bana ƒui bási beleku inyɔ bani na ɔti úti kaƒɔ kemmo. Beleku bammɔ ndi Bilha ku Silpa. Nwuna banwani bamɛni ɔbladu ɔɔɔdia ɔsu ni, úbasu ɔti ngba bɔni na belie.

Ala Kalɔ Buse 49:4

Ƒula udu use aani ntu bɔni mɔɔnwanɛ lɛlɔ. Nsu asɔ eletulo bakladi na lɛla lɛdi kemmo lɛnɔ. Ɔsika ákɔ ƒ'ɔti katɛnkɔ. Na ébile-nwu atɛla.

Samuel 2 16:22

Ɔmmɔ ɔsu bálɛ adi kevo kadi na lɛsa katɔ béte Absalom na ɔ́tɛnku beleku bammɔ unwi unwi útáwɔlɔ na Israelƒuɔ bammɔ ƒui anumi.

Samuel 2 20:3

Uwi ɔni na Dawid únwini úsie nwuna kaduli na Yerusalem ni, ɔ́ya na béti nwuna basɔnɔ leevu bani na ɔ́da ɔ́kya kama ka bataanu kaduli lɛlɔ mmɔ batákya liku lɛdi na ɔ́ya na beete-ma na baadi na baaní, nsu ɔ́sɔ útesie ɔdi kudɔ kudii na batɛ ɔnana ku uleku kalɛ. Mmomu bákya mmɔ aani bekpinele útédu ka ɔdi biala úkpi.

Ala Alɛdi 1 5:1

Bamɛni ndi Ruben ɔni ndi Israel ubidi udeedi bebi. Ɔdi ubi udeedi geen, nsu uwi ɔni na úbile ɔti katɛnkɔ na ɔ́ya na keesé lɛlɔ ni, nwuna kenyekɔ aani ubi udeedi kalɛ béti-ka béte Yoseƒ ɔni ndi Israel ubidi. Ɔmmɔ ɔsu bátakana na béte-nwu lɛnyi bakya bebi bedeedi bɔwɔ ɔku kemmo aani ubi udeedi ɔni báka bɔ́wɔ kalɛ.

Yeremia 2:33

Bɛgyi ulu biala lɛlɔ na bɛkana na bɛsia na bɛkɛ bayɔne ɔni na bɛsɔ bɛɛtina beleku bekpidi bammɔ lɛla lɛdi.

Esekiel 16:47

Bana ngba uliedu kama na ásia ku bana kalala ɔdi ala bɔbla kama, anwuɔsu na uwi útetu asa na ƒula bubie búbetulo na eesé lɛlɔ geen teetulo-ma muedi.

Esekiel 22:10

Na badi baatɛnku bana bati ku beleku bani náƒɛ kɔnu.

Lewiƒuɔ Ɔda Bubo 18:8

“ ‘Tatɛnku ƒ'ɔti ulekudi ɔdi, ɔmmɔ ɔdubudie ɔbu na nwuna lɛlɔ.

Lewiƒuɔ Ɔda Bubo 20:11

“ ‘Si ɔnana ɔdi ku ɔti ulekudi bátɛ ni, ɔlɛka badu bana inyɔ bani nátɛ mmɔ, ɔsika ubi ɔmmɔ údie ɔbu na ɔti lɛlɔ. Na bana ubugya ɔdubɔsia ama alati lili.

Amos 2:7

Na bébo bawabane báva kalɔ na bédi bani na mɔɔwia kebunku bése kɔmadɔ. Na báya na bekyuli balábu mina lɛnyi lɛni nse kedee, ɔsika ubi ku ɔti ƒui baatɛ ugblebi unwi kudɔ na baayá na mina lɛnyi liisé lɛlɔ.

Batalane Kabla 15:20

Mmomu bɛya bunweni-ma ɔku na bada ala aani béti bákpa béte baƒiɔ na aayá na beesé lɛlɔ bɔbla baya ku kɔsɔnɔ bɔdi ku bebuo bani bélii-ma amɔ bádu bɔkun ku ubugya bɔni baya.

Batalane Kabla 15:29

Bini ala ani na béti bákpa béte baƒiɔ ku ubugya bɔni ku bebuo bani na bélii-ma amɔ bádu bɔkun ku kɔsɔnɔ bɔdi. Si bɛda lɛlɔ lɛni ni, keyi kadubɔyɔku-mii. Bɛkya kpoo.

Korintoƒuɔ 1 1:11

Ɔsika ni, banwa, bekyuli badi bási Klo kaduli na básu-mi nwaa banii kadɔ kakya-mii ntɛ.

Korintoƒuɔ 1 5:11

Mmomu lɛla lɛni mɔɔtina ndi ka ukyuli ɔni na ɔɔlɔ lɛlɔ ɔnii ɔnwa ɔƒɔtaadine nsu ɔɔdi kɔsɔnɔ iye ubo lɛnungyie iye ɔɔkpá baƒiɔ iye ɔɔlɔ bekyuli anyikpi iye uukpi ntɛ iye uuyú ni, awɔ ku-nwu bitabla lɛla lɛdi bitasala. Na bitakya kɔnu lɛkyami linwi kemmo bitadi muedi.

Korintoƒuɔ 1 6:13

Ukyuli bamba lɛnɔ ɔdubɔkana na ɔsu ɔnii, “Kaƒɔ ɔsu na bédie adila, na kaƒɔ na adila ese ete.” Sɔsɔ na ɔdi, nsu Katɔti ɔdubɔya na ana ƒui uwi ubavi. Na ɔɔɔdi ka buti bula ɔlɔna butaabla kɔsɔnɔ bɔdi ala. Mmomu ɔdi ka buti butaabla Blɔti kabla. Na anwu ɔdubute ɔlɔna ɔmmɔ lɛla lɛni námanku-nwu.

Korintoƒuɔ 1 6:18

Bɛsɔ bitabla kɔsɔnɔ ala. Likpidi bamba udu biala na ukyuli ɔ́bla ni, lɛɛɛdanku nwuna ɔlɔna. Nsu ukyuli ɔni mɔɔdi kɔsɔnɔ ni, ɔɔbla nwuna ɔlɔna ɔlati likpidi.

Korintoƒuɔ 1 6:9

Na bɛgyi geen ka bekyuli bani mbo likyulikpi balákɛ Katɔti lɛga kadikɔ. Bitabu bina lɛlɔ kɔdɔlɔ! Ɔsika bekyuli bani mbo lɛyalɛ iye bani mɔɔkpá baƒiɔ iye baadi kɔsɔnɔ iye bani néti lɛlɔ kudɔ bɔtɛ bénwini liyedi iye banana bani mɔɔtɛnku lɛlɔ aani beleku kalɛ iye bani muuyú iye bani mbo lɛnungyie iye bani mɔɔní ntɛ teekpi iye beebile bekyuli anyi iye bani muuti bekyuli egulabi taadi ni, bana akɔ ɔdi biala uléduo Katɔti lɛga kadikɔ.

Korintoƒuɔ 2 12:21

Mɔɔyia ka uwi ɔni na nsɔ mebo mmɔ ni, mina Katɔti ɔdubɔya na enu aƒɛ-mi na bina anumi. Na ndubuwulo na bekyuli pii lili, ɔsika bétenwini kayi na bana alaekpidi ani na bábla bábavi ɔsu. Báabla ala ani muusé lɛlɔ, na bádi kɔsɔnɔ, na baaadaku-ni na ulu biala lɛlɔ.

Korintoƒuɔ 2 2:5

Anwuɔsu ukyuli ɔni bɔƒiɔ lɛlɔ litemi línweni-mii ni, ɔɔɔdi ami lɛti na ɔ́ƒiɔ. Mmomu bɔkana bɔsu bɔnii ɔ́ƒiɔ bina ƒui. Nsu naaayɔ ka bɔdɔnku-nwu bɔgya.

Korintoƒuɔ 2 7:12

Ɔmmɔ ɔsu ɔku ɔni na línweni límene-mii ni, ɔɔɔdi ukyuli ɔni náƒiɔ lɛlɔ litemi kani na lɛdi iye ukyuli ɔni na báƒiɔ lɛti ɔsu. Mmomu línweni-nwu kalɛ na bɛti na Katɔti anumi kalɛ na bɛɛbu-bu geen.

Galatiƒuɔ 5:19

Na ala ani na ɔlɔna ɔɔbla ni, aalɛ́ keyi nwaa na anya ndi lɛyalɛ ku kɔbɔ ala bɔbla ku adɔlɔla bɔbla

Eƒesoƒuɔ 5:3

Ka Katɔti bebi bɛdi ɔsu ni, bɛda lɛlɔ bidie lɛsɔnɔdi ku lɛyalɛ ku lɛnungyie ƒui kemmo. Ɔsika ala amɛni udu átamanku ka balɔ-nya anyi muedi na Katɔti bekyuli kedee akɔ.

Lɛkpa Ulu 22:30

Na ɔnana biala ku nwuna ɔti ulekudi ɔdi biala batatɛ. Na si ɔdi ɔ́bla lɛni ni, ɔdi kɔƒa kubendi kute-nwu.

Lɛkpa Ulu 27:20

‘Ewida asiaku ukyuli ɔni na anwu ku ɔti ulekudi baatɛ. Ɔsika ɔ́ya na ɔti katɛnkɔ keesé lɛlɔ.’ Na ɔlɛka bekyuli batuna banii, ‘Ɔsia lɛni.’

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Tesalonikaƒuɔ 1 4:7

Katɔti ɔ́lɔ-bu ka bɔbla bekyuli kedee. Anwuɔsu bɛya bɔda lɛlɔ budie kɔbɔ ala bɔbla kemmo.

Budie Taatina 2:21

Líte-nwu uwi ɔni na uti ɔvumana na ɔda ekpidi bɔbla ɔya, nsu ulenu kalɔ.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Samuel 1 2:24

Oowo! Mina bebi, ńtatunaku-mii. Unwoti bekyuli bamɛni beledie-mi kenye buni kadi.